10 నిమిషాల‌లో.. ఈ పాన్‌

ప‌న్ను చెల్లింపుదారుల‌కు శాశ్వ‌త ఖాతా సంఖ్య‌(పాన్)ను, సుల‌భంగా అందించేందుకు ఆదాయ శాఖ ఇ-పాన్ స‌దుపాయ‌న్ని అందుబాటులోకి తెచ్చింది. ఇ- పాన్ విధానాన్ని మ‌రింత సుల‌భ‌త‌రం చేసేందుకు, ద‌ర‌ఖాస్తు దారుల‌కు త‌క్ష‌ణ‌మే పాన్ నెంబ‌రును కేటాయించేందుకు కొత్త ప్ర‌ణాళిక‌ల‌ను రూపొందిస్తుంది. ఆర్థిక స‌హాయ మంత్రి అనురాగ్ సింగ్ ఠాకూర్ మాట్లాడుతూ ప్ర‌భుత్వం పాన్‌/ టాన్ విధానాన్ని, రియ‌ల్ టైమ్ లేదా 10 నిమిషాల లోపే కేటాయించే విధంగా యోచిస్తున్న‌ట్లు తెలిపారు.

ఇ- పాన్ గురించి 5 ముఖ్య విష‌యాలు:

1. ఇ-కేవైసీ ఆధారంగా రియ‌ల్‌టైమ్ ప్రాతిప‌దిక‌న‌(10 నిమిషాల‌లోపు) ఇ-పాన్‌ను జారీ చేయాల‌నే ఆలోచ‌న ఉన్న‌ట్లు ఠాకూర్ తెలిపారు.
2. కేంద్ర ప్రత్య‌క్ష ప‌న్ను విభాగం(సీబీడీటీ) డిసెంబ‌ర్‌2018లో జారీ చేసిన నోటికేష‌న్ ప్ర‌కారం క్యూఆర్ కోడ్‌తో పీడీఎఫ్ ఫార్మెట్‌లో చెల్లుబాటు అయ్యే ఇ-పాన్‌కార్డులను జారీ చేస్తున్నారు.
3. ఆదాయ‌పు ప‌న్ను శాఖ, ఇ-కేవైసీని ఉప‌యోగించి ఎల‌క్ట్రానిక్ ఫార్మెట్‌లో ఎల‌క్ట్రానిక్ పాన్ కార్డు(ఇ-పాన్‌)ను జారీ చేసి ఈ-మెయిల్ ద్వారా పంపిస్తారు. ఇ-పాన్ అనేది డిజిట‌ల్ సంత‌కంతో కూడి ఉంటుంది. ఎల‌క్ట్రానిక్ విధానం ద్వారా ఇత‌ర ఏజెన్సీల‌కు దీనిని ఐడీ ఫ్రూఫ్‌గా ఇవ్వ‌వ‌చ్చు.
4. ఆధార్ కార్డు ఉన్న భార‌తీయుల‌కు మాత్ర‌మే ఇ-పాన్ స‌దుపాయం అందుబాటులో ఉంటుంది.
5. ఇ-కేవైసీ విధానం ద్వారా గానీ, భౌతికంగా కార్డు రూపంలో గానీ పాన్‌ను త‌క్కువ స‌మ‌యంలో జారీ చేసేందుకు ఆదాయ‌పు ప‌న్ను శాఖ కావ‌ల‌సిన చ‌ర్య‌లు తీసుకుంటుంది.