హెల్త్‌, ఎడ్యుకేష‌న్ సెస్ ఎందుకు ?

సెస్ అనేది ఒక నిర్దిష్ట సేవ లేదా రంగం అభివృద్ధి లేదా సంక్షేమం కోసం ప్రభుత్వం వసూలు చేసే పన్ను. ఇది ప్రత్యక్ష , పరోక్ష పన్నులపై వసూలు చేస్తారు . భారతదేశంలోని గ్రామీణ కుటుంబాల విద్య, ఆరోగ్య అవసరాలను తీర్చాలనే లక్ష్యంతో ఈ సెస్ వ‌సూలుచేస్తారు. ప్రస్తుతం, వ్యక్తుల ప్రత్యక్ష ఆదాయ పన్నుపై ప్రభుత్వం 4% ఆరోగ్య, విద్య సెస్ వసూలు చేస్తుంది. ఈ సెస్‌ను కేంద్ర బడ్జెట్ 2018 లో అప్పటి ఆర్థిక మంత్రి అరుణ్ జైట్లీ ప్రవేశపెట్టారు, అంతకుముందు మాధ్యమిక, ఉన్నత విద్య సెస్‌ను 3% గా ఉండేది. ఒక నిర్దిష్ట ప్రయోజనం కోసం సేకరించిన సెస్‌ను ఇతర అవ‌స‌రాల కోసం ఉపయోగించలేరు లేదా మళ్లించలేరు. ప్రభుత్వం ప్రవేశపెట్టిన ప్రయోజనం కోసం తగినంత నిధులను సేకరించే సమయం వరకు ఈ నిర్దిష్ట సెస్ విధిస్తారు.