పన్ను ఆదా చేయడానికి రుణాలు తీసుకోవద్దు
రుణం తీసుకోవలసి వస్తే ఈ సంవత్సరం పన్ను ఆదా చేయకపోవడమే మంచిది
పన్ను ఆదా చేసే పెట్టుబడులు పెట్టేందుకు చివరి నిమిషంలో హడావిడిగా నిర్ణయం తీసుకోకుండా మొదటి నుంచి ప్రణాళికతో సిద్ధంగా ఉండాలి. అయితే కొందరు ఈ పన్ను ఆదా పెట్టుబడులు చేయడానికి నగదు లేకపోతే అప్పు తీసుకొని మరీ పెట్టుబడులు పెడుతుంటారు. ఎందుకంటే అధిక పన్ను శ్లాబులో ఉన్నవారికి కూడా సెక్షన్ 80 సీ కింద రూ.1.5 లక్షల వరకు మినహాయింపు పరిమితి ఉంది. అందుకే రుణాన్ని గరిష్ఠంగా 16-18 రేటుతో తీసుకున్నప్పటికీ ఇంకా లాభమే ఉంటుందని భావిస్తుంటారు. ఇది ఆకర్షణీయంగానే కనిపించినప్పటికీ రుణం తీసుకొని ఈ విధంగా పెట్టుబడులు చేయడం మంచిది కాదని నిపుణులు సూచిస్తున్నారు. వడ్డీ లేకుండా బందువులు, స్నేహితుల వద్ద అప్పు తీసుకున్నప్పటికీ ఇది మీ ఆర్థిక స్థితిపై ప్రభావం చూపుతుంది.
ఉద్యోగుల జీతాల నుంచి యజమానులు ప్రతి నెలా పన్నును తగ్గిస్తారు. ఒక వ్యక్తి చివరి నిమిషంలో పన్ను-పొదుపును ప్లాన్ చేస్తే, అతను లేదా ఆమె ఆదాయపు పన్ను దాఖలు చేసిన తరువాత చెల్లించిన అదనపు పన్నులపై క్లెయిమ్ చేసుకోవాల్సి ఉంటుంది. అయితే ఆలస్యంగా చేస్తే ఆదాయపు పన్ను రీఫండ్ కూడా ఆలస్యం అవుతుంది.
ఇక్కడ పెద్ద సమస్య ఏమిటంటే, రుణాలు తీసుకోవడం మిమ్మల్ని అప్పుల ఉచ్చులోకి దారి తీస్తుంది. రుణం తీసుకున్నప్పుడు, మీ జేబు నుంచి పన్ను ఆదా చేసే పరికరాలకు మీరు చెల్లించలేరని దీని అర్థం. ఈఎంఐలు (సమానమైన నెలవారీ వాయిదాలు) మీ ఆదాయంపై మరింత ఒత్తిడి తెస్తాయి. మరేదైనా అత్యవసరాల కోసం సమయానికి డబ్బు లేకపోతే మరింత రుణాలు తీసుకోవాల్సి రావొచ్చు. దీంతో అప్పుల ఊబిలో పడతారు.
సాధారణ పరిస్థితులలో పెట్టుబడులు పెట్టడం మంచిది కాదు. పన్ను ప్రయోజనం ఉన్నప్పటికీ, పన్ను ఆదా చేసే ఉత్పత్తులలో పెట్టుబడులు పెట్టడానికి మీరు రుణం తీసుకోవాలని అనుకున్నా అదే నష్టాలు వర్తిస్తాయి. రుణాన్ని తిరిగి చెల్లించడానికి మీకు చాలా ఆర్థిక క్రమశిక్షణ ఉండాలి, ఇది క్రమశిక్షణ లేని, క్రమంగా పొదుపు చేయని వ్యక్తికి సులభం కాదు.
పన్ను ఆదా మీ మొత్తం ఆర్థిక ప్రణాళికలో ఒక భాగం కావాలి. ఉదాహరణకు, మీరు ఆ నెలకు వడ్డీ చెల్లింపు పొందడానికి ప్రతి నెల ఐదవ తేదీకి ముందు పబ్లిక్ ప్రావిడెంట్ ఫండ్లో పెట్టుబడి పెట్టాలి. ఈఎల్ఎస్ఎస్ విషయంలో, ఒక క్రమమైన పెట్టుబడి ప్రణాళిక లేదా సిప్ ద్వారా పెట్టుబడి పెట్టడం మీకు అనుకూలంగా పనిచేస్తుంది, ఎందుకంటే ఇది మీకు భారం లేకుండా చేసు్తంది.
మీరు రుణం తీసుకోవలసి వస్తే ఈ సంవత్సరం పన్ను ఆదా చేయకపోవడమే మంచిది. వచ్చే ఆర్థిక సంవత్సరానికి ఏప్రిల్ నుంచి మెరుగైన ప్రణాళికతో ముందుకెళ్లాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నెస్లే ఉత్పత్తులపై ఆరోపణలు.. FSSAIకి సీసీపీఏ ఆదేశాలు
-
నేడు చంద్రబాబు తరఫున నామినేషన్.. నారా భువనేశ్వరి ప్రత్యేక పూజలు
-
ఓటేయకపోయినా పర్లేదు.. మీ కుమారుడిని ఆశీర్వదించండి: ఏకే ఆంటోనీకి రాజ్నాథ్ సూచన
-
పవర్ప్లేలో రెండు ఓవర్లు వేస్తేనే..: జస్ప్రీత్ బుమ్రా
-
భారాసకు మరో ఎమ్మెల్యే గుడ్బై!
-
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?