Honda Cars: పండగ సీజన్‌.. హోండా కార్లపై భారీ రాయితీలు!

దిల్లీ: పండగ సీజన్‌ నేపథ్యంలో ‘హోండా కార్స్‌ ఇండియా’ ప్రత్యేక ఆఫర్లను ప్రకటించింది. మోడల్‌ను బట్టి కార్లపై రూ.53,500 వరకు ప్రయోజనాలు లభించనున్నాయి. ఈ ఆఫర్ ఈ నెలాఖరు వరకు అందుబాటులో ఉండనున్నాయి. క్యాష్‌బ్యాక్‌, యాక్సెసరీస్‌, లాయల్టీ బోనస్‌, స్పెషల్‌ ఎక్స్‌ఛేంజ్‌ బెనిఫిట్స్‌ రూపంలో ప్రయోజనాలు అందనున్నాయి. ఐదో తరం సిటీ కారు మోడల్‌పై రూ.53,500, నాలుగో తరం సిటీపై రూ.22,000, అమేజ్‌పై రూ.18,000, డబ్ల్యూఆర్‌-వీపై రూ.40,100, జాజ్‌పై రూ.45,900 వరకు ప్రయోజనాలు లభించనున్నాయి. పండగ సీజన్‌ నేపథ్యంలో వినియోగదారులకు ప్రకటించిన ప్రత్యేక ఆఫర్ల ద్వారా వాహన విక్రయాలు మరింత ఊపందుకుంటాయని ఆశిస్తున్నామని హోండా కార్స్‌ ఇండియా సీనియర్‌ వైస్‌ ప్రెసిడెంట్‌ రాజేశ్‌ గోయల్‌ అన్నారు.