సియట్‌ టైర్ల కోసం బాబా అవతారంలో రానా

ముంబయి: ప్రముఖ టైర్ల తయారీ కంపెనీ సియట్‌ తమ బ్రాండ్‌ అంబాసిడర్‌గా ప్రముఖ సినీ నటుడు రానాను నియమించుకుంది. కొత్తగా తీసుకొచ్చిన ‘పంక్చర్‌ సేఫ్‌’ బైక్‌ టైర్ల ప్రచారానికి ఈ మేరకు రానాతో ఒప్పందం చేసుకుంది. ఏపీ, తెలంగాణ సహా దక్షిణాది రాష్ట్రాల్లో టీవీ, డిజిటల్‌ యాడ్స్‌లో రానా కనిపించనున్నారు. ఇందులో రానా బాబా అవతారంలో బైక్‌ నడుపుతూ కనిపించారు. 

ప్రస్తుతం జరుగుతున్న భారత్‌- ఇంగ్లాండ్‌ టెస్టు సిరీస్‌ నుంచే ఈ యాడ్‌ ప్రసారం కానుందని సియట్‌ టైర్స్‌ చీఫ్‌ ఆపరేటింగ్‌ ఆఫీసర్‌ అర్ణబ్‌ బెనర్జీ తెలిపారు. కొత్తగా తీసుకొచ్చిన ఈ టైర్లు ఒకవేళ పంక్చర్‌ అయినా గాలి పోదని బెనర్జీ తెలిపారు. 2.5మిల్లీ మీటర్లు కలిగిన వ్యాసం వరకు ఏర్పడిన పంక్చర్లను ఈ కొత్త టెక్నాలజీ కలిగిన టైర్లు పూడ్చివేస్తాయని తెలిపారు. సియట్‌ టైర్స్‌తో కలిసి పనిచేయడం సంతోషంగా ఉందని రానా ఈ సందర్భంగా పేర్కొన్నారు.

ఇవీ చదవండి..
పర్సనల్‌ లోన్‌ తీసుకుంటున్నారా..అయితే,
ఐదో రోజూ ఆగని పెట్రో ధరల పరుగు!