ఎఫ్డీలో ముందుగా విత్డ్రా చేసుకున్నా పెనాల్టీ పడకూడదంటే...
ఫిక్స్డ్ డిపాజిట్లలో పెట్టుబడులపై భద్రత ఉండటంతో పెట్టుబడులకు ఆసక్తి చూపుతారు. దీంతో పాటు ఆశించిన రాబడి కూడా పొందవచ్చు. అయితే ఇక్కడ లిక్విడిటీ కాస్త సమస్యగా ఉంటుంది. ఏదైనా అత్యవసర సమయాల్లో మెచ్యూరిటీకి ముందే డబ్బు విత్డ్రా చేసుకుంటే లేదా మూసివేస్తే అదనపు రుసుములు చెల్లించాల్సి..
ఫిక్స్డ్ డిపాజిట్లలో పెట్టుబడులపై భద్రత ఉండటంతో పెట్టుబడులకు ఆసక్తి చూపుతారు. దీంతో పాటు ఆశించిన రాబడి కూడా పొందవచ్చు. అయితే ఇక్కడ లిక్విడిటీ కాస్త సమస్యగా ఉంటుంది. ఏదైనా అత్యవసర సమయాల్లో మెచ్యూరిటీకి ముందే డబ్బు విత్డ్రా చేసుకుంటే లేదా మూసివేస్తే అదనపు రుసుములు చెల్లించాల్సి ఉంటుంది. దీంతో పాటు వడ్డీ రేట్లు కూడా తగ్గుతాయి. ఈ సమస్యను అధిగమంచడానికి చాలా బ్యాంకులు స్వీప్-ఇన్-అకౌంట్స్ ప్రారంభించాయి. ఈ ఖాతాలతో పొదుపు, డిపాజిట్లకు కూడా ప్రయోజనం ఉంటుంది. వడ్డీ రేట్లు దాదాపుగా 6.80 శాతం వరకు ఉంటాయి. అదేవిధంగా లిక్విడిటీ అవకాశం కూడా ఉంటుంది. సాధారణ ఫిక్స్డ్ డిపాజిట్ల మాదిరిగానే దీనిలో వడ్డీ రేట్లు ఉంటాయి. స్వీప్-ఇన్ ఫిక్స్డ్ డిపాజిట్లపై ఉన్న మరో అదనపు ప్రయోజనం ఏంటంటే లాక్-ఇన్ పీరియడ్ ఉండదు. అదేవిధంగా ముందుగా డబ్బు తీసుకుంటే ఎలాంటి రుసుములు ఉండవు. స్వీప్-ఇన్ ఖాతాలో కనీస నిల్వను ఖాతాదారుడు నిర్ణయించుకుంటాడు. అంతకుమించి డిపాజిట్ చేస్తే ఆటోమేటిక్గా ఫిక్స్డ్ డిపాజిట్కు ట్రాన్స్ఫర్ అవుతాయి. ఎప్పుడైతే ఖాతాదారుడు డబ్బు అవసరమనుకుంటే సేవింగ్స్ ఖాతాలోకి ట్రాన్స్ఫర్ (స్వీప్ ఇన్) చేసుకోవచ్చు.
ఉదాహరణకు, పొదుపు ఖాతాలో రూ.2 లక్షలు ఉంటే మీరు పరిమితి రూ.20 వేలుగా నిర్ణయించుకున్నారు. మిగతా రూ.180,000 ఫిక్స్డ్ డిపాజిట్ ఖాతాకు ట్రాన్స్పర్ అవుతాయి. ఒకవేళ మీకు రూ.20 వేల కంటే ఎక్కువగా అవసరం అయితే ఫిక్స్డ్ డిపాజిట్ నుంచి పొదుపు ఖాతాలోకి బదిలీ చేసుకోవచ్చు. అయితే సొంతంగా పరిమితి విధించుకునే అవకాశాన్ని కొన్ని బ్యాంకులు మాత్రమే ఇస్తాయి. మరిన్ని బ్యాంకుల్లో రూ.20 వేల నుంచి లక్ష రూపాయల వరకు పరిమితిని వారే నిర్ణయిస్తారు. దీంతో పాటు కనీస నిల్వ రూ.1000 నుంచి రూ.10,000 వరకు ఉండాలి. కొన్ని బ్యాంకుల్లో స్వీప్-ఇన్ ఎఫ్డీల కాలపరిమితి ఏడాది మాత్రమే ఉంటుంది.
స్వీప్-ఇన్ ఖాతాల ద్వారా తక్కువ పన్ను శ్లాబులోకి వచ్చేవారికి ఉపయోగకరంగా ఉంటుంది. ఎందుకంటే ఫిక్స్డ్ డిపాజిట్లపై వచ్చిన ఆదాయంపై పన్ను శ్లాబు ప్రకారం వర్తిస్తుంది. అయితే సెక్షన్ 80టీటీఏ ప్రకారం వడ్డీ ఆదాయం రూ.10 వేల కంటే తక్కువగా ఉంటే పన్ను వర్తించదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
కోహ్లీ అటువైపు చూస్తే ఏమవుతుందో..: బెంగళూరు మాజీ క్రికెటర్
-
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
-
షాపూర్జీ పల్లోంజీ గ్రూప్ నుంచి ఐపీఓ.. రూ.7,000 కోట్ల సమీకరణ!
-
‘పన్ను ఉగ్రవాదాన్ని ఆపండి’.. రూ.1823 కోట్ల నోటీసులపై కాంగ్రెస్ మండిపాటు
-
9 అసెంబ్లీ, 4 పార్లమెంట్ స్థానాలకు తెదేపా అభ్యర్థులు వీళ్లే..
-
జగన్ పని దొంగ.. దోపిడీదారుడు: చంద్రబాబు