vodafone idea: వొడాఫోన్ ఐడియాను నిలబెట్టేందుకు కేంద్రం కసరత్తు
పీకలోతు అప్పుల్లో కూరుకుపోయిన టెలికాం సేవల సంస్థ వొడాఫోన్ ఐడియా లిమిటెడ్(వీఐఎల్)ను నిలబెట్టేందుకు కేంద్ర ప్రభుత్వం కసరత్తు చేస్తోంది. నిధుల కొరతతో సతమతమవుతున్న వొడాఫోన్ విషయమై....
దిల్లీ: రుణఊబిలో కూరుకుపోయిన టెలికాం సేవల సంస్థ వొడాఫోన్ ఐడియా లిమిటెడ్(వీఐఎల్)ను నిలబెట్టేందుకు కేంద్ర ప్రభుత్వం కసరత్తు చేస్తోంది. నిధుల కొరతతో సతమతమవుతున్న వొడాఫోన్ విషయమై టెలికాం విభాగం బ్యాంకర్లతో చర్చలు జరుపుతోంది. నిర్దేశిత మార్గదర్శకాల మేరకు వొడాఫోన్ సమస్యకు పరిష్కారం కనుగొనాలని శుక్రవారం జరిగిన చర్చల్లో టెలికాం విభాగం అధికారులు బ్యాంకర్లకు సూచించారు. స్టేట్ బ్యాంక్, బ్యాంక్ ఆఫ్ బరోడా లాంటి ప్రభుత్వ రంగ బ్యాంకులతో పాటు ప్రైవేటు బ్యాంకుల అధికారులు కూడా ఈ సమావేశానికి హాజరయ్యారు. ఇలాంటి సమావేశాలు మరిన్ని జరిగే అవకాశముంది.
వొడాఫోన్ సంస్థ సహా టెలికాం రంగానికి ఇచ్చిన రుణాలపై డేటా సమర్పించాలని ప్రభుత్వరంగ బ్యాంకుల్ని ఇటీవల ఆర్థికశాఖ కోరింది. వొడాఫోన్ ఐడియా కుప్పకూలితే ప్రభుత్వ, ప్రైవేటు రంగ బ్యాంకులు దాదాపు రూ. 1.8లక్షల కోట్ల నష్టాన్ని చవిచూడాల్సి వస్తుంది. వొడాఫోన్కు ఇచ్చిన రుణాల్లో ప్రభుత్వ రంగ బ్యాంకులదే సింహ భాగం. ఐడీఎఫ్సీ వంటి ప్రైవేటు బ్యాంకులు ఇప్పటికే వొడాఫోన్ ఖాతాను ఒత్తిడి ఖాతాగా పేర్కొంటూ తదనంతర చర్యలు చేపట్టాయి.
వీఐఎల్ ప్రస్తుతం తీవ్ర ఆర్థిక ఇబ్బందులు ఎదుర్కొంటోంది. ప్రభుత్వం సహా వివిధ సంస్థలకు రూ.1.8 ట్రిలియన్లు చెల్లించాల్సి ఉంది. ప్రభుత్వానికి బకాయిలతో పాటు సవరించిన స్థూల ఆదాయ(ఏజీఆర్) ఛార్జీలు కట్టాల్సి ఉంది. ఈ నేపథ్యంలో రూ.25 వేల కోట్ల పెట్టుబడులను సమీకరించాలని కంపెనీ బోర్డు గత సెప్టెంబరులో నిర్ణయించింది. అమెరికా సహా అనేక దేశాల్లోని పెట్టుబడి సంస్థల్ని ఆశ్రయించింది. కానీ, ప్రభుత్వ పూచీ లేకపోవడంతో ఏ ఒక్క సంస్థ కూడా పెట్టుబడులకు ఆసక్తి కనబరచలేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ఆగంతుకుడి అనుమానాస్పద కదలికలు.. ఇరాన్ కాన్సులేట్ వద్ద కలకలం!
-
ప్రైవేటు ఆస్పత్రిలో తెగిపడిన లిఫ్ట్.. 9 మందికి తీవ్ర గాయాలు
-
సీపీఎం కార్యాలయానికి భట్టి విక్రమార్క.. లోక్సభ ఎన్నికల్లో మద్దతుపై చర్చ
-
2026 నాటికి ఎయిర్ట్యాక్సీలు.. 7 నిమిషాల్లో 27 కిలోమీటర్లు!
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!