Bitcoin: 51 వేల డాలర్లకు చేరిన బిట్‌కాయిన్ విలువ

ఇంటర్నెట్‌ డెస్క్‌: అతిపెద్ద క్రిప్టోకరెన్సీ అయిన బిట్‌కాయిన్‌ విలువ శుక్రవారం 51,000 డాలర్లను తాకింది. ఇది రెండు వారాల గరిష్ఠం. అంతర్జాతీయ మార్కెట్లలో సానుకూల వాతావరణం నేపథ్యంలో బిట్‌కాయిన్‌ విలువ పెరిగినట్లు తెలుస్తోంది. గత రెండు రోజుల్లో దీని విలువ 4 శాతం ఎగబాకి 51,524 డాలర్లకు చేరింది. ఇక బిట్‌కాయిన్‌ తర్వాతి స్థానంలో ఉన్న ఈథర్ విలువ 4,100 డాలర్ల వద్ద ట్రేడవుతోంది. అమెరికా స్టాక్‌ మార్కెట్లు గురువారం భారీ లాభాల్లో ముగిశాయి. బిట్‌కాయిన్‌ రాణిస్తుండడంతో ఆసియాలో క్రిప్టో సంబంధిత స్టాక్స్‌ అయిన వూరీ టెక్నాలజీ ఇన్వెస్ట్‌మెంట్‌, రెమిక్స్‌పాయింట్‌ వంటి కంపెనీల షేర్లు ఎగబాకాయి. 2021లో బిట్‌కాయిన్‌ ఇప్పటి వరకు 76 శాతం పెరగడం విశేషం.