బీమాకు సంబంధించిన‌  పదాలు - అర్థాలు  

నగదు రహిత చికిత్స: బీమా కంపెనీ నెట్‌వ‌ర్క్‌ ఆసుపత్రులలో  బీమాదారుడు నగదు చెల్లించకుండా చికిత్స పొంద‌వ‌చ్చు.

బీమా హామీ మొత్తం : పాలసీలో ఎంచుకున్న  బీమా హామీని బట్టి  గరిష్ఠ మొత్తానికి క్లెయిమ్ పొందే వీలుంది. పాలసీదారుడు ఎంచుకున్న ఆరోగ్య బీమా హామీ మొత్తాన్ని బట్టి ప్రీమియం ఉంటుంది.

క్రిటికల్ ఇల్నెస్ పాలసీ: బీమా సంస్థ ప‌రిగ‌ణించిన‌ తీవ్ర వ్యాధుల్లో దేనికైనా చికిత్స కోసం ఒకేసారి పెద్ద మొత్తంలో(బీమా హామీని బట్టి) చెల్లించే అవ‌కాశం.

వైకల్య బీమా హామీ (డీసెబిలిటీ ) : ఆనారోగ్యం లేదా ప్రమాదం వలన పాలసీదారుడు పూర్తి లేదా పాక్షిక  వైకల్యానికి గురైతే, సంపాదించలేని కాలంలో బీమా కంపెనీ చెల్లించే సొమ్ము.

డిడక్టబుల్ : మొత్తం క్లెయిమ్లో  కొంత మొత్తాన్ని పాలసీదారుడు భరించవలసి ఉంటుంది. ఆ ఫై మొత్తానికి  మాత్రమే బీమా కంపెనీ చెల్లిస్తుంది. అందువలన డిడక్టబుల్ ఎక్కువ ఉంటే.. ప్రీమియం తగ్గుతుంది.

మినహాయింపులు: బీమా పాలసీ కవర్ చేయని వ్యాధులు. వీటిలో రెండు రకాలు: 1) శాశ్వతంగా కవర్ చేయనివి 2) కొన్ని ఏళ్ల తరువాత కవర్ అయ్యేవి.

ఉప-పరిమితి (సబ్ లిమిట్ ) : చికిత్స సమయంలో తీసుకునే కొన్ని ఖర్చులపై (గది అద్దె లాంటివి ) పరిమితిని విధించడం. ఇవి ఖర్చులో కొంత మొత్తంగా గానీ లేదా కొంత శాతంగా గానీ ఉంటాయి.

లోడింగ్ : పాలసీ పునరుద్ధరణ సమయంలో ప్రీమియం పెంపు. సాధారణంగా గత ఏడాది ఏదైనా క్లెయిమ్‌లు ఉంటే, లోడింగ్‌ను విధిస్తారు.

నో క్లెయిమ్ బోనస్ : ఏదైనా సంవత్సరంలో ఎటువంటి  క్లెయిమ్ చేయ‌క‌పోతే పాలసీ పునరుద్ధరణ సమయంలో  ప్రీమియంలో తగ్గింపు లేదా బీమా హామీ పెంపు.