‘కొవాగ్జిన్‌’ వాలంటీర్ల నమోదు ప్రక్రియ పూర్తి

ప్రకటించిన భారత్‌ బయోటెక్‌ ఇంటర్నేషనల్‌

హైదరాబాద్‌: కరోనా వైరస్‌ నిరోధానికి ‘కొవాగ్జిన్‌’ టీకాను అభివృద్ధి చేస్తున్న భారత్‌ బయోటెక్‌ సంస్థ కీలక ప్రకటన చేసింది. మూడో దశ క్లినికల్‌ ట్రయల్స్‌కు వాలంటీర్ల ఎన్‌రోల్‌మెంట్‌ ప్రక్రియ విజయవంతంగా పూర్తయినట్టు వెల్లడించింది. మూడో దశలో 26వేల మందికి టీకా ఇవ్వాలని ఆ సంస్థ లక్ష్యంగా పెట్టుకోగా.. ఇప్పటివరకు వాలంటీర్లుగా 25,800 మంది ఎన్‌రోల్‌ చేసుకోవడం విశేషం. టీకా అభివృద్ధిలో తమకు  మద్దతుగా నిలుస్తున్న అందరికీ భారత్‌ బయోటెక్‌ ఇంటర్నేషనల్‌ జాయింట్‌ మేనేజింగ్‌ డైరెక్టర్‌ సుచిత్ర ఎల్ల కృతజ్ఞతలు తెలిపారు.  

మరోవైపు, భారత్‌ బయోటెక్‌ సంస్థ కొవాగ్జిన్‌ పేరుతో సొంతంగా అభివృద్ధి చేసిన టీకాకు డీసీజీఐ అత్యవసర వినియోగ అనుమతులు మంజూరుచేసిన విషయం తెలిసిందే. 1-2 దశల పరీక్షల ఫలితాల ఆధారంగా ఈ అనుమతులు ఇచ్చింది. ఇప్పటివరకు 16 వైరస్‌ టీకాలను ఆవిష్కరించి ప్రపంచ దేశాలకు అందిస్తున్నామని, తాము తయారుచేసిన కొవాగ్జిన్‌ సురక్షితమైందని ఆ సంస్థ సీఎండీ డాక్టర్‌ కృష్ణ ఎల్ల ఇప్పటికే స్పష్టం చేసిన విషయం తెలిసిందే.

ఇవీ చదవండి.. 

కొవాగ్జిన్‌ టీకా పూర్తిగా సురక్షితం

టీకా పంపిణీకి కలిసి పనిచేస్తాం