ప్రామాణిక బీమా అందుబాటులోకి రావ‌డంతో ఏ బీమా పాల‌సీని  ఎంచుకోవాలి? 

ప్రామాణిక బీమా అందుబాటులోకి రావ‌డంతో అన్ని బీమా సంస్థలు అందించే అన్ని పాలసీలకు నిర్వచనాలు, షరతులు, కవరేజీలు, మినహాయింపులు, ఆమోదాలు, గ‌డువులు ఒకే విధంగా ఉంటాయి. అయిన‌ప్ప‌టికీ పాలసీ కొనుగోలుదారులు సరైన బీమా సంస్థను ఎన్నుకునేటప్పుడు ఒక్కోసారి ఏది ఎంచుకోవాలో అర్థం కాదు

ఉదాహరణకు, పాలసీ ధర కీల‌కంగా మారుతుంది. ధర సాధారణంగా ఒక బీమా సంస్థ నుంచి మరొకదానికి మారుతుంది. తక్కువ ప్రీమియం అంటే బీమా సంస్థ అందించే తక్కువ కవరేజ్ అని అర్ధం, ఇది కూడా సంస్థ  ప్రక్రియకు లోబడి ఉండవచ్చు, ఇక్కడ మీ బీమా తక్కువ ఖర్చుతో ఇతరులకన్నా మంచి కవరేజీని మీకు ఎక్క‌డ‌ అందిస్తుంది అనేది కూడా చూడాలి.
అందువల్ల, గందరగోళాన్ని తొలగించడానికి, కొనుగోలుదారులు బీమా సంస్థను ఎన్నుకునే ముందు ఈ క్రింది వివ‌రాల‌ను ప‌రిశీలించాలి. 
ప్రామాణిక బీమా పథకాన్ని తీసుకునే ముందు మూడు విషయాలను గుర్తుంచుకోవాలి-మొదట, ఆన్‌బోర్డింగ్ సౌలభ్యం, దావాలు-పరిష్కార ప్రక్రియలు; రెండవది, ప్రీమియం మొత్తం; చివరగా బీమా తీసుకున్న త‌ర్వాత సంస్థ అందించే మ‌ద్ద‌తు, పున‌రుద్ధ‌ర‌ణ.. ఈ మూడు అంశాల‌ను ప‌రిగ‌ణ‌న‌లోకి తీసుకోవాలి.

క్లెయిమ్-సెటిల్‌మెంట్ నిష్పత్తిని చూడ‌టం ద్వారా, బీమా సంస్థ క్లెయిమ్‌లను వెంటనే పరిష్కరిస్తుందో లేదో తెలుసుకోవచ్చు. ఇది ఒక బీమా సంస్థ ఆర్థిక సంవత్సరంలో ప‌రిష్క‌రించిన‌ బీమా క్లెయిమ్‌ల శాతాన్ని తెలుసుకోవడానికి సహాయపడుతుంది. గత సంవత్సరం నుంచి పెండింగ్‌లో ఉన్న క్లెయిమ్‌లు కూడా ఇందులో ఉంటాయి.

సరైన బీమా సంస్థను ఎన్నుకునేటప్పుడు పాలసీ కొనుగోలుదారులు తప్పనిసరిగా తనిఖీ చేయవలసిన కొన్ని ముఖ్యమైన పారామితులు ఉన్నాయి. అవి సంస్థ  ఆర్ధిక బలం, కంపెనీ ఖ్యాతి, దావా చెల్లింపు,  వినియోగ‌దారుల‌కు మ‌ద్ద‌తు, ఆన్‌లైన్ క్లెయిమ్ రిపోర్టింగ్ వంటి  సౌలభ్యం. పాల‌సీ ధర పరిగణించవలసిన ప్రాథ‌మిక అంశం అయితే, బీమా హామీ, సంస్థ ప‌నితీరు వంటివి త‌ర్వాత ప‌రిగ‌ణ‌న‌లోకి తీసుకోవాల్సిన అంశాలు.   ఆరోగ్య బీమా, వాహ‌న బీమా  మొదలైన దీర్ఘకాలిక స్వభావం కలిగిన ఉత్పత్తుల విష‌యంలో మంచి ప‌నితీరు  కలిగి ఉన్న బీమా సంస్థలతో వెళ్లడం వివేకం అని ఆర్థిక నిపుణులు చెప్తున్నారు.