HDFC Home Loan: గృహరుణాలపై హెచ్‌డీఎఫ్‌సీ పండగ ఆఫర్‌!

ముంబయి: కొత్తగా గృహ రుణాలు తీసుకోబోయే వినియోగదార్లకు హెచ్‌డీఎఫ్‌సీ బ్యాంక్‌ పండగ ఆఫర్లను ప్రకటించింది. రుణమొత్తంతో సంబంధం లేకుండా.. గృహ రుణాన్ని 6.70 శాతం ప్రారంభ వడ్డీతో అందించనుంది. అయితే, క్రెడిట్‌ స్కోర్‌ 800కి పైగా ఉండాలని షరతు విధించింది. అంతక్రితం ఉద్యోగులు రూ.75 లక్షలపైన గృహ రుణాలకు 7.15 శాతం వడ్డీ చెల్లించాల్సి వచ్చేది. స్వయం ఉపాధి రంగంలో ఉన్నవారికి 7.30 శాతం వడ్డీ వర్తించేంది. తాజా ఆఫర్‌ కింద ఏ మొత్తానికైనా తక్కువలో తక్కువ 6.7 శాతం వడ్డీ వర్తిస్తుందని బ్యాంకు తెలిపింది. ఇటీవల ఎస్‌బీఐ, పంజాబ్‌ నేషనల్‌ బ్యాంక్‌, బ్యాంక్‌ ఆఫ్‌ బరోడా సైతం పండగ సీజన్‌ నేపథ్యంలో వడ్డీరేట్లను తగ్గించిన విషయం తెలిసిందే. ఎస్‌బీఐ ప్రాసెసింగ్‌ ఫీజును సైతం రద్దు చేసింది.