Petrol Diesel Prices : హైదరాబాద్‌లో లీటర్‌ డీజిల్‌ రూ.105

దిల్లీ: దేశంలో పెట్రో ధరల పెంపు కొనసాగుతూనే ఉంది. వరుసగా ఐదో రోజైన ఆదివారమూ పెట్రోల్‌, డీజిల్‌ రెండింటిపైనా లీటరుకు మరో 35 పైసల చొప్పున పెంచారు. తాజా పెంపుతో దేశ రాజధాని దిల్లీలో లీటరు పెట్రోలు ధర రూ.107.59, డీజిల్‌ రూ.96.32కి చేరింది. ముంబయిలో ఈ ధరలు వరుసగా రూ.113.46, రూ.104.38గా ఉంది. ఒక్క కోల్‌కతా మినహా దాదాపు అన్ని రాష్ట్ర రాజధానుల్లో లీటర్‌ డీజిల్‌ ధర రూ.100 మార్క్‌ను చేరుకుంది. హైదరాబాద్‌లో లీటర్‌ డీజిల్‌ ధర రూ.105కి చేరింది.

గతేడాది మే 5 నుంచి.. అంటే దాదాపు 18 నెలల్లో లీటరు పెట్రలు పైన మొత్తం రూ.36, లీటరు డీజిలుపైన దాదాపు రూ.27 మేర పెంచారు. లీటరు పెట్రోల్‌పై రూ.32.9, డీజిలుపై రూ.31.8 చొప్పున కేంద్రం ఎక్సైజ్‌ డ్యూటీ వసూలు చేస్తున్న విషయం తెలిసిందే. దీంతో పాటు అంతర్జాతీయంగా ముడిచమురు ధరలు పెరగడమే ఇంధన ధరల పెరుగుదలకు కారణం.  

ప్రధాన నగరాల్లో పెట్రోల్‌, డీజిల్‌ ధరలు ఇలా ఉన్నాయి..

నగరం           పెట్రోల్‌(రూ.లలో)        డీజిల్‌(రూ.లలో)

హైదరాబాద్‌           111.91                 105.08

విజయవాడ           113.93                 106.50

విశాఖపట్నం          113.23                 105.80

దిల్లీ                  107.59                  96.32

ముంబయి            113.46                 104.38

చెన్నై                 104.52                 100.59

బెంగళూరు            110.98                 101.86

కోల్‌కతా               108.11                  99.43