Stock Market: ఊగిసలాటలో స్టాక్‌ మార్కెట్‌ సూచీలు

ముంబయి: దేశీయ స్టాక్‌ మార్కెట్ సూచీలు గురువారం ఊగిసలాట ధోరణిలో ఉన్నాయి. అంతర్జాతీయ మార్కెట్ల సానుకూల సంకేతాలతో ఈ ఉదయం సూచీలు ఉత్సాహంగానే ప్రారంభమయ్యాయి. సెన్సెక్స్‌ 200 పాయింట్లు, నిఫ్టీ 50 పాయింట్లకు పైగా లాభంతో ట్రేడింగ్‌ను మొదలుపెట్టాయి. కానీ దేశీయంగా దిగ్గజ రంగ షేర్లలో అమ్మకాలు వెల్లువెత్తడంతో సూచీలు ఒత్తిడికి గురవుతున్నాయి. దీంతో లాభాలను కోల్పోయిన మార్కెట్లు.. నష్టాల్లోకి జారుకున్నాయి. ఉదయం 9.45 గంటల ప్రాంతంలో సెన్సెక్స్‌ 31 పాయింట్ల నష్టంతో 58,618, నిఫ్టీ 10 పాయింట్ల నష్టంతో 17,459 వద్ద ట్రేడ్‌ అవుతున్నాయి. రియల్టీ, లోహ, బ్యాంకింగ్‌, ఐటీ రంగ షేర్లలో అమ్మకాలు వెల్లువెత్తాయి.