ఎస్బీఐ కొత్త సదుపాయం.. వీడియో కాల్ ద్వారా లైఫ్ సర్టిఫికెట్.. ఎలా సమర్పించాలంటే?
ఎస్బీఐ మొట్టమొదటిగా `వీడియో లైఫ్ సర్టిఫికేట్` (వీఎల్సీ) సేవను 1 నవంబర్ 2021 నుండి ప్రారంభించనుంది.
ఇంటర్నెట్ డెస్క్: పెన్షనర్లు ఏటా నవంబర్ 1 నుంచి లైఫ్ సర్టిఫికెట్ (జీవిత ధ్రువీకరణ పత్రం) సమర్పించాలి. పెన్షన్ ద్వారా ఆదాయం పొందుతున్న వారు.. ఖాతా ఉన్న బ్యాంకు, పోస్టాఫీసు, వారికి సంబంధించిన పెన్షన్ ఆఫీసు వద్ద గానీ లేదంటే జీవన్ ప్రమాణ్ పోర్టల్లో గానీ లైఫ్ సర్టిఫికెట్ సమర్పించాల్సి ఉంటుంది. ఇలా బ్యాంకు శాఖలను సందర్శించడం వృద్ధులకు కష్టంతో కూడుకున్న వ్యవహారం. దీన్ని దృష్టిలో ఉంచుకుని స్టేట్ బ్యాంక్ ఆఫ్ ఇండియా (SBI) కొత్త సదుపాయం తీసుకొచ్చింది. తమ బ్యాంకులో ఖాతా ఉన్న పెన్షన్దారులకు వీడియో కాల్ ద్వారా లైఫ్ సర్టిఫికెట్ సమర్పించే అవకాశం కల్పించింది. దేశంలోనే తొలిసారిగా వీడియో లైఫ్ సర్టిఫికెట్ (వీఎల్సీ) సదుపాయాన్ని సోమవారం (నవంబర్ 1) నుంచి అందుబాటులోకి తీసుకొచ్చింది. దీని ద్వారా పింఛన్దారులు తమ ఇంటి వద్ద నుంచే సులభంగా వీడియో కాల్ చేసి లైఫ్ సర్టిఫికెట్ను సమర్పించొచ్చు. దీనికి సంబంధించి నిమిషం నిడివి గల వీడియోను ఎస్బీఐ తన అధికారిక ట్విటర్ ఖాతాలో షేర్ చేస్తూ దశలవారీ ప్రక్రియను వివరించింది.
సర్టిఫికెట్ సమర్పించండిలా..
* ఎస్బీఐ పెన్షన్ సేవా పోర్టల్ను సందర్శించండి.
* లైఫ్ సర్టిఫికెట్ సమర్పించే ప్రక్రియను ప్రారంభించడానికి ‘వీడియో ఎల్సీ’ ఆప్షన్పై క్లిక్ చేయండి.
* మీ ఎస్బీఐ పెన్షన్ ఖాతా నంబర్ను నమోదు చేయండి.
* అనంతరం మీ రిజిస్టర్డ్ మొబైల్ నంబర్కు వచ్చే ఓటీపీని ఎంటర్ చేయండి.
* నిబంధనలు, షరతులు చదివి అంగీకారం తెలిపి ‘స్టార్ట్ జర్నీ’పై క్లిక్ చేయండి.
* మీ ఒరిజినల్ పాన్ కార్డ్ను చేతిలో ఉంచుకుని ‘ఐ ఆమ్ రెడీ’పై క్లిక్చేయండి.
* వీడియో కాల్ ప్రారంభించడానికి మీరు అనుమతిచ్చిన తర్వాత ఎస్బీఐ అధికారి అందుబాటులోకి వచ్చి మీతో సంభాషిస్తారు.
* వీడియో కాల్లోకి వచ్చిన ఎస్బీఐ అధికారి మీ స్క్రీన్పై ఉన్న నాలుగంకెల ధ్రువీకరణ కోడ్ను చదవాలని అడుగుతారు. మీరు ఆ కోడ్ను చెప్పాల్సి ఉంటుంది.
* మీ పాన్ కార్డును బ్యాంక్ అధికారికి చూపించి, దాన్ని ఫొటో తీసుకోవడానికి అనుమతివ్వాలి. అనంతరం ఎస్బీఐ అధికారి మీ ఫొటోను తీసుకుంటారు.
* ఇంతటితో వీడియో లైఫ్ సర్టిఫికెట్ (వీఎల్సీ) ప్రక్రియ పూర్తవుతుంది.
* ఒకవేళ ఏ కారణంతోనైనా వీడియో లైఫ్ సర్టిఫికేట్ ప్రక్రియ తిరస్కరణకు గురైతే ఎస్సెమ్మెస్ ద్వారా ఆ విషయాన్ని బ్యాంకు మీకు తెలియజేస్తుంది. ప్రత్యామ్నాయంగా మీకు పెన్షన్ చెల్లించే బ్యాంక్ శాఖను సందర్శించి లైఫ్ సర్టిఫికెట్ను అందజేయొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
గుండెపోటుతో గ్యాంగ్స్టర్ ముఖ్తార్ అన్సారీ మృతి.. యూపీలో 144 సెక్షన్
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి
-
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
-
మే 31 వరకు వేసవి సెలవులు.. ప్రకటించిన ఇంటర్ బోర్డు
-
బాలకృష్ణ లుక్స్.. ఈ సారి ‘అఖండ’కు మించి: రామ్స్