Gold Investment: బంగారంలో పెట్టుబడికి భౌతిక బంగారమేనా.. ఇంకా మార్గాలున్నాయా?
బంగారంలో పెట్టుబడులు పెట్టడానికి ఆభరణాలతో సహా ఇంకా అనేక మార్గాలున్నాయి.
ఇంటర్నెట్ డెస్క్: భారత్లో పండుగల సీజన్ వచ్చేసింది. ఈ సీజన్లో బంగారం కొనుగోలు చేసేవారు కూడా గణనీయమైన సంఖ్యలో ఉంటారు. గ్రామీణ ప్రాంత ప్రజలు ఎక్కువగా ఉండే భారత్లో ఇప్పటికీ భౌతిక బంగారాన్ని (ఆభరణాల రూపంలో) కొనుగోలు చేసేవారే ఎక్కువ. పట్టణాల్లో ఒక సీజన్ అని కాకుండా అన్ని సమయాల్లోనూ భౌతిక బంగారాన్ని కొనుగోలు చేస్తున్నా.. కాగిత, డిజిటల్ బంగారం కొనుగోళ్లవైపు మొగ్గుచూపిస్తున్నవారూ పెరిగారు. బంగారంలో పెట్టుబడులు పెట్టడానికి ఆభరణాలతో సహా ఇంకా అనేక మార్గాలున్నాయి. ఇవి డిజిటల్ గోల్డ్, గోల్డ్ ఎక్స్చేంజ్ ట్రేడెడ్ ఫండ్లు (గోల్డ్ ఈటీఎఫ్), గోల్డ్ మ్యూచువల్ ఫండ్లు, ఆర్బీఐ జారీ చేసిన సార్వభౌమ గోల్డ్ బాండ్లు మొదలైనవి. వీటి మధ్య వ్యత్యాసాలు ఏంటో చూద్దాం.
భౌతిక బంగారం
భారత్లో బంగారాన్ని కొనుగోలు చేయడం ఆనవాయితీగా వస్తోంది. అయితే, ఇందులో సమస్యలు లేకపోలేదు. ఈ బంగారు కొనుగోళ్లకు గణనీయమైన తయారీ రుసుములు ఉంటాయి. తరుగు 6-18% దాకా ఉండొచ్చు. ఆభరణాల రూపకల్పనలో విలువైన రాళ్లు, రత్నాలు ఉంటే ధర పెరుగుతుంది. వీటి విలువ కూడా బంగారం ధరలో చేరుస్తారు. బంగారం కొనుగోలు సమయంలో జీఎస్టీ వసూలు చేస్తారు. బంగారం నాణ్యత అనేది మనం ఎంచుకునే తయారీదారుని బట్టి ఉంటుంది. అంతే కాకుండా పరిస్థితులను బట్టి బంగారాన్ని బ్యాంకు లాకరులో భద్రపరచాలి. లాకరుకు గానూ అదనపు ఖర్చులు ఉంటాయి. ఈ బంగారు ఆభరణాన్ని నగదు అవసరం అయినప్పుడు తిరిగి విక్రయిస్తే.. ఒక్కోసారి కొనుగోలు ధర కూడా రాకపోవచ్చు. భౌతిక బంగారాన్ని కొనుగోలు చేసే వినియోగదారులు ఇవన్నీ గమనించాలి.
డిజిటల్ గోల్డ్
ఇందులో పెట్టుబడికి నగల దుకాణాన్ని సందర్శించాల్సిన అవసరం లేదు. మీ మొబైల్ ఫోన్ క్లిక్తో కొనుగోలు చేయవచ్చు. విక్రయించవచ్చు. అమ్మకం జరిపినప్పుడు మీ ఖాతాలోకి తక్షణం నగదు బదిలీ అవుతుంది. డిజిటల్ గోల్డ్కు తక్షణ లిక్విడిటీ ఉంటుంది. డిజిటల్ బంగారంలో ఒక రూపాయితో కూడా పెట్టుబడి పెట్టొచ్చు. స్వచ్ఛమైన 24 క్యారెట్ల బంగారం విలువను పొందుతారు. బంగారాన్ని ఎక్కడ దాచాలనే ఆందోళన అక్కర్లేదు. డిజిటల్ గోల్డ్లో పెట్టుబడి పెట్టడానికి ఎలాంటి పథకాలను ఎంచుకోవచ్చో ఇక్కడ చూద్దాం.
సావరిన్ గోల్డ్ బాండ్లు (SGB)
ఇవి భౌతిక బంగారానికి ప్రత్యామ్నాయాలు. ఆన్లైన్లో కొనుగోలు చేసుకునే పెట్టుబడిదారులకు గ్రాముకు రూ. 50 తగ్గింపు కూడా ఉంటుంది. బాండ్లు బ్యాంకుల ద్వారా (చిన్న ఫైనాన్స్ బ్యాంకులు, చెల్లింపు బ్యాంకులు మినహా), స్టాక్ హోల్డింగ్ కార్పొరేషన్ ఆఫ్ ఇండియా లిమిటెడ్ (ఎస్హెచ్సీఐఎల్), క్లియరింగ్ కార్పొరేషన్ ఆఫ్ ఇండియా లిమిటెడ్ (సీసీఐఎల్), ఎంపిక చేసిన పోస్టాఫీసులు, గుర్తింపు పొందిన స్టాక్ ఎక్స్చేంజీల (నేషనల్ స్టాక్ ఎక్స్చేంజీ, బాంబే స్టాక్ ఎక్స్చేంజీ) ద్వారా కొనుగోలు చేయొచ్చు. ఈ బాండ్లు విక్రయించడానికి పెట్టుబడిదారులు ద్వితీయ మార్కెట్ను సంప్రదించవచ్చు. వీటి కాలపరిమితి 8 సంవత్సరాలు. 5వ సంవత్సరం నుంచి నిష్క్రమణకు అనుమతి ఉంటుంది. మదుపుదారులకు బాండు విలువపై సంవత్సరానికి 2.50% ఫిక్స్డ్ రేటుతో వార్షికంగా వడ్డీ చెల్లిస్తారు.
కనీస పెట్టుబడి 1 గ్రాము బంగారం. గరిష్ఠ పరిమితి వ్యక్తికి 4 కిలోలు. మెచ్యూరిటీ వరకు ఉంచిన సావరిన్ గోల్డ్ బాండ్స్పై ఎటువంటి మూలధన లాభాల పన్ను విధించరు. ఒకవేళ ఎక్స్చేంజీలలో మెచ్యూరిటీ తేదీకి ముందు ఈ బాండ్స్ విక్రయించినట్లయితే, వర్తించే రేట్ల వద్ద మూలధన పన్ను విధిస్తారు. సావరిన్ గోల్డ్ బాండ్స్ నుంచి సంపాదించిన వడ్డీపై మదుపుదారుల పన్ను స్లాబు ప్రకారం పన్ను విధిస్తారు. వీటిని బంగారంలా లాకరులో దాచనవసరం లేదు. భౌతిక బంగారం కంటే సులభంగా రిడీమ్ చేసుకోవచ్చు.
గోల్డ్ ఈటీఎఫ్లు
ఇందులో పెట్టుబడులకు డీమ్యాట్ ఖాతా అవసరం. ఒక గోల్డ్ ఈటీఎఫ్ యూనిట్ను కొనుగోలు చేస్తే.. ఒక గ్రాము స్వచ్ఛమైన బంగారం విలువను పొందుతారు. ఇందులో పెట్టుబడికి బంగారం డీమెటీరియలైజ్డ్ రూపంలో లభిస్తుంది. అంటే మీ డీమ్యాట్ ఖాతాలో ఎలక్ట్రానిక్ రూపంలో భౌతిక బంగారానికి సమానమైన బంగారు విలువను పొందుతారు. ఇవి స్టాక్ ఎక్స్చేంజీలో లిస్ట్ అవుతాయి. వీటిని షేర్ల మాదిరిగానే కొనుగోలు చేయొచ్చు. విక్రయించొచ్చు. గోల్డ్ ఈటీఎఫ్లకు ఎటువంటి నిష్క్రమణ పరిమితులూ ఉండవు. అంటే పెట్టుబడిదారులు మార్కెట్ సమయాల్లో ఎప్పుడైనా యూనిట్లను కొనొచ్చు లేదా అమ్మవచ్చు. గోల్డ్ ఈటీఎఫ్ను రిడీమ్ చేసినప్పుడు.. భౌతిక బంగారాన్ని పొందలేరు. కానీ, అందుకు సమానమైన నగదును అందుకుంటారు. గోల్డ్ ఈటీఎఫ్లలో దీర్ఘకాలిక, స్వల్పకాలిక మూలధన లాభం రెండింటిపై ఆదాయ పన్ను ఉంటుంది. 3 ఏళ్ల కంటే ఎక్కువ కాలం పాటు ఉంచిన గోల్డ్ ఈటీఎఫ్ పెట్టుబడుల మూలధన లాభాలపై 20% పన్ను విధిస్తారు.
గోల్డ్ మ్యూచువల్ ఫండ్లు
ఈ ఫండ్లు ప్రధానంగా ఓపెన్-ఎండెడ్ ఫండ్లు. వీటికి డీమ్యాట్ ఖాతా అవసరం లేదు. ఈ ఫండ్లలో కనీస పెట్టుబడి రూ. 500 కూడా పెట్టొచ్చు. మీ పెట్టుబడిని ఫండ్ మేనేజర్లు ప్రముఖ మైనింగ్ కంపెనీల షేర్లలో లేదా భౌతిక బంగారంలో పెడతారు. మార్కెట్ సమయాల్లో ఎప్పుడైనా పెట్టుబడిని రిడీమ్ చేసుకోవచ్చు.
గోల్డ్ మ్యూచువల్ ఫండ్లను నిర్వహించే కొన్ని సంస్థలు
యాక్సిస్ గోల్డ్ ఫండ్, ఎస్బీఐ గోల్డ్ ఫండ్, కోటక్ గోల్డ్ ఫండ్, హెచ్డీఎఫ్సీ గోల్డ్ ఫండ్, ఆదిత్య బిర్లా సన్లైఫ్ గోల్డ్ ఫండ్ ఇంకా మరికొన్ని సంస్థలు కూడా ఉన్నాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి. -
రెగ్యులర్ Vs డైరెక్ట్ మ్యూచువల్ ఫండ్.. ఏది బెటర్?
Mutual Funds: మ్యూచువల్ ఫండ్లలో మదుపర్లకు రెండు రకాల పథకాలు అందుబాటులో ఉంటాయి. వాటిలో ఏది ఎంచుకోవాలో చాలా మందికి అవగాహన ఉండదు. -
వివిధ లార్జ్ క్యాప్ ఫండ్లపై రాబడులు ఇలా ఉన్నాయి
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
స్థిరాస్తుల్లో మదుపు చేద్దామా
పెట్టుబడులు పెట్టేందుకు అనేక మార్గాలు అందుబాటులో ఉన్నాయి. షేర్లు, బాండ్లు, ఫిక్స్డ్ డిపాజిట్లలాంటి పెట్టుబడి పథకాలు, బంగారం, స్థిరాస్తుల వరకూ ఎన్నో విస్తృత శ్రేణి ఎంపికలు ఉన్నాయి. -
ఓటీపీ ఆ అంకెలు జాగ్రత్త
ఒక్క క్లిక్తో కావాల్సినవన్నీ కొనేస్తున్నాం. బ్యాంకింగ్ లావాదేవీలన్నీ చేసేస్తున్నాం. వీటన్నింటికీ ఆరంకెల ఓటీపీ (వన్ టైమ్ పాస్వర్డ్) చాలు.. ఇంత సౌలభ్యంతోపాటు, కొన్ని ప్రమాదాలూ పొంచి ఉన్నాయి -
పన్ను ప్రణాళికకు తరుణమిదే..
ఆర్థిక సంవత్సరం ప్రారంభం కావడంతో.. ఆదాయపు పన్ను మినహాయింపుల గురించి ఆలోచించాల్సిన సమయం వచ్చేసింది. ఈ నేపథ్యంలో పాత పన్నువిధానంలోనే ముందుకెళ్లాలని ఆలోచిస్తున్న వారు
తాజా వార్తలు (Latest News)
-
మాధురి దీక్షిత్తో నటించాలంటే భయమేసింది: మనీషా కొయిరాలా
-
రోహిత్తో ఓపెనింగ్ చేసేది ఎవరు? మీ ఛాయిస్ ఎవరు?
-
యాడ్ సైజ్లోనే ‘క్షమాపణలు’ ప్రచురించారా?.. పతంజలిని ప్రశ్నించిన సుప్రీం
-
తెలుగులో ‘నాయట్టు’.. స్ట్రీమింగ్ ఎక్కడంటే?
-
ఈనాడు.నెట్లో టాప్ 10 వార్తలు @ 1 PM
-
దుబాయ్ వరదలకు ముందు.. తర్వాత: శాటిలైట్ చిత్రాల్లో ఇలా