Air India: ప్రభుత్వ గృహ సముదాయాలను ఖాళీ చేయండి..!

ఎయిర్‌ ఇండియా ఉద్యోగులను కోరిన యాజమాన్యం

ఇంటర్నెట్‌డెస్క్‌: ఎయిర్‌ ఇండియాను దక్కించుకొన్న తర్వాత టాటా గ్రూప్‌ వేగంగా నిర్ణయాలు తీసుకుంటోంది. ఎయిర్‌ ఇండియా సిబ్బంది ప్రస్తుతం ఉంటున్న ప్రభుత్వ హౌసింగ్‌ కాలనీలను జులై 26 లోపు ఖాళీ చేయాలని కోరింది. ‘‘జులై 26 నాటికి ఉద్యోగులు కంపెనీ కేటాయించిన ఇళ్లను ఖాళీ చేయాలని కోరుతూ.. మే 17వ తేదీన ఎయిర్‌ ఇండియా అసెట్‌ హోల్డింగ్‌ లిమిటెడ్‌ నుంచి మెయిల్‌ వచ్చింది. ఎయిర్‌ ఇండియా స్పెసిఫిక్‌ ఆల్టర్నేటివ్‌ మెకానిజం ప్రకారం ఈ నిర్ణయం తీసుకున్నారు’’ అని మే 18న ఎయిర్‌ ఇండియా వెలువరించిన ఆదేశాల్లో పేర్కొంది.

ఎయిర్‌ ఇండియా అసెట్‌ హోల్డింగ్‌ సంస్థను 2019లో కేంద్రప్రభుత్వం ప్రారంభించింది. ఎయిర్‌ ఇండియా గ్రూప్‌నకు చెందిన అప్రధాన ఆస్తుల విక్రయం కోసం దీనిని ఏర్పాటు చేసింది. ఇక కేంద్ర మంత్రులు అమిత్‌షా, నిర్మలా సీతారామన్‌, పీయూష్‌ గోయల్‌, జ్యోతిరాదిత్య సింధియాతో కలిపి ‘ఎయిర్‌ ఇండియా స్పెసిఫిక్‌ ఆల్టర్నేటివ్‌ మెకానిజం’ ఏర్పాటు చేసింది. సంస్థలో పెట్టుబడుల ఉపసంహరణ కార్యక్రమాన్ని పర్యవేక్షించడం దీని ప్రధాన విధి. ఈ పరిణామాలపై పీటీఐ సంప్రదించగా.. ఎయిర్‌ ఇండియా స్పందించలేదు.

► Read latest Business News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.