Amazon Prime Day sale: అమెజాన్‌ ప్రైమ్‌ డే సేల్‌ తేదీలు ఫిక్స్‌.. ఈ కార్డులపై ప్రత్యేక ఆఫర్లు!

Amazon prime day sale: షాపింగ్‌ ప్రియులకు గుడ్‌న్యూస్‌. ప్రైమ్‌ మెంబర్ల కోసం అమెజాన్‌ కొత్త సేల్‌ తీసుకొస్తోంది. అమెజాన్‌ ప్రైమ్‌ డే సేల్‌ పేరిట (Amazon Prime Day sale) సేల్‌ నిర్వహించబోతోంది. దీనికి సంబంధించిన తేదీలను తాజాగా అధికారికంగా ప్రకటించింది. జులై 23-24 తేదీల్లో ఈ సేల్‌ నిర్వహించబోతున్నారు. స్మార్ట్‌ఫోన్లు, ఎలక్ట్రానిక్‌ ఉత్పత్తులు, టీవీలు, దుస్తులు, అమెజాన్‌ డివైజులు, ఫర్నిచర్‌పై తదితర వస్తువులపై ఈ సేల్‌లో డిస్కౌంట్లు అందించనున్నట్లు అమెజాన్‌ ప్రకటించింది. జులై 23 అర్ధరాత్రి 12 గంటల నుంచి 48 గంటల పాటు ఈ సేల్‌ జరగనుంది. 400 బ్రాండ్లకు చెందిన 30వేల కొత్త ఉత్పత్తులను విక్రయానికి ఉంచనున్నట్లు అమెజాన్‌ తెలిపింది. ఐసీఐసీఐ, ఎస్‌బీఐ కార్డుదారులకు 10 శాతం డిస్కౌంట్‌ అందించనున్నట్లు అమెజాన్‌ పేర్కొంది.

సేల్‌కు సంబంధించి ఇప్పటికే ఓ పేజీని అమెజాన్‌ సిద్ధం చేసింది. ఇందులో మొబైల్స్‌పై 40 శాతం వరకు, ల్యాప్‌టాప్‌లు, హెడ్‌ఫోన్స్‌పై 75 శాతం వరకు డిస్కౌంట్‌ అందిస్తున్నట్లు పేర్కొంది. ఎక్స్ఛేంజీ సదుపాయం కూడా ఉందని తెలిపింది. ఈ సేల్‌లో భాగంగా షావోమి, వన్‌ప్లస్‌, శాంసంగ్‌, ఐకూకు చెందిన కొన్ని మొబైల్స్‌ను తక్కువ ధరకే విక్రయించనున్నామని పేర్కొన్న అమెజాన్‌.. వాటి ధరలను మాత్రం రివీల్‌ చేయలేదు. సేల్‌ తేదీలు దగ్గరకొచ్చాక వాటి ధరలను తెలిపే అవకాశం ఉంది. అయితే ఈ సేల్‌ కేవలం ప్రైమ్‌ మెంబర్లకు మాత్రమే. కొత్తగా ప్రైమ్‌ సబ్‌స్క్రిప్షన్‌ తీసుకోవాలంటే ఏడాదికి రూ.1499 చెల్లించాల్సి ఉంటుంది. కేవలం నెలకు మాత్రమే తీసుకోవాలంటే రూ.179 చెల్లించాలి.

► Read latest Business News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.