కేంద్ర ప్ర‌భుత్వ ఉద్యోగుల‌కు 11 శాతం డీఏ పెంపు

కేంద్ర ప్రభుత్వ ఉద్యోగులు, పెన్షనర్లకు డియర్నెస్ అలవెన్స్ (డిఎ), డియ‌ర్‌నెస్ రిలీఫ్ (డిఆర్) ను ప్రస్తుత రేటు నుంచి 11 శాతం పెంచిది, దీంతో గ‌తంలో 17 శాతం ఉండ‌గా ఇప్పుడు 28 శాతానికి పెరిగింది. ఇది జులై 1, 2021 నుంచి అమ‌ల్లోకి రానుంది. కరోనా సంక్షోభం కార‌ణంగా  జనవరి 1, 2020, జూలై 1, 2020, జనవరి 1, 2021  పెంపులను ప్రభుత్వం నిలిపివేసింది.

ప్ర‌భుత్వం వెల్ల‌డించిన ముఖ్య విష‌యాలు:

* కేంద్ర ప్ర‌భుత్వ ఉద్యోగుల‌కు డీఏ అంత‌కుముందు 17 శాతం ఉండ‌గా జులై 1, 2020 నుంచి 28 శాతం వ‌ర్తిస్తుంద‌ని కేంద్ర ప్ర‌భుత్వం తాజాగా ప్ర‌క‌టించింది.

* ఈ పెరుగుదల 1 జనవరి, 2020, 1 జూలై 2021, 1 జనవరి 2021 వ‌రకు అన్ని వాయిదాల‌ను క‌లిపి ఒకేసారి పెంచింది.

* జ‌న‌వ‌రి 2020 నుంచి జూన్ 30, 2021 వ‌ర‌కు డీఏ లేదా డీఆర్ 17 శాతంగానే ఉంటుంది.
* డీఏ, డీఆర్‌ల పెంపుతో ప్ర‌భుత్వ‌ ఖజానాపై రూ.34,401 కోట్లు అదనపు వార్షిక భారం ప‌డుతుంద‌ని తెలిపింది.
* ఈ పెంపుతో 48.34 లక్షల మంది కేంద్ర ఉద్యోగులు, 65.26 లక్షల మంది పెన్షనర్లు ప్రయోజనం పొందుతారని పేర్కొంది.

కోవిడ్ -19 సంక్షోభం కారణంగా జూలై 2021 వరకు 50 లక్షల మంది కేంద్ర ప్రభుత్వ ఉద్యోగులు, 61 లక్షల మంది పెన్షనర్లకు ప్రియమైన భత్యం డీఏ, డీఆర్ పెంపును తాత్కాలికంగా నిలిపివేయాల‌ని  ఆర్థిక మంత్రిత్వ శాఖ 2020 ఏప్రిల్‌లో నిర్ణయించిన సంగ‌తి తెలిసిందే. అయితే తాజాగా ఈ పెంపు ప్ర‌క‌ట‌న‌తో కేంద్ర ప్ర‌భుత్వ ఉద్యోగుల‌కు శుభ‌వార్త‌ను అందించింది.