Dr Reddy's Q2 Results: డాక్టర్ రెడ్డీస్ లేబోరేటరీస్ లాభంలో 30% వృద్ధి
డాక్టర్ రెడ్డీస్ లేబొరేటరీస్ సెప్టెంబరుతో ముగిసిన త్రైమాసికానికి ఏకీకృత ప్రాతిపదికన రూ.5,763.2 కోట్ల ఆదాయాన్ని, రూ.992 కోట్ల నికరలాభాన్ని ఆర్జించింది....
దిల్లీ: డాక్టర్ రెడ్డీస్ లేబొరేటరీస్ సెప్టెంబరుతో ముగిసిన త్రైమాసికానికి ఏకీకృత ప్రాతిపదికన రూ.5,763.2 కోట్ల ఆదాయాన్ని, రూ.992 కోట్ల నికరలాభాన్ని ఆర్జించింది. క్రితం ఆర్థిక సంవత్సరం ఇదేకాలంలో రూ.4,896.7 కోట్ల ఆదాయంపై రూ.762.3 కోట్ల నికర లాభం నమోదైంది. అంటే లాభాల్లో 30 శాతం వృద్ధి నమోదైంది. నేడు బీఎస్ఈలో ఈ కంపెనీ షేర్లు 1.95 శాతం పెరిగి రూ.4,659.20 వద్ద ముగిసింది. ఇంట్రాడేలో రూ.4,917.85 వద్ద గరిష్ఠాన్ని తాకింది.
రెండో త్రైమాసిక ఫలితాలపై డాక్టర్ రెడ్డీస్ సహ-ఛైర్మన్, ఎండీ జీవీ ప్రసాద్ సంతోషం వ్యక్తం చేశారు. తమ కీలక ఉత్పత్తులైన జనరిక్స్, ఏపీఐపై దృష్టి సారిస్తూనే.. దీర్ఘకాల అవసరాలపై పెట్టుబడులూ కొనసాగుతాయన్నారు. ప్రపంచవ్యాప్తంగా ఇప్పటికీ తీరని రోగుల అవసరాలపై తమ పరిశోధనలు కొనసాగుతాయని తెలిపారు. అలాగే కొవిడ్ను నయం చేసే చికిత్సలు, ఔషధాలపైనా దృష్టి సారించామన్నారు. ఇప్పటి వరకు స్పుత్నిక్-వి వ్యాక్సిన్ సహా, రెమిడెసివిర్, ఏవిగాన్, 2-డీఆక్సీ-డీ-గ్లుకోజ్ వంటి ఔషధాలను మార్కెట్లోకి తీసుకొచ్చినట్లు గుర్తు చేశారు. ప్రస్తుతం స్పుత్నిక్ లైట్ వ్యాక్సిన్, మొల్నుపిరవిర్ ఔషధంపై పరిశోధనలు కొనసాగుతున్నాయన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
హైదరాబాద్, బెంగళూరు మ్యాచ్.. మెట్రో రైళ్ల సమయం పొడిగింపు
-
రూ.8500కే మూడు రోజుల శిర్డీ టూర్.. ఐఆర్సీటీసీ ప్యాకేజీ వివరాలు ఇవీ..
-
కెమెరామెన్కు సారీ చెప్పిన పంత్.. ఎందుకో తెలుసా?
-
చెప్పలేని విధంగా వ్యక్తిత్వ హననం.. నీకిది తగునా జగన్?: సీఎంకు వివేకా సతీమణి లేఖ
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
-
దేశాల మధ్య డీప్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో