ఎల్ఐసీ న్యూ జీవన్ ఆనంద్ ప్లాన్ తీసుకుంటున్నారా?
బీమా, పెట్టుబడులను వేరు వేరుగా చూడాలి. రెండింటిని కలపకూడదు
ఎల్ఐసీ న్యూ జీవన్ ఆనంద్ - పాలసీ అనేది ఒక పార్టిసిపేటింగ్, నాన్-లింకెడ్, హోల్లైఫ్ ప్లాన్
ప్రయోజనాలు:
డెత్ బెనిఫిట్: చెల్లించిన వలసిన అన్ని ప్రీమియంలు చెల్లించిన తరువాత పాలసీదారుడు మరణిస్తే ఈ కింది ప్రయోజనాలు చేకూరుతాయి.
పాలసీ కాలవ్యవధి పూర్తయ్యే లోపుగా పాలసీదారుడు మరణిస్తే: బీమా చేసిన వ్యక్తి, పాలసీకి సంబంధించిన అన్ని ప్రీమియంలు చెల్లించిన తరువాత పాలసీ కాలవ్యవధిలో మరణిస్తే, మరణ హామీ మొత్తం, దీంతో పాటు, సింపుల్ రివర్సిషనరీ బోనస్లు, తుది లేదా అదనపు బోనస్లు, తదితర ప్రయోజనాలను అందిస్తుంది. సాధారణ హామీ మొత్తంపై 125 శాతం లేదా చెల్లించిన వార్షిక ప్రీమియంకు 10 రెట్లు మరణ హామీ (ఏది ఎక్కువైతే )ఉంటుంది. పాలసీ దారుడు మరణించే సమయానికి చెల్లించిన ప్రీమియంలపై 105 శాతానికి తక్కువ కాకుండా హామీ మొత్తం చెల్లిస్తారు.
పాలసీ కాలవ్యవధి పూరైన తరువాత ఏ సమయంలోనైనా పాలసీ దారుడు మరణిస్తే: బేసిక్ హామీ మొత్తం చెల్లిస్తారు.
పాలసీ కాలవ్యవధి పూర్తైన అనంతరం అందించే ప్రయోజనాలు:
పాలసీ టర్మ్ పూర్తయిన తర్వాత, పాలసీదారుడికి బీమా హామీ మొత్తంతో పాటు సింపుల్ రివర్సిషనరీ బోనస్లు, తుది అదనపు బోనస్లు, తదితర ప్రయోజనాలు లభిస్తాయి. అయితే ఇందుకు గానూ పాలసీ పూర్తైయ్యే నాటికి చెల్లించవలసిన అన్ని ప్రీమియంలు పూర్తిగా చెల్లించి ఉండాలి.
లాభాలలో భాగస్వామ్యం:
కంపెనీ పొందే లాభాల నుంచి పాలసీ దారునికి కొంత కేటాయిస్తారు. అందువల్ల పాలసీ పూర్తి స్థాయిలో అమలులో ఉంటే ప్రకటించిన సింపుల్ రివర్షనరీ బోనస్లను స్వీకరించేందుకు అర్హత ఉంటుంది. పాలసీకి వర్తించే ఆఖరి(అదనపు) బోనస్ ప్రయోజనాలను మెచ్యూరిటీ సమయంలో కానీ లేదా బీమా చేసిన వ్యక్తి మరణించినప్పుడు కానీ చెల్లిస్తారు.
ఆప్షనల్ ప్రయోజనాలు:
బీమా చేసిన వ్యక్తికి ఈ కింది పాలసీలను రైడర్లుగా ఎంపిక చేసుకునే అవకాశం ఉంది.
యాక్సిడెంటల్ డెత్ అండ్ డిజేబిలిటి బెనిఫిట్ రైడర్:
-
పాలసీ కాలవ్యవధిలో అదనపు ప్రీమియం చెల్లించి, ఆప్షనల్ రైడర్గా దీనిని పొందవచ్చు.
-
పాలసీ కాలవ్వవధిలో ప్రమాదం జరిగి పాలసీ దారుడు మరణిస్తే, ప్రమాద బీమా హామీని ఏక మొత్తంగా చెల్లిస్తారు. దీంతో పాటు బేసిక్ ప్లాన్ హామీ మొత్తాన్ని చెల్లిస్తారు.
-
ప్రమాదం కారణంగా పాలసీ దారునికి శాశ్వత వైకల్యం సంభవిస్తే(ప్రమాదం జరిగిన తేదీ నుంచి 180 రోజుల లోపు) యాక్సిడెంట్ బెనిఫిట్ మొత్తానికి సమానమైన మొత్తం 10 సంవత్సరాల పాటు సమానమైన నెలవారీ వాయిదాలలో చెల్లింస్తారు. యాక్సిడెంటల్ బెనిఫిట్ హామీ మొత్తం కోసం చెల్లించవలసిన భవిష్యత్తు ప్రీమియంలు, అదే విధంగా ఈ పాలసీ కింద యాక్సిడెంటల్ బెనిఫిట్ హామీ మొత్తానికి సమానమైన బేసిక్ హామీ మొత్తం కోసం చెల్లించ వలసిన ప్రీమియంలు మాఫీ చేస్తారు.
*పై ఉదాహరణలో ప్రీమియంలో పన్నును పరిగణలోకి తీసుకోలేదు.
** ఏపరిస్థితులలోనైనా డెత్ బెనిఫిట్, చెల్లించిన ప్రీమియంలపై 105 శాతానికి తక్కువ కాకుండా చెల్లిస్తారు.
*** మెచ్యూరిటీ మొత్తాన్ని పాలసీ ముగిసే సంవత్సరం చెల్లిస్తారు. డెత్ బెనిఫిట్ను ఏ సంవత్సరంలో అయితే క్లెయిమ్ చేస్తారో అదే సంవత్సరంలో చెల్లిస్తారు.
గమనిక:
-
పై ఉదాహరణలు స్టాండర్డ్ పాలసీలకు వర్తిస్తాయి.
-
పైన తెలిపిన 1,2ఉదాహరణలలో నాన్-గ్యారెంటీ ప్రయోజనాలు లెక్కిస్తే, మీరు పెట్టిన పెట్టుబడులపై రాబడి వార్షికంగా, సినారియో-1 లో 4 శాతం గానూ, రెండవ సినారియోలో 8 శాతంగానూ ఉంది. మరో మాటలో చెప్పాలంటే, పాలసీ కాలవ్యవధిలో పెట్టుబడులపై 4 శాతం నుంచి 8 శాతం రాబడి వచ్చే అవకాశం ఉంది. ఇది అంచనా రేటు మాత్రమే, ఖచ్చితంగా ఇంత రాబడి వస్తుందని చెప్పలేము.
అర్హతలు, ఇతర నియమాలు:
బేసిక్ ప్లాన్:
-
కనీస హామీ మొత్తం రూ.1లక్ష
-
గరిష్ట హామీ మొత్తం : పరిమితి లేదు.
(బేసిక్ హామీ మొత్తాన్ని రూ. 5,000 గుణిజాలలో అందిస్తారు) -
పాలసీలో చేరేందుకు కావలసిన కనీస వయసు : 18 సంవత్సరాలు(పూర్తై ఉండాలి.)
-
గరిష్ట వయసు : 50 సంవత్సరాలు
-
గరిష్ట మెచ్యూరిటీ వయసు: 75 సంవత్సరాలు
-
కనీస పాలసీ కాలవ్యవధి : 15 సంవత్సరాలు
-
గరిష్ట పాలసీ కాలవ్యవధి: 35 సంవత్సరాలు
యాక్సిడెంటల్ డెత్ అండ్ డిజేబిలిటి బెనిఫిట్ రైడర్
ఏ) కనీస ప్రమాద హామీ మొత్తం : రూ. 1 లక్ష
బి) గరిష్ట ప్రమాద హామీ మొత్తం:
జీవిత బీమా ప్రాథమిక ప్రణాళిక ప్రకారం లైఫ్ ఇన్సురెన్స్ కార్పొరేషన్ వద్ద తీసుకున్న అన్ని పాలసీలు వ్యక్తిగత, గ్రూప్ స్కీమ్ల కింద గరిష్టంగా రూ.100 లక్షల వరకు ఇన్బిల్ట్ యాక్సిడెంటల్ బెన్ఫిట్ను పొందవచ్చు.
కనీస ప్రవేశ వయసు: 18 సంవత్సరాలు
గరిష్ట కవరేజ్ వయసు: 70 సంవత్సరాలు(దగ్గరలోని పుట్టిన తేదీకి) లేదా పాలసీ సమయం ముగిసే వరకు, ఏది ముందుగా వస్తుంతో దాన్ని పరిగణలోకి తీసుకుంటారు.
ప్రీమియం చెల్లింపులు:
ప్రీమియంలను, సంవత్సరానికొకసారి/ఆరు నెలలకు/మూడు నెలలకు/నెలవారీగా(ఈసీఎస్ ద్వారా లేదా శాలరీ డిడక్షన్ ద్వారా గానీ) ప్రీమియం పేయింగ్ టర్మ్లోనే చెల్లించాలి. గ్రేస్ పిరియడ్ ఒక నెల ఉంటుంది. సంవత్సరానికి/ ఆరు నెలలకు/ త్రైమాసికంగా చేసే చెల్లింపులకు 30 రోజులకు తక్కువ కాకుండా, నెలవారీగా చేసే చెల్లింపులకు 15 రోజుల గ్రేస్ పిరియడ్ను అనుమతిస్తారు.
పునరుద్ధరణ:
గ్రేస్ పిరియడ్ లోపుగా ప్రీమియంలు చెల్లించక పోతే పాలసీ రద్దవుతుంది. రద్దయిన పాలసీని, మొదటి ప్రీమియం చెల్లించని రోజు నుంచి రెండు వరుస సంవత్సరాల లోపుగా పునరుద్దరించుకోవాలి. ఇందుకు గానూ అప్పటివరకు చెల్లించవలసిన ప్రీమియంలను వడ్డీతో సహా చెల్లించాలి.
పేయిడప్ వాల్యు:
కనీసం మూడు సంవత్సరాల పాటు క్రమంతప్పకుండా ప్రీమియంలు చెల్లించి, ఆ తరువాత క్రమ పద్ధతిలో ప్రీమియంలు చెల్లించకపోయినప్పటికీ పాలసీ పూర్తిగా రద్దుకాదు. పాలసీ మొత్తంపై కొంత పేయిడ్ అప్ విలువను చెల్లిస్తారు.
పేయిడ్-అప్ పాలసీ హామీ మొత్తం, పాలసీ హామీ మొత్తం కంటే తక్కువగా ఉంటుంది. దీనిని డెత్/ మెచ్యూరిటీ పెయిడ్-అప్ సమ్ అస్యూర్డ్ అని పిలుస్తారు.
[బీమా(డెత్ / మెచ్యూరిటీపై) హామీ మొత్తం * (చెల్లించిన ప్రీమియంల సంఖ్య / మొత్తం కాల వ్యవధిలో చెల్లించవలసిన ప్రీమియంల సంఖ్య)].
మీరు పాలసీని పేయిడ్-అప్ పాలసీగా కొనసాగితే, భవిష్యత్తులో లాభాలలో పాల్గొనేందుకు అర్హత ఉండదు. రావలసిన బోనస్లు ఏమైనా ఉంటే, తగ్గించిన పేయిడ్-అప్ వాల్యూకి జతచేసి చెల్లిస్తారు.
రాయిడర్లకు ఎటువంటి పేయిడ్ అప్ విలువ ఉండదు. ఒకవేళ పాలసీ రద్దయ్యే స్థితిలో ఉంటే రాయిడర్ ప్రయోజనాలు వర్తించవు.
పాలసీ సరెండర్ విలువ:
కనీసం మూడు సంవత్సరాలు క్రమం తప్పకుండా ప్రీమియంలను చెల్లించి, మెచ్యూరిటీ సమయం కంటే ముందే పాలసీని సరెండర్ చేస్తే ,పాలసీదారుడికి చెల్లించే మొత్తాన్నే పాలసీ సరెండర్ విలువ అంటారు. మీరు చెల్లించిన మొత్తం ప్రీమియంల నుంచి కొంత శాతాన్ని సరెండర్ విలువగా చెల్లిస్తారు. పాలసీ కాలపరిమితి, పాలసీ సరెండర్ చేసిన సంవత్సరం ఆధారంగా పర్సంటేజ్ను లెక్కిస్తారు.
పాలసీపై రుణం:
ఈ పాలసీలో రుణం పొందేందుకు అవకాశం ఉంది. పాలసీకి సరెండర్ విలువ ఉంటే… ఆమొత్తంలో కొంత భాగాన్ని రుణంగా మంజూరు చేస్తారు.
ఫ్రీ-లుక్ పిరియడ్: :
పాలసీ తీసుకున్న వ్యక్తి పాలసీతో సంతృప్తి చెందకపోతే, పాలసీ బాండ్ అందిన తేదీ నుంచి 15 రోజుల లోపుగా పాలసీని తిరిగి అప్పగించవచ్చు. ఇలా చేస్తే సంస్థ పాలసీని రద్దు చేసి, పన్నులు, నిర్వహణ ఖర్చులు మినహాయించుకుని మిగిలిన ప్రీమియం మొత్తాన్ని తిరిగి చెల్లిస్తారు.
మినహాయింపులు:
ఆత్మహత్య: ఈ కింది సందర్భాలలో పాలసీ వర్తించదు.
పాలసీ తీసుకున్న 12 నెలల లోపుగా, మానసిక స్థితి సరిగా ఉండిగానీ, లేక గానీ ఆత్మహత్యకు పాల్పడితే హామీ మొత్తం పొందలేరు. పునరుద్ధరించిన పాలసీలు కూడా ఈ నియమం వర్తిస్తుంది. అయితే చెల్లించిన ప్రీమియం నుంచి 80 శాతం ప్రీమియంలను తిరిగి చెల్లిస్తారు. ఇతర క్లెయిమ్లను కూడా సంస్థ చెల్లించదు. పేయిడ్ అప్ వాల్యు పొందకుండా రద్దైన పాలసీలకు కూడా చెల్లింపులు చెయ్యరు.
చివరిగా:
-
జీవిత బీమా అనేది దీర్ఘకాలం కోసం చేసుకునే ఒప్పందం.
-
ఎండోమెంట్/ హోల్లైఫ్ పాలసీలు బీమా, పెట్టుబడుల కలయికతో వస్తాయి.
-
వీటిలో ప్రీమియం అధికంగానూ, హామీ మొత్తం తక్కువగానూ ఉంటుంది. రాబడి కూడా తక్కువగానే ఉంటుంది.
-
రాబడి దాదాపు 5 నుంచి 5.5 శాతం వరకు ఉంటుంది.
-
వీటితో తగినంత బీమా కానీ, రికరింగ్ డిపాజిట్ల నుంచి వచ్చే విధంగా సరైన రాబడి గానీ ఉండదు. అందువల్ల టర్మ్ పాలసీని తీసుకోవడం మంచిది.
-
టర్మ్ పాలసీలో ప్రీమియం తక్కువగానూ, హామీ మొత్తం అధికంగానూ ఉంటుంది. అయితే పాలసీ దారుడు పాలసీ కాలవ్యవధి చివరి వరకు జీవించి వుంటే ఎలాంటి హామీ చెల్లింపులు ఉండవు.
-
దీర్ఘకాలంలో మంచి రాబడుల కోసం పీపీఎఫ్, ఎన్పీఎస్, మ్యూచువల్ ఫండ్ల వంటి వాటిని ఎంచుకోవచ్చు.
-
మీరు తీసుకున్న ఎండోమెంట్/ హోల్లైఫ్ పాలసీ కాలపరిమితి సమీపిస్తున్న, లేదా పాలసీ అందించే రాబడులతో సంతృప్తి చెందితే పాలసీని కొనసాగించవచ్చు.
-
అయితే జీవిత బీమా కోసం ఒక టర్మ్ పాలసీని కూడా తీసుకోవడం మంచిది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.