Credit Score: క్రెడిట్ స్కోర్పై ఇవన్నీ అపోహలే..!
Credit Score: రుణం పొందడంలో క్రెడిట్ స్కోర్ ప్రధాన పాత్ర పోషిస్తుంది. అయితే, దీనిపై చాలా మందికి అనేక అపోహలు ఉన్నాయి.
ఇంటర్నెట్ డెస్క్: క్రెడిట్ స్కోర్ (Credit Score) ప్రాధాన్యం గురించి చెప్పాల్సిన అవసరం లేదు. రుణ మంజూరులో ఇది ఎంత కీలక పాత్ర పోషిస్తుందో అందరికీ తెలిసిందే. వడ్డీరేటు నిర్ధారణకు బ్యాంకులు పరిగణనలోకి తీసుకుంటున్న అంశాల్లో ఇదొకటి. రుణ రేటు ఏమాత్రం తగ్గినా అది మన ఈఎంఐని.. తద్వారా మన నెలవారీ వ్యయాన్ని తగ్గిస్తుంది. ఇలా క్రెడిట్ స్కోర్ (Credit Score) మన ఆర్థిక జీవితంలో ఒక ప్రధానమైన అంశంగా మారిపోయింది. అయితే, దీనికి సంబంధించి చాలా మందికి అన్ని విషయాలు తెలియవు. ఈ క్రమంలో క్రెడిట్ స్కోర్ (Credit Score)కు సంబంధించి అనేక అపోహలు ప్రచారంలో ఉన్నాయి. అవేంటి.. మరి నిజాలేంటో చూద్దాం..
క్రెడిట్ నివేదికను తరచూ తనిఖీ చేస్తే స్కోర్పై ప్రభావం పడుతుంది
అది నిజం కాదు. మీ క్రెడిట్ స్కోర్ (Credit Score) ప్రభావితం అవుతుందనే ఆందోళన లేకుండా మీరు మీ క్రెడిట్ నివేదికను క్రమం తప్పకుండా తనిఖీ చేసుకోవచ్చు. ఒకవేళ బ్యాంకులు లేదా ఆర్థిక సంస్థలు ఒక నిర్ధిష్ట వ్యవధిలో ఒకేసారి మీ క్రెడిట్ వివరాల గురించి అడిగితే, అది మీ స్కోర్ను కొన్ని పాయింట్లు తగ్గించవచ్చు. అంతే తప్ప తరచూ తనిఖీ చేసుకోవడం మంచిదే అని నిపుణులు సైతం సూచిస్తున్నారు. ఫలితంగా ఎక్కడ లోపాలున్నాయో తెలుసుకొని వాటిని సరిదిద్దుకునే వెసులుబాటు ఉంటుంది.
మెరుగైన క్రెడిట్ స్కోర్కు దోహదపడే అంశాల్లో ఆదాయం ఒకటి
మీ క్రెడిట్ రిపోర్ట్ ఆధారంగానే మీ క్రెడిట్ స్కోర్ను నిర్ణయిస్తారు. క్రెడిట్ నివేదికలో అసలు ఆదాయానికి సంబంధించిన వివరాలు ఉండవు. మీరు నెలకు రూ.లక్షల్లో సంపాదిస్తున్నా.. మీ ఆర్థిక క్రమశిక్షణ, డబ్బు నిర్వహణ సరైన పద్ధతిలో లేకపోతే మీ క్రెడిట్ స్కోర్ తగ్గిపోతుంది.
పేలవమైన క్రెడిట్ స్కోర్ ఉంటే లోన్ రాదు
మీరు రుణం కోసం దరఖాస్తు చేసుకుంటే.. క్రెడిట్ స్కోర్ (Credit Score) ఒక్కదాన్నే ప్రామాణికంగా తీసుకోరు. మీ ఆర్థిక చరిత్రను తెలియజేసే అనేక ఇతర అంశాలను కూడా పరిగణనలోకి తీసుకుంటారు. ఆదాయం, సహ దరఖాస్తుదారుడి క్రెడిట్ స్కోర్, బ్యాంకులకు మీపై ఉన్న నమ్మకం కూడా ప్రధాన పాత్ర పోషిస్తాయి. ఒకవేళ బ్యాంకు లేదా ఏదైనా ఆర్థిక సంస్థ క్రెడిట్ స్కోర్ తక్కువగా ఉందని మీ రుణ దరఖాస్తును తిరస్కరిస్తే ఇతర బ్యాంకులను సంప్రదించొచ్చు. అయితే, రుణరేటు మాత్రం అధికంగా ఉండే అవకాశం ఉంది.
డెబిట్ కార్డ్ ఉంటే క్రెడిట్ స్కోర్ మెరుగవుతుంది
డెబిట్ కార్డ్ అనేది సేవింగ్స్ ఖాతాను యాక్సెస్ చేయడానికి ఒక సాధనం మాత్రమే. క్రెడిట్ స్కోర్కు ఎలాంటి సంబంధం ఉండదు. బలమైన క్రెడిట్ స్కోర్ను నిర్మించుకోవాలంటే.. క్రెడిట్ కార్డు (Credit Card)ను నిర్వహిస్తూ ఉండాలి. లేదా రుణం తీసుకొని దాన్ని సకాలంలో చెల్లించాలి. అయితే, క్రెడిట్ కార్డు (Credit Card) పొందగానే లేక రుణం మంజూరు కాగానే స్కోర్ మెరుగవ్వదు. కొంత సమయం పడుతుంది.
పాత ఖాతాలను మూసివేయడం వల్ల క్రెడిట్ స్కోర్ను పెంచుకోవచ్చు
ఎక్కువ క్రెడిట్ కార్డ్ (Credit Card)లు లేదా బ్యాంకు ఖాతాలు ఉండడం వల్ల క్రెడిట్ స్కోర్ దెబ్బతింటుందని చాలా మంది భావిస్తారు. నిరుపయోగంగా ఉన్న వాటిని మూసివేస్తుంటారు. ఇలా చేయడం వల్ల మీ క్రెడిట్ చరిత్ర గడువు తగ్గిపోతుంది. సుదీర్ఘ క్రెడిట్ చరిత్ర ఉంటే రుణదాతలకు మీపై సదాభిప్రాయం ఏర్పడుతుంది.
ఎవరైనా మీ క్రెడిట్ స్కోర్ని తనిఖీ చేయవచ్చు
మీ క్రెడిట్ స్కోర్ని తనిఖీ చేయడానికి అందరికీ అవకాశం ఉండదు. మీ అనుమతి తీసుకున్న తర్వాతే మీ క్రెడిట్ స్కోర్ను చూసే హక్కు ఉంటుంది. అదీ మీరు మీ వివరాలను ఇస్తేనే సాధ్యమవుతుంది.
కొత్త క్రెడిట్ కోసం దరఖాస్తు చేయడం వల్ల క్రెడిట్ స్కోర్ తగ్గుతుంది
ఇది వాస్తవం కాదు. అయితే, అందుబాటులో ఉన్న అన్ని చోట్లా రుణం కోసమో లేక క్రెడిట్ కార్డు (Credit Card) కోసమో దరఖాస్తు చేసుకుంటూ పోతే క్రెడిట్ స్కోర్ దెబ్బతినే అవకాశం ఉంది. ఎందుకంటే తక్కువ వ్యవధిలో చాలా బ్యాంకులు లేదా ఆర్థిక సంస్థలు మీ క్రెడిట్ స్కోర్ను యాక్సెస్ చేసుకునే అవకాశం ఉంది. అది ప్రతికూల ప్రభావానికి దారితీస్తుంది.
మంచి క్రెడిట్ స్కోర్ ఉంటే తక్కువ వడ్డీరేటుతో రుణం లభిస్తుంది
రుణ మంజూరుకు బ్యాంకులు అనేక అంశాలను పరిగణనలోకి తీసుకుంటాయి. మీ ఆదాయం, వయసు, క్రెడిట్ చరిత్ర అన్నీ కీలక పాత్ర పోషిస్తాయి. క్రెడిట్ స్కోర్ బలంగా ఉన్నప్పటికీ.. మీ క్రెడిట్ ప్రవర్తనతో బ్యాంకులు సంతృప్తి చెందనట్లయితే.. అధిక వడ్డీరేటుకు రుణం ఇచ్చే అవకాశం ఉంది. లేదా దరఖాస్తును తిరస్కరించనూ వచ్చు.
రుణాన్ని తీర్చేస్తే క్రెడిట్ నివేదిక నుంచి దాని వివరాలు పోతాయి
రుణాన్ని పూర్తిగా తిరిగి చెల్లించడం వల్ల దానికి సంబంధించిన వివరాలు మీ క్రెడిట్ నివేదిక నుంచి తొలగిపోతాయి అనుకోవడం అపోహే. ఆ లావాదేవీకి సంబంధించిన వివరాలు మీ క్రెడిట్ రిపోర్ట్లో సంవత్సరాల పాటు అలాగే ఉంటాయి. పైగా అవి మీ క్రెడిట్ స్కోర్పై ప్రభావం చూపుతాయి. మీ క్రెడిట్ చరిత్రలో ఏవైనా పొరపాట్లు జరిగితే అవి 7 సంవత్సరాల వరకు.. దివాలాకు సంబంధించిన సమాచారం పదేళ్ల వరకు ఉంటుందని నిపుణులు చెబుతున్నారు.
ఎలాంటి రుణం, క్రెడిట్ కార్డు లేకపోతేనే మేలు
ఇదీ నిజం కాదు. మీ క్రెడిట్ కార్డ్ (Credit Card) లేదా లోన్ దరఖాస్తుల విషయానికి వస్తే రుణదాతలు మీ క్రెడిట్ చరిత్ర ఆధారంగానే మీ చెల్లింపు సామర్థ్యాన్ని అంచనా వేస్తారు. అందువల్ల ఎలాంటి క్రెడిట్ చరిత్ర ఉండకపోవడం ఉత్తమ విషయమేమీ కాదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
31లోగా ఇవి పూర్తి చేయండి..
ఆర్థిక సంవత్సరం ముగింపు నేపథ్యంలో మార్చి 31 నాటికి పూర్తి చేయాల్సిన కొన్ని పనులు.. ముగుస్తున్న పథకాల వివరాలను పరిశీలిద్దాం.. -
కొత్త ఆర్థిక సంవత్సరం ఇలా ప్రారంభిద్దాం...
ఆర్థిక సంవత్సరం ప్రారంభం కాగానే చాలా విషయాల్లో మార్పులు వస్తుంటాయి. ఆదాయపు పన్ను విషయం కావొచ్చు.. బ్యాంకింగ్ సంబంధిత లావాదేవీలు.. ఇలా ఎన్నో ఏప్రిల్ 1 నుంచి మనకు కొత్తగా కనిపిస్తుంటాయి -
సిప్ ప్రారంభిస్తారా ?ఇవి తెలుసుకోండి..
స్టాక్ మార్కెట్ సూచీలు గరిష్ఠ స్థాయికి చేరుతుండటంతో ఇటీవల కాలంలో చాలామంది ఇందులో మదుపు చేసేందుకు ఆసక్తి చూపిస్తున్నారు. మూడేళ్లుగా ఈక్విటీల్లోకి వస్తున్న పెట్టుబడులే ఇందుకు నిదర్శనం -
అత్యవసర నిధి ఖర్చులను తట్టుకునేలా
అవసరాలు ఎప్పుడు ఏ రూపంలో పలకరిస్తాయో చెప్పలేం. ఇలా వచ్చేవాటిని తట్టుకునేందుకు ఆర్థికంగా సిద్ధంగా ఉండాల్సిందే. నెలనెలా ఆదాయం వచ్చేదాకా వీటిని వాయిదా వేయలేం. -
విశ్రాంత జీవితంలో తోడుగా
పదవీ విరమణ తర్వాత ఆర్థికంగా ఇబ్బందులు ఎదురవకుండా, స్థిరమైన ఆదాయాన్ని అందించే పదవీ విరమణ పథకాలపై మదుపరుల్లో ఆసక్తి పెరుగుతోంది -
చిన్న, మధ్యస్త REITS ద్వారా స్థిరాస్తిలో పెట్టుబడులు.. సురక్షితమేనా?
తరతరాలుగా భారతీయులు స్థిరాస్తి, బంగారం వంటి సంప్రదాయ పెట్టుబడులను గౌరవిస్తున్నారు. మారుతున్న కాలంలో స్థిరాస్తి పెట్టుబడులకు మారో రూపమే SM REITS.. వీటి గురించి తెలుసుకోండి. -
PPF vs VPF: పీపీఎఫ్, వీపీఎఫ్లో ఏది బెటర్..?
PPF or VPF: వాలంటరీ ప్రావిడెండ్ ఫండ్, పబ్లిక్ ప్రావిడెంట్ ఫండ్లో ఏది బెటర్ అని ఆలోచిస్తున్నారా? ఈ విషయాల్ని పరిశీలించాక మీ నిర్ణయం తీసుకోండి.. -
Foreign Trip: విదేశీ టూర్ను ఇబ్బంది లేకుండా ఎలా ప్లాన్ చేసుకోవాలి?
విదేశీ వెకేషన్ను ప్లాన్ చేయడానికి అనేక జాగ్రత్తలు తీసుకోవాల్సి ఉంటుంది. ఎలాంటి జాగ్రత్తలు తీసుకుంటే ప్రయాణం ఇబ్బంది లేకుండా, సజావుగా జరుగుతుందో ఇప్పుడు తెలుసుకుందాం.. -
Claim Ratio: ఆరోగ్య బీమా కంపెనీల క్లెయిమ్స్ రేషియో ఎంతెంత?
దేశంలో వివిధ బీమా సంస్థలకు సంబంధించి.. ఆరోగ్య బీమా పాలసీల క్లెయిం సెటిల్మెంట్ రేషియో ఎంత ఉందో ఇక్కడ చూడండి. -
కుటుంబానికి ధీమానిచ్చేలా.. బీమా పాలసీ
సంపాదించిన మొత్తంలో నుంచి పొదుపు, పెట్టుబడులకు కొంత కేటాయిస్తుంటాం. కుటుంబానికి ఆర్థికంగా అవసరమైన లక్ష్యాల సాధనకు ఇవి ఉపయోగడేలా చూసుకుంటాం. -
పన్ను ఆదా ఇలా చేద్దాం
ఆర్థిక సంవత్సరం ముగింపు దగ్గరకు వచ్చేసింది. పాత పన్ను విధానాన్ని ఎంచుకున్న వారు తమ పొదుపు,పెట్టుబడులను వెంటనే పూర్తి చేయాల్సిన అవసరం ఉంది. -
డెట్ ఫండ్లలో మదుపు చేస్తున్నారా?
ఈక్విటీ మార్కెట్లలో అనిశ్చితి కనిపిస్తుండటంతో చాలామంది సురక్షిత పథకాలపై దృష్టి సారిస్తున్నారు. ఈ నేపథ్యంలో వీటిలో మదుపు చేసేటప్పుడు పరిశీలించాల్సిన అంశాలను తెలుసుకుందాం. -
Credit cards: క్రెడిట్ కార్డుదారులకు అలర్ట్.. ఏప్రిల్ 1 నుంచి కొత్త రూల్స్!
Credit Cards: క్రెడిట్ కార్డుల విషయంలో ఏప్రిల్ 1 నుంచి మార్పులు రానున్నాయి. రివార్డులు, ఎయిర్పోర్ట్ లాంజ్ యాక్సెస్ విషయంలో బ్యాంకులు కీలక మార్పులు చేపట్టాయి. -
Health Insurance Claims: ఆరోగ్య బీమా క్లెయిమ్ విషయంలో ఈ తప్పులు చేయొద్దు!
Insurance claims: ఆరోగ్య బీమా క్లెయిమ్లు కొన్నిసార్లు తిరస్కరణకు గురవుతుంటాయి. కాబట్టి ఈ తప్పులు చేయొద్దు.. -
Health Emergency: ఆరోగ్య అత్యవసర పరిస్థితులను ఎలా ఎదుర్కోవాలి?
జీవితంలో ఎలాంటి ఇబ్బంది వచ్చినా దాన్ని ఎదుర్కోడానికి మనం ఆర్థికంగా సిద్ధంగా ఉండాలి. ముఖ్యంగా ఆరోగ్య అత్యవసర పరిస్థితులు ఏర్పడినప్పుడు దాన్ని ఎలా ఎదుర్కోవాలో తెలుసుకోండి.. -
Mutual Funds: మ్యూచువల్ ఫండ్ల ఉపసంహరణ సమస్య.. ఎన్ని రోజులు పడుతోందంటే?
మార్కెట్లలో మిడ్, స్మాల్క్యాప్ ఫండ్లలో ఉన్న తమ నిధులను మదుపుదార్లు ఉపసంహరించుకున్నప్పుడు నిధుల బదిలీకి వివిధ సంస్థలు కొంత సమయాన్ని తీసుకుంటున్నాయి. ఎంత మొత్తం ఉపసంహరణకు.. ఎంత సమయం తీసుకుంటున్నాయో ఇక్కడ చూడండి. -
Insurance Agent: బీమా ఏజెంట్ను ఎలా ఎంపిక చేసుకోవాలి?
చాలా మందికి వారి వ్యక్తిగత జీవితంలో బీమా చాలా అవసరం. పాలసీ కొనుగోలు సమయంలో ఏజెంట్/అడ్వైజర్ అవసరం పడొచ్చు. వీరి గురించి ఇక్కడ తెలుసుకోండి. -
ఆరోగ్య బీమా రోజువారీ ఖర్చులను అందించేలా...
వైద్య ఖర్చులు ఎప్పటికప్పుడు పెరుగుతున్నాయి. అదే సమయంలో ఆరోగ్య బీమా రంగంలోనూ ఎన్నో మార్పులు వస్తున్నాయి. -
స్టాక్ మార్కెట్ హెచ్చుతగ్గుల్లో అప్రమత్తంగా
స్టాక్ మార్కెట్ అంటేనే అనిశ్చితికి మారు పేరు. చిన్న వార్త వచ్చినా దానికి ప్రతికూలంగానో, అనుకూలంగానో స్పందిస్తుంటాయి. ఒక్క రోజులోనే మదుపరుల సంపద కొన్ని లక్షల కోట్ల రూపాయలు ఆవిరవుతుంది. -
స్థిరాస్తి రంగంలో...
హెచ్డీఎఫ్సీ మ్యూచువల్ ఫండ్ కొత్తగా హెచ్డీఎఫ్సీ నిఫ్టీ రియాల్టీ ఇండెక్స్ ఫండ్ అనే పథకాన్ని తీసుకొచ్చింది. ఈ పథకం న్యూ ఫండ్ ఆఫర్ (ఎన్ఎఫ్ఓ) ఈ నెల 21న ముగుస్తుంది. -
Health Insurance: విదేశాల్లో విద్యనభ్యసించే విద్యార్ధుల కోసం ఆరోగ్య బీమా
విదేశాల్లో చదువుతున్న విద్యార్థులకు ఆరోగ్య బీమా తప్పనిసరి. భారత్లో ప్రముఖ బీమా సంస్థలు విదేశీ విద్యార్థులకు అందించే బీమా సౌకర్యాలు ఇక్కడ తెలుసుకుందాం.
తాజా వార్తలు (Latest News)
-
ప్రధాని మోదీ, బిల్గేట్స్.. ‘చాయ్ పే చర్చ’
-
‘మిలిటరీ తరహా కోచ్’ అంటూ వీజ్ వ్యాఖ్యలు.. ఆండ్రి రస్సెల్ కౌంటర్
-
నిన్న అమెరికా, నేడు ఐరాస.. భారత అంతర్గత వ్యవహారాలపై వ్యాఖ్యలు!
-
మేనల్లుడికి అత్యున్నతాధికారి నజరానా!
-
ముఖ్యమంత్రితో ముఖాముఖిలో వాలంటీరు
-
కేరళలోనూ రియాన్ గురించే అడిగేవారు.. ఇప్పుడు 15 మంది కీలకమే: సంజూ