బ్యాంకులో డిపాజిట్ చేసేముందు ఇవి ప‌రిశీలించండి

రిజర్వ్ బ్యాంక్ ఆఫ్ ఇండియా మంగళవారం లక్ష్మి విలాస్ బ్యాంక్‌ను తాత్కాలిక నిషేధంలో ఉంచి, డిబిఎస్ బ్యాంకులో విలీనం చేస్తున్నట్లు ప్రకటించింది. ఉపసంహరణలు డిపాజిటర్లకు రూ. 25,000 వ‌ర‌కే పరిమితం చేసింది. మెడికల్ ఎమర్జెన్సీ వంటి మినహాయింపులతో, ఈ సందర్భంలో పరిమితి వ్యక్తికి రూ. 5 లక్షలు. ఇటువంటి తాత్కాలిక నిషేధాలు చాలా అరుదుగా, ఆశ్చర్యం కలిగించినప్పటికీ, బ్యాంకు యొక్క ఆర్థిక పారామితులు ప్రజాక్షేత్రంలో అందుబాటులో ఉన్నాయి.

బ్యాంకు ఆర్ధిక ప‌రిస్థితిని అంచనా వేయడానికి కొలమానాలు ఏమిటో తెలుసుకోవ‌డానికి ప్ర‌య‌త్నించండి. బ్యాంక్ వెబ్‌సైట్‌లో అప్‌లోడ్ చేసిన త్రైమాసిక ఫలితాల్లో ఇవి సులభంగా లభిస్తాయి.

మూలధన సమృద్ధి నిష్పత్తి

నిర‌ర్థ‌క‌ రుణాలకు త‌గినంత బ్యాంకు కలిగి ఉన్న మూల‌ధ‌న నిష్ప‌త్తిని సూచిస్తుంది. ఏదైనా సంక్షోభం ఏర్ప‌డినప్పుడు నష్టాలు డిపాజిటర్ల కంటే బ్యాంకు మూలధనం ద్వారా గ్ర‌హిస్తారు. ఇప్పుడు రుణదాత ఎంత‌వ‌ర‌కు న‌ష్టాన్ని త‌ట్టుకునే సామ‌ర్థ్యం క‌లిగి ఉందో తెలుపుతుంది.

12 శాతం కంటే ఎక్కువ నిష్పత్తి ఆరోగ్యకరమైన బ్యాంకును సూచిస్తుంది. ఆర్‌బీఐ నిబంధనల ప్రకారం, వాణిజ్య బ్యాంకుకు కనీస మూలధన సమృద్ధి నిష్పత్తి 9 శాతం ఉండాలి. ల‌క్ష్మీ విలాస్ బ్యాంక్ విషయంలో, జూలై-సెప్టెంబర్ త్రైమాసికంలో ఆడిట్ చేయని ఫలితాలు -2.85 శాతం మూలధన సమృద్ధి నిష్పత్తిని వెల్లడించాయి, ఇది ఆరోగ్యకరమైనదిగా పరిగణించబడిన దానికంటే చాలా తక్కువ.

స్థూల నిరర్థ‌క ఆస్తులు (ఎన్‌పీఏ) నిష్పత్తి

ఇది బ్యాంకు రుణాల నిష్పత్తి చెడుగా ఉందని తెలుపుతుంది. ప్ర‌ధాన‌మైన‌ ప్రైవేట్ రంగ బ్యాంకులు, స్థూల ఎన్‌పిఎలను 5 శాతం కన్నా తక్కువ కలిగి ఉంటాయి. అయితే మొండి రుణాల వర్గీకరణ కొన్నిసార్లు నిజమైన లెక్క‌ల‌ను ఇవ్వడంలో విఫలమవుతుండటంతో పెట్టుబడిదారులు దీనితో జాగ్రత్తగా ఉండాలి. ఒక బ్యాంకు రుణాలను దూకుడుగా పునర్వ్యవస్థీకరిస్తుంటే స్థూల ఎన్‌పీఏల‌ను తగ్గించవచ్చు, కాబట్టి దీనిని కూడా ప‌రిగ‌ణ‌న‌లోకి తీసుకోవాలి.

లక్ష్మి విలాస్ బ్యాంక్, స్థూల ఎన్‌పీఏలు 24.45 శాతం ఉన్నాయి. స్పష్టమైన చిత్రం కోసం, నికర ఎన్‌పీఏ నిష్పత్తిని చూడవచ్చు, ఇది నిబంధనలలోని కారకాలు - చెడు రుణాల కోసం డబ్బును పక్కన పెట్టడం వంటివి. ఈ నిష్పత్తి లక్ష్మి విలాస్ బ్యాంకుకు 7.01 శాతంగా ఉంది.

మార్కెట్ విలువ‌

ఇది బ్యాంకు అన్ని షేర్ల‌ మొత్తం విలువ. ఇది ప్రతి రోజు బ్యాంకు స్టాక్ ధరతో మారుతుంది. త్రైమాసిక లేదా వార్షిక ఫలితాలతో పోలిస్తే బ్యాంకు ఆర్థిక ప‌రిస్థితి గురించి ఎప్ప‌టిక‌ప్పుడు తెలుసుకోవ‌చ్చు. మార్కెట్ క్యాప్‌లో క్షీణత, నివేదించబడిన సంఖ్యలు బాగా కనిపించినప్పటికీ, మార్కెట్ సంఖ్యలపై సందేహాస్పదంగా ఉందని ఇది మీకు తెలియజేస్తుంది.

పెట్టుబడిదారులు అతిపెద్ద 3 ప్ర‌భుత్వ‌ బ్యాంకులు, 3 ప్ర‌ధాన‌ ప్రైవేట్ రంగ బ్యాంకులను ఎంచుకుంటే డ‌బ్బు సుర‌క్షితంగా ఉంటుంద‌ని ఆర్థిక స‌ల‌హాదారులు సూచిస్తున్నారు. అయితే అధిక రాబ‌డి కోసం ప్ర‌త్యామ్నాయంగా మ్యూచువ‌ల్ ఫండ్ల‌ను ఎంచుకోవ‌చ్చు. ఫిక్స్‌డ్ డిపాజిట్లు గానీ, మ్యూచువ‌ల్ ఫండ్ల‌లో గానీ డ‌బ్బు సుర‌క్షితంగా, లిక్విడిటీ ఎక్కువ‌గా ఉండే వాటిని చూసుకోవాల‌ని చెప్తున్నారు. అయితే ఎక్కువ రాబ‌డి కోసం ఇత‌ర బ్యాంకుల‌ను ఎంచుకుంటే పైన చెప్పిన అంశాల‌న ప‌రిశీలించి నిర్ణ‌యం తీసుకోవాల‌ని సూచిస్తున్నారు.