Campus Activewear: క్యాంపస్‌ యాక్టివ్‌వేర్‌ ఐపీఓ.. ఒక్కోలాట్‌పై ₹3,468 లిస్టింగ్‌ గెయిన్స్‌

దిల్లీ: క్యాంపస్‌ బ్రాండ్‌ పేరిట పాదరక్షలు విక్రయించే కంపెనీ క్యాంపస్‌ యాక్టివ్‌వేర్‌ షేర్లు ఈరోజు స్టాక్‌ ఎక్స్ఛేంజీల్లో నమోదయ్యాయి. మార్కెట్లు భారీ పతనంలో ఉన్నప్పటికీ.. ఈ కంపెనీల షేర్లకు శుభారంభం లభించడం విశేషం. ఇష్యూ దర రూ.292తో పోలిస్తే షేర్లు 23 శాతం ప్రీమియంతో లిస్టయ్యాయి.

క్యాంపస్‌ షేర్లు 21.57 శాతం ప్రీమియంతో రూ.355 వద్ద బీఎస్‌ఈలో, 23.28 శాతం ప్రీమియంతో రూ.360 వద్ద ఎన్‌ఎస్‌ఈలో లిస్టయ్యాయి. ఈ లెక్కన ఒక లాట్‌ (51 షేర్లు)కు రూ.14,892తో బిడ్‌ దాఖలు చేసిన వారు రూ.3,468 లిస్టింగ్ గెయిన్స్‌ను ఆర్జించారు. పబ్లిక్‌ ఆఫర్‌ (ఐపీఓ) ఈ నెల 26న ప్రారంభమై 28న ముగిసింది. కంపెనీ ఈ ఐపీఓ ద్వారా రూ.1400 కోట్లు సమీకరించాలని లక్ష్యంగా పెట్టుకుంది. షేరుకు ధరల శ్రేణిగా రూ.278- 292ను నిర్ణయించింది.