భువనేశ్వర్‌లో ‘టెట్రాసాఫ్ట్‌’ ఇన్నోవేషన్‌ కేంద్రం

ఈనాడు, హైదరాబాద్‌: స్థానిక ఐటీ, కన్సల్టింగ్‌ సేవల కంపెనీ టెట్రాసాఫ్ట్‌ భువనేశ్వర్‌లో టెక్నాలజీ ఇన్నోవేషన్‌ హబ్‌ను ప్రారంభించింది. ఆ కేంద్రంలో 100 మంది డిజిటల్‌ టెక్నాలజీ నిపుణులను తీసుకోనున్నట్లు కంపెనీ వెల్లడించింది. ప్లాట్‌ఫామ్‌ మోడరనైజేషన్‌, ఇంటెలిజెంట్‌ ప్రాసెస్‌ ఆటోమేషన్‌, బిగ్‌ డేటా అనలటిక్స్‌, క్లౌడ్‌ విభాగాల్లో పెరుగుతున్న డిమాండ్‌ను దృష్టిలో పెట్టుకుని, ఈ కేంద్రాన్ని ప్రారంభించినట్లు టెట్రాసాఫ్ట్‌ చీఫ్‌ టెక్నాలజీ ఆఫీసర్‌ సూర్య తమ్మిరాజు, వైస్‌ ప్రెసిడెంట్‌ అనిల్‌ వేనుగంటి వెల్లడించారు. డిజిటల్‌ సేవలపై ఈ కేంద్రం దృష్టి సారిస్తుందని వివరించారు.