BSNL Prepaid Plans: రూ.599తో అపరిమిత డేటా..BSNLలోని ప్రీపెయిడ్‌ ప్లాన్ల వివరాలు

ఇంటర్నెట్‌ డెస్క్‌: భారత టెలికాం రంగంలో ప్రైవేటు కంపెనీల హవా కొనసాగుతోంది. ప్రభుత్వరంగ సంస్థ అయిన బీఎస్‌ఎన్‌ఎల్‌ సైతం వాటితో పోటీ పడుతూ తమ యూజర్లకు అద్భుతమైన ప్రయోజనాలను అందిస్తోంది. ముఖ్యంగా డేటా విషయంలో బీఎస్‌ఎన్‌ల్‌ ప్లాన్లు యూజర్లను ఆకర్షించేలా ఉన్నాయి. మరి ఈ ప్రభుత్వ రంగ టెలికాం సంస్థ అందిస్తున్న అధిక డేటాతో కూడిన  దీర్ఘకాల ప్రీపెయిడ్‌ ప్లాన్‌లు ఏంటో చూద్దాం..

📱 రూ.399 ప్లాన్‌లో రోజుకి 1 జీబీ డేటా, అపరిమిత కాల్స్‌తో పాటు రోజుకి 100 ఎస్‌ఎంఎస్‌లు వస్తాయి. దీని వ్యాలిడిటీ 80 రోజులు. దీంట్లో బీఎస్‌ఎన్‌ఎల్‌ ట్యూన్స్‌, లోక్‌ధన్‌ కంటెంట్‌ను ఉచితంగా పొందొచ్చు.

📱 రూ.429 ప్లాన్‌లో రోజుకి 1 జీబీ డేటా, అపరమిత కాల్స్‌తో పాటు రోజుకి 100 ఎస్‌ఎంఎస్‌లు వస్తాయి. దీని వ్యాలిడిటీ 81 రోజులు. దీంట్లో ఈరోస్‌నౌ ఎంటర్‌టైన్‌మెంట్‌ సేవలకు అనుమతి ఉంటుంది.

📱 రూ.447 ప్లాన్‌లో 60 రోజుల వ్యాలిడిటీతో 100 జీబీ హైస్పీడ్‌ డేటాను అందిస్తున్నారు. ఈ పరిమితి దాటిన తర్వాత 80 కేబీపీఎస్‌తో ఉచితంగా ఇంటర్నెట్‌ సేవల్ని పొందొచ్చు. దీన్ని డేటా వోచర్‌గా పేర్కొన్నప్పటికీ.. అపరిమిత కాల్స్‌, రోజుకి 100 ఎస్‌ఎంఎస్‌లు కూడా ఉన్నాయి. బీఎస్‌ఎన్‌ఎల్‌ ట్యూన్స్‌, ఈరోస్‌నౌ ఎంటర్‌టైన్‌మెంట్‌ సేవల్ని ఉచితంగా పొందొచ్చు.

📱 రూ.499 ప్లాన్‌లో 90 రోజుల వ్యాలిడిటీతో రోజుకి 2 జీబీ డేటా, 100 ఎస్‌ఎంఎస్‌లు, అపరిమిత కాల్స్‌ ఉంటాయి. దీంతో ఎలాంటి ఓటీటీ సభ్యత్వం రాదు.

📱 రూ.1498 ప్లాన్‌ పూర్తిగా డేటా వోచర్‌. దీంట్లో కేవలం డేటా మాత్రమే అందుబాటులో ఉంటుంది. మిగిలిన ఏ ప్రయోజనాలూ ఉండవు. రోజుకి 2 జీబీ డేటాను 365 రోజుల పాటు పొందొచ్చు.

📱 రూ.599 ప్లాన్‌ వర్క్‌ ఫ్రమ్‌ హోం ప్యాకేజీ. రోజుకి 5 జీబీ డేటా 84 రోజుల పాటు పొందొచ్చు. పరిమితి దాటిన తర్వాత 80 కేబీపీఎస్‌ వేగంతో ఇంటర్నెట్‌ను ఆనందించొచ్చు. అపరిమిత కాల్స్‌, రోజుకి 100 ఎస్‌ఎంఎస్‌లు కూడా ఉంటాయి. ఇక రాత్రి 12:00 గంటల నుంచి వేకువజామున 5 గంటల వరకు అపరిమిత డేటాను ఉచితంగా పొందొచ్చు. జింగ్‌ స్ట్రీమింగ్‌ సబ్‌స్క్రిప్షన్‌ను కూడా ఆనందించొచ్చు.