Petrol Diesel Price Hike: అక్కడ లీటర్‌ పెట్రోల్‌ రూ.118

దిల్లీ: రెండు రోజుల విరామం తర్వాత దేశంలో ఇంధన ధరలు మళ్లీ భగ్గుమన్నాయి. బుధవారం (20-10-2021) లీటర్‌ పెట్రోలు, డీజిల్‌పై గరిష్ఠంగా 35 పైసల చొప్పున ఎగబాకింది. దీంతో దేశ రాజధాని దిల్లీలో లీటర్‌ పెట్రోల్‌ ధర రూ.106.19,  డీజిల్‌ రూ.94.92కు చేరింది. వాణిజ్య రాజధాని ముంబయిలో ఈ ధరలు వరుసగా రూ.112.11, రూ.102.89గా ఉన్నాయి. ఇప్పటికే అన్ని రాష్ట్ర రాజధానుల్లో లీటర్‌ పెట్రోల్‌ ధర రూ.100 మార్క్‌ను దాటేయగా.. డీజిల్‌ ధర సైతం మెజారిటీ పట్టణాల్లో రూ.100 దాటింది. రాజస్థాన్‌లోని శ్రీగంగానగర్‌లో లీటర్‌ పెట్రోల్‌ ఏకంగా రూ.118.23గా నమోదైంది. ఇక్కడ డీజిల్‌ ధర రూ.109.04 గా ఉంది. అంతర్జాతీయ మార్కెట్‌లో బ్యారెల్‌ బ్రెంట్‌ క్రూడ్‌ ధర 84.53 డాలర్లుగా నమోదవుతోంది. ఇది ఏడేళ్ల గరిష్ఠం కావడం గమనార్హం. సెప్టెంబరు 24 తర్వాత డీజిల్‌ ధర రూ.6.50, పెట్రోల్‌ ధర రూ.5  పెరగడం గమనార్హం.    

నగరం           పెట్రోల్‌(రూ.లలో)        డీజిల్‌(రూ.లలో)

హైదరాబాద్‌           110.46                 103.56

విజయవాడ           112.73                 105.20

విశాఖపట్నం          112.06                 104.55

దిల్లీ                  106.19                 94.57

ముంబయి            112.11                 102.89

చెన్నై                 103.31                 99.26

బెంగళూరు           109.89                 100.75