RBI: ఆర్‌బీఐకి 28,000-82,000 చదరపు అడుగుల అదనపు కార్యాలయ స్థలం కావాలి

దక్షిణ ముంబయి, బాంద్రా కుర్లాలో 

ముంబయి: రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) అదనపు కార్యాలయ స్థలం కోసం చూస్తోంది. ప్రస్తుతం ఉన్న ప్రధాన కార్యాలయానికి (దక్షిణ ముంబయి) సమీపంలో లేదా బాంద్రా కుర్లా కాంప్లెక్స్‌ (బీకేసీ) ప్రాంతంలో 2,601-7,681 చదరపు మీటర్ల (28,000-82,000 చ.అడుగులు) కార్యాలయ స్థలాన్ని కొనుగోలు చేసేందుకు ప్రతిపాదనలు (ఆర్‌ఎఫ్‌పీ) ఇవ్వాల్సిందిగా ఆర్‌బీఐ కోరింది. ప్రధాన కార్యాలయానికి 1.5 కిలోమీటర్లలోపు ఈ అదనపు కార్యాలయం ఉండేలా ప్రతిపాదనలు ఇవ్వాలని ఆసక్తి ఉన్న సంస్థలకు సూచించింది. ఒకవేళ విక్రయానికి ఎవరూ ముందుకు రాకపోతే, 30 ఏళ్ల కాలానికి లీజు (అద్దె) ప్రాతిపదికన వచ్చినా పరిశీలిస్తామని తెలిపింది. సెంట్రల్‌ బిజినెస్‌ డిస్ట్రిక్ట్‌ ప్రాంతంలో గ్రేడ్‌ ఏ కార్యాయాల చదరపు అడుగు రూ.25,000-50,000 మధ్య ఉండగా, బీకేసీ ప్రాంతంలో రూ.45,000-65,000 మధ్య ఉన్నట్లు జేఎల్‌ఎల్‌ ఇండియా ప్రాంతీయ మేనేజింగ్‌ డైరెక్టర్‌ కరణ్‌ సింగ్‌ వెల్లడించారు.