3% తగ్గిన పసిడి దిగుమతులు

దిల్లీ: ప్రస్తుత ఆర్థిక సంవత్సరం ఏప్రిల్‌-ఫిబ్రవరి మధ్య దేశంలోకి పసిడి దిగుమతులు 2,611 కోట్ల డాలర్లకు పరిమితమయ్యాయని వాణిజ్య మంత్రిత్వ శాఖ వెల్లడించింది. 2019-20 ఇదే సమయం నాటి పసిడి దిగుమతులు 2,700 కోట్ల డాలర్లతో పోలిస్తే ఈసారి 3.3 శాతం తగ్గాయి. ఇందువల్ల, దేశ వాణిజ్య లోటు 15,137 కోట్ల డాలర్ల నుంచి 8,462 కోట్ల డాలర్లకు పరిమితమైంది. వజ్రాభరణాల ఎగుమతులు 2020-21 ఏప్రిల్‌-ఫిబ్రవరిలో 33.86 శాతం క్షీణించి, 2,240 కోట్ల డాలర్లకు పరిమితమయ్యాయి. ఈ ఏడాది ఫిబ్రవరిలో పసిడి దిగుమతులు 530 కోట్ల డాలర్లకు చేరాయి. 2020 ఫిబ్రవరిలో ఇవి 236 కోట్ల డాలర్లే. వెండి దిగుమతులు 11 నెలల కాలంలో 70.3 శాతం తగ్గి, 7807.5 కోట్ల డాలర్లుగా నమోదయ్యాయి.

ఇవీ చదవండి...

ఇప్పుడు బంగారంపై పెట్టుబడులు పెట్టొచ్చా?

అప్పుల ఊబిలో కుటుంబాలు