11నెలల గరిష్ఠానికి టోకు ఆధారిత ద్రవ్యోల్బణం

దిల్లీ: జనవరిలో టోకు ధరల ఆధారిత ద్రవ్యోల్బణ సూచీ(డబ్ల్యూపీఐ) 11 నెలల గరిష్ఠానికి చేరింది. 2020, డిసెంబరులో 1.22 శాతంగా ఉన్న ఈ సూచీ.. గత నెలలో 2.03 శాతానికి ఎగబాకింది. కూరగాయ ధరలు పడిపోయినప్పటికీ.. డబ్ల్యూపీఐ పెరగడం గమనార్హం. పారిశ్రామిక ఉత్పత్తిపై ఆధారపడే పస్తువుల ధరలు గణనీయంగా పెరగడమే అందుకు కారణం. ఈ మేరకు కేంద్ర వాణిజ్య, పరిశ్రమల శాఖ సోమవారం గణాంకాలను విడుదల చేసింది.

ఇతర కీలకాంశాలు...

* ఆహార ద్రవ్యోల్బణం మైనస్‌ 2.8 శాతంగా నమోదైంది. గత ఏడాది డిసెంబరులో ఇది మైనస్‌ 1.11 శాతంగా ఉండింది. 
* కూరగాయ ద్రవ్యోల్బణం మైనస్‌ 20.82 వద్ద నిలవగా.. బంగాళాదుంప ధరలు మాత్రం 22.04 శాతం పెరిగాయి. 
* ఫ్యుయల్‌ అండ్‌ పవర్‌ రంగంలో ద్రవ్యోల్బణం మైనస్‌ 4.78 శాతంగా నమోదైంది. 
* ఇక ఆహారేతర పదార్థాల ద్రవ్యోల్బణం జనవరిలో 4.16 శాతంగా ఉంది.
* తాయరీ వస్తువుల ద్రవ్యోల్బణం 5.13 శాతం. డిసెంబరులో ఇది 4.24శాతంగా నమోదైంది.

ఇవీ చదవండి....

ఈ ఏడాది వేతనాలు ఎంత పెరగొచ్చంటే..

ఆరోగ్య బీమా.. ప్రీమియం ఇలా..