Fixed Deposit: బ్యాంక్ ఎఫ్డీ Vs పోస్టాఫీస్ టైమ్ డిపాజిట్.. ఏది మేలు?
ప్రభుత్వ బ్యాంకులతో పోలిస్తే పోస్టాఫీస్ టైమ్ డిపాజిట్లలో వడ్డీరేటు కాస్త అధికంగా ఉంటుంది. అదే పెట్టుబడి కాలపరిమితి విషయంలో నిర్దిష్టంగా ఉన్నట్లయితే మాత్రం బ్యాంక్ ఎఫ్డీలలో ఎక్కువ ఆప్షన్లు ఉంటాయి.
ఇంటర్నెట్ డెస్క్: మదుపు చేసేందుకు ఎక్కువ మంది మొగ్గుచూపే తొలి మార్గం ఫిక్స్డ్ డిపాజిట్ (Fixed Deposit). వీటిని అర్థం చేసుకోవడం చాలా సులభం. నష్టభయం తక్కువ. ఎప్పుడు కావాలంటే అప్పుడు ఉపసంహరించుకొని డబ్బు పొందొచ్చు. ఇటీవల ఎఫ్డీల వడ్డీరేట్లను బ్యాంకులు పెంచుతున్నాయి. మరోవైపు స్టాక్ మార్కెట్, మ్యూచువల్ ఫండ్ల వంటి ఇతర మదుపు మార్గాల్లో తీవ్ర హెచ్చుతగ్గులు కనిపిస్తున్నాయి. దీంతో చాలా మంది మళ్లీ ఫిక్స్డ్ డిపాజిట్ల వైపు చూస్తున్నారు.
అయితే, మదుపర్లు అధిక ప్రయోజనాన్ని పొందడానికి అనువైన ఎఫ్డీ (Fixed Deposit) స్కీమ్ను గుర్తించగలగాలి. మరోవైపు బ్యాంకులు ఎఫ్డీ రేట్లను పెంచుతున్న నేపథ్యంలో పోస్టాఫీసులు సైతం తమ టైమ్ డిపాజిట్ల (Post office time deposit) రేట్లను సవరించాయి. ఈ నేపథ్యంలో బ్యాంకు ఫిక్స్డ్ డిపాజిట్లు, పోస్టాఫీస్ టైమ్ డిపాజిట్లలో ఏది మేలో చూద్దాం..
వివిధ అంశాల ఆధారంగా పోస్టాఫీస్ టైమ్ డిపాజిట్లు (Post office time deposit), బ్యాంకు ఫిక్స్డ్ డిపాజిట్ల మధ్య వ్యత్యాసం ఏంటో అర్థం చేసుకుందాం. తద్వారా ఏది ఎంచుకుంటే అధిక ప్రయోజనం పొందే అవకాశం ఉందో తెలుస్తుంది.
సులభంగా మదుపు..
బ్యాంక్ ఎఫ్డీ (Fixed Deposit), పోస్టాఫీస్ టైమ్ డిపాజిట్.. ఈ రెండింట్లోనూ మదుపు చేయడం చాలా సులభం. ఆన్లైన్లోనే మదుపును ప్రారంభించొచ్చు. అయితే, స్థానికంగా బ్యాంకు శాఖలు అందుబాటులో ఉన్నంతగా పోస్టాఫీస్ కార్యాలయాలు ఉండకపోవచ్చు. మనం నివసించే ప్రాంతానికి దగ్గర్లో ఉంటే అత్యవసర సమయాల్లో త్వరగా డిపాజిట్లను నగదు రూపంలోకి మార్చుకునే వెసులుబాటు లభిస్తుంది.
పెట్టుబడికి భద్రత..
పోస్టాఫీస్ టైమ్ డిపాజిట్ల (Post office time deposit)కు ప్రభుత్వ హామీ ఉంటుంది. కేంద్ర ప్రభుత్వం వీటికి హామీదారు. అదే బ్యాంకు ఫిక్స్డ్ డిపాజిట్లకు రూ.ఐదు లక్షల వరకు ‘డిపాజిట్ ఇన్సూరెన్స్ అండ్ క్రెడిట్ గ్యారంటీ కార్పొరేషన్ (DICGC)’ కింద బీమా రక్షణ లభిస్తుంది. కాబట్టి రెండింటిలోనూ మన పెట్టుబడికి భరోసా లభిస్తుంది.
కాలపరిమితి..
పోస్టాఫీస్ టైమ్ డిపాజిట్ల (Post office time deposit)లో కనిష్ఠంగా ఒక సంవత్సరం.. గరిష్ఠంగా ఐదు సంవత్సరాల కాలపరిమితితో ఫిక్స్డ్ డిపాజిట్ చేయొచ్చు. బ్యాంకు ఎఫ్డీల్లో అయితే కనిష్ఠంగా ఏడు రోజులు.. గరిష్ఠంగా 10 సంవత్సరాల వరకు డిపాజిట్ చేసే అవకాశం ఉంటుంది. కాలపరిమితి పరంగా చూస్తే బ్యాంకు ఎఫ్డీ (Fixed Deposit)ల్లో ఎక్కువ ఆప్షన్లు అందుబాటులో ఉంటాయి.
సీనియర్ సిటిజన్లకు అదనపు ప్రయోజనాలు..
చాలా వరకు బ్యాంకులు సీనియర్ సిటిజన్లకు ఎక్కువ వడ్డీరేటును అందిస్తున్నాయి. సాధారణ పౌరులతో పోలిస్తే.. వారికి 0.5 నుంచి 0.75 శాతం వడ్డీ అదనంగా లభిస్తుంది. అదే పోస్టాఫీస్ టైమ్ డిపాజిట్ల (Post office time deposit)లో అయితే అన్ని వయసుల వారికీ ఒకే రకమైన వడ్డీరేటు ఉంటుంది.
వడ్డీరేట్లు..
బ్యాంకులు వడ్డీరేట్లను ఆర్బీఐ రెపోరేటుకు అనుగుణంగా ఎప్పటికప్పుడు సవరిస్తాయి. పోస్టాఫీస్ టైమ్ డిపాజిట్లను మాత్రం ప్రతి మూడు నెలలకోసారి సవరించే అవకాశం ఉంది. ప్రభుత్వ బ్యాంకుల ఎఫ్డీ (Fixed Deposit)రేట్లతో పోలిస్తే ప్రస్తుతం పోస్టాఫీస్ టైమ్ డిపాజిట్ల వడ్డీరేటు కొంత ఎక్కువగానే ఉంది. కానీ, కొన్ని ప్రైవేట్ బ్యాంకులు మాత్రం పోస్టాఫీస్ కంటే మెరుగైన వడ్డీరేటును ఇస్తున్నాయి.
సీనియర్ సిటిజన్ అయితే, పోస్టాఫీస్ టైమ్ డిపాజిట్ (Post office time deposit)తో పోలిస్తే బ్యాంకులు అధిక వడ్డీ రేటును అందిస్తాయి. అదే పెట్టుబడి కాలపరిమితి విషయంలో నిర్దిష్టంగా ఉన్నట్లయితే బ్యాంక్ ఎఫ్డీ (Fixed Deposit)లలో ఎక్కువ ఆప్షన్లు ఉంటాయి. ఏదేమైనప్పటికీ.. బ్యాంక్ ఎఫ్డీ, పోస్టాఫీస్ టైమ్ డిపాజిట్.. ఈ రెండింటిలో ఏది ఎంపిక చేసుకోవాలన్నా.. మీ ఆర్థిక లక్ష్యాలను ఒకసారి సమీక్షించుకొని నిర్ణయం తీసుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి.
తాజా వార్తలు (Latest News)
-
మూడోసారి అంతరిక్షంలోకి.. సిద్ధమవుతోన్న సునీతా విలియమ్స్
-
Sunetra Pawar: ఎన్నికల వేళ.. రూ.25 వేల కోట్ల స్కామ్ కేసులో సునేత్ర పవార్కు క్లీన్ చిట్
-
గగనతలంలో ‘అమ్మ’కు సర్ప్రైజ్.. బుడతడి ఐడియా అదుర్స్
-
అవనిగడ్డలో వైకాపా ర్యాలీ.. బాణసంచా పడి తెదేపా కార్యకర్త ఇల్లు దగ్ధం
-
టేకాఫ్ సమయంలో ఊడిన బోయింగ్ విమానం టైరు
-
సొంత అభ్యర్థికి వ్యతిరేకంగా ‘కాంగ్రెస్’ ప్రచారం.. ఎందుకంటే!