SBI Q2 Results: అదరగొట్టిన ఎస్‌బీఐ.. లాభాల్లో 67% వృద్ధి

దిల్లీ: ప్రభుత్వరంగ బ్యాంకింగ్ దిగ్గజం ‘స్టేట్‌ బ్యాంక్‌ ఆఫ్‌ ఇండియా(ఎస్‌బీఐ)’ రెండో త్రైమాసిక ఫలితాల్లో అదరగొట్టింది. ఏకీకృత నికర లాభాల్లో 69 శాతం వృద్ధి నమోదు చేసింది. జులై - సెప్టెంబరు త్రైమాసికంలో రూ.8,889.84 కోట్ల నికర లాభాన్ని ఆర్జించింది. 2020-21 ఆర్థిక సంవత్సరం ఇదే త్రైమాసికంలో బ్యాంకు నికర లాభం రూ.5,245.88 కోట్లుగా ఉంది. ఇక ఎస్‌బీఐ మొత్తం ఏకీకృత ఆదాయం క్రితం ఏడాది నమోదైన రూ.95,373.50 కోట్ల నుంచి రూ.1,01,143.26 కోట్లకు పెరిగింది. ఇక సమీక్షిస్తున్న త్రైమాసికంలో స్టాండ్‌ఎలోన్ ప్రాతిపదికన కూడా బ్యాంకు లాభం 67 శాతం పెరిగింది. ఆదాయం(స్టాండ్‌ఎలోన్‌) రూ.75,341.80 కోట్ల నుంచి రూ.77,689.09 కోట్లకు పెరిగింది. ఈ త్రైమాసికంలో కొత్త నిరర్థక ఆస్తులు 4.90 శాతంగా నమోదుకాగా.. మొత్తంగా బ్యాంకు నికర నిరర్థక ఆస్తులు 1.52 శాతానికి తగ్గాయి.