Breaking | Feedback | ePratibha | E-PAPER | Pratibha

BigBasket: టాటాలకు లైన్‌ క్లియర్‌..!

Tata Digitals: బిగ్‌బాస్కెట్‌ను దక్కించుకోవడానికి టాటా డిజిటల్స్‌కు మార్గం సాఫీ అయ్యింది.

Updated : 29 Apr 2021 13:13 IST

ఇంటర్నెట్‌డెస్క్‌: ఆన్‌లైన్‌ గ్రాసరీ దిగ్గజం బిగ్‌బాస్కెట్‌ను దక్కించుకోవడానికి టాటా డిజిటల్స్‌కు మార్గం సాఫీ అయ్యింది. గురువారం ఈ కొనుగోలుకు భారత కాంపిటిషన్స్‌ కమిషన్ ఆఫ్‌ ఇండియా ఆమోద ముద్ర వేసింది. దీంతో టాటా డిజిటల్‌ సంస్థ సూపర్‌ మార్కెట్‌ గ్రాసరీ సప్లైస్‌ ప్రైవేట్‌ లిమిటెడ్‌(ఎస్‌జీఎస్‌)లో 64.3శాతం వాటాను కొనుగోలు చేయవచ్చు. ఎస్‌జీఎస్‌ సంస్థ బిగ్‌బాస్కెట్‌ను నియంత్రిస్తున్న ఇన్నోవేటీవ్‌ రిటైల్‌ కాన్సెప్ట్స్ ప్రైవేట్‌ లిమిటెడ్‌లో వాటాలను కొనుగోలు చేయడానికి మార్గం సుగమం అయింది.

టాటా డిజిటల్‌ ఈ కొనుగోలు పూర్తి చేస్తే.. అలీబాబా సంస్థకు కొంత ప్రయోజనకరంగా ఉంటుంది. ఆ సంస్థ తాజాగా బిగ్‌బాస్కెట్‌లో ఉన్న 29శాతం వాటాలను విక్రయించి ఎగ్జిట్‌ కావాలని చూస్తోంది. అంతేకాదు.. దేశీయ బిజినెస్‌ టైకూన్‌ ఆది గోద్రెజ్‌కు కూడా 16.3శాతం వాటా ఉంది. దాదాపు రూ.9,300 కోట్ల (1.2బిలియన్‌ డాలర్ల)తో ఈ డీల్‌ నిర్వహించడానికి టాటా సిద్ధమైంది.

రెడ్‌సీర్‌ నివేదిక ప్రకారం బిగ్‌బాస్కెట్‌ విలువ ఏటా 57శాతం వృద్ధి చెందుతోంది. 2019లో 1.9 బిలియన్‌ డాలర్లు ఉన్న ఈ సంస్థ 2020 చివరి నాటికి 3 బిలియన్‌ డాలర్ల విలువను తాకింది. 2024నాటికి ఈ సంస్థ 18 బిలియన్‌ డాలర్ల మార్కును తాకుతుందని అంచనాలు ఉన్నాయి. ఈ డీల్‌ పూర్తయితే దేశీయ ఆన్‌లైన్‌ మార్కెట్లో బలమైన పోటీ ఇచ్చేలా టాటాలు కూడా సిద్ధమైనట్లు అవుతుంది. ఇప్పటికే అమెజాన్‌, రిలయన్స్‌, ఫ్లిప్‌కార్ట్‌ వంటి సంస్థలు పోటీ పడుతున్నాయి.

► Read latest Business News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.