Debt Funds: తక్కువ నష్టభయం.. ఎక్కువ రాబడి కావాలా? వీటిపై ఓ లుక్కేయండి!
పెద్దగా నష్టభయం వద్దనుకునేవారికి డెట్ ఫండ్లు మంచి రాబడినిస్తాయి. ఫిక్స్డ్ డిపాజిట్లతో పోల్చినా వీటిలో రాబడి ఎక్కువే.
ఇంటర్నెట్ డెస్క్: చాలా మందికి స్టాక్ మార్కెట్ అనుసంధానిత సాధనాల్లో పెట్టుబడి పెట్టాలనే ఆసక్తి ఉంటుంది. కానీ, ఎక్కడ నష్టం వస్తుందోనని వెనకడుగు వేస్తుంటారు. అలా అని సురక్షితమైన ఫిక్స్డ్ డిపాజిట్ల వంటి మార్గాల నుంచి వచ్చే రాబడితోనేమో సంతృప్తి ఉండదు. అలాంటి వారికి ‘డెట్ ఫండ్లు (Debt Funds)’ సరిగ్గా సరిపోతాయని నిపుణులు సూచిస్తున్నారు.
డెట్ ఫండ్ అంటే?
డెట్ ఫండ్ (Debt Funds) ఒక మ్యూచువల్ ఫండ్ పథకం. కార్పొరేట్, ప్రభుత్వ బాండ్లు; కార్పొరేట్ డెట్ సెక్యూరిటీలు; మనీ మార్కెట్ సాధనాల వంటి స్థిర ఆదాయ మార్గాల్లో మన నిధులను ఫండ్ సంస్థలు మదుపు చేస్తాయి. వీటినే ఆదాయ ఫండ్లు, బాండ్ ఫండ్లు అని కూడా పిలుస్తుంటారు.
ఎవరు మదుపు చేయొచ్చు?
నష్టభయం లేకుండా క్రమం తప్పని ఆదాయం కోసం డెట్ ఫండ్లలో మదుపు చేయొచ్చు. వీటిలో పెద్దగా హెచ్చుతగ్గులు ఉండవు. అందుకే ఈక్విటీ ఫండ్లతో పోలిస్తే సురక్షితం. ఇప్పటికే ఫిక్స్డ్ డిపాజిట్ల (FD)లో ఇన్వెస్ట్ చేస్తున్నవారు వీటిని పరిశీలించొచ్చు. ఎఫ్డీతో పోలిస్తే అధిక పన్ను ప్రయోజనం, ఎక్కువ రాబడిని పొందొచ్చు.
డెట్ ఫండ్లు మన నిధులను కార్పొరేట్, ప్రభుత్వ బాండ్ల వంటి మార్కెట్లో నమోదైన లేదా నమోదుకాని డెట్ సాధనాల్లో ఒక ధర వద్ద మదుపు చేస్తాయి. వాటినే కొంతకాలం తర్వాత కొంత లాభంతో విక్రయిస్తాయి. ఫలితంగా మన ‘ఫండ్ నికర విలువ (NAV)’ అంటే మనం పెట్టిన పెట్టుబడి పెరుగుతూ పోతుంది. మరోవైపు నిధులను మదుపు చేసిన సాధనాల నుంచి క్రమం తప్పని వడ్డీరేటు కూడా అందుతుంది. ఇది దాదాపు బ్యాంకు ఫిక్స్డ్ డిపాజిట్ వడ్డీతో సమానంగా ఉంటుంది. దీన్ని ఏరోజుకారోజు మన ఫండ్కు జత చేస్తారు. ఆ మేర డెట్ ఫండ్ ఎన్ఏవీ పెరుగుతుంది. అంటే డెట్ ఫండ్లో వడ్డీరేటుతో పాటు ఫండ్కు మార్కెట్లో ఉన్న డిమాండ్ ఆధారంగా కూడా మన పెట్టుబడి పెరుగుతూ ఉంటుంది.
డెట్ సెక్యూరిటీల మార్కెట్ ధర వడ్డీరేట్లపై ఆధారపడి ఉంటుంది. ఉదాహరణకు మన డెట్ ఫండ్ దగ్గర 10 శాతం రాబడినిచ్చే సెక్యూరిటీ ఉందనుకుందాం. ఒకవేళ ఆర్థిక వ్యవస్థలో వడ్డీరేట్లు పడిపోతే.. కొత్తగా జారీ చేసే సెక్యూరిటీలకు ఆ తగ్గిన వడ్డీరేటే వర్తిస్తుంది. అప్పుడు మన దగ్గర ఉన్న అధిక వడ్డీరేటు సెక్యూరిటీకి డిమాండ్ పెరుగుతుంది. ఫలితంగా ధర కూడా ఎగబాకుతుంది. తద్వారా డెట్ ఫండ్ ఎన్ఏవీ కూడా పెరుగుతుంది.
ఇతర ఫండ్లతో పోలిస్తే తేడా ఏంటి?
పనితీరుపరంగా చూస్తే ఇతర మ్యూచువల్ ఫండ్లతో డెట్ ఫండ్లకు పెద్ద వ్యత్యాసం ఏమీ ఉండదు. భద్రతాపరంగా చూస్తే మాత్రం ఈక్విటీ మ్యూచువల్ ఫండ్లతో పోలిస్తే డెట్ ఫండ్లు సురక్షితం. ఉదాహరణకు మార్కెట్లో భారీ దిద్దుబాటు జరిగితే.. అదే స్థాయిలో ఈక్విటీ ఫండ్ల ఎన్ఏవీ పడిపోతుంది. కానీ, డెట్ ఫండ్లలో మాత్రం ఒకేసారి భారీ నష్టం వాటిల్లే అవకాశం ఉండదు. అదే సమయంలో ఈక్విటీ ఫండ్లతో పోలిస్తే రిటర్నులు కూడా తక్కువే ఉంటాయి.
ఎందుకు మదుపు చేయాలి?
తక్కువ ఖర్చు, స్థిరమైన రాబడి, సరిపడా భద్రతతో కూడిన హెచ్చుతగ్గులు.. ఇవే డెట్ ఫండ్లలో మదుపు చేయడానికి మదుపర్లను ఆకర్షించే ముఖ్య కారణాలు. ఒకవేళ డివిడెండ్ను ఎప్పటికప్పుడు మదుపర్లు తీసేసుకుంటే దానిపై పన్ను వర్తించదు. అదే ఎన్ఏవీకి జత చేస్తూ వెళ్తే.. వ్యక్తులు, హిందూ అవిభాజ్య కుటుంబాలైతే 23.325 శాతం డివిడెండ్ డిస్ట్రిబ్యూషన్ పన్ను చెల్లించాల్సి ఉంటుంది. అలాగే దీర్ఘకాల మూలధన లాభాల కింద ఇండెక్సేషన్ లేకుండా 10 శాతం, ఇండెక్సేషన్ ఉంటే 20 శాతం పన్ను వర్తిస్తుంది. అదే స్వల్పకాల మూలధన లాభాలపై పన్ను.. ట్యాక్స్ శ్లాబును అనుసరించి ఉంటుంది.
గ్రోత్ ఆప్షన్ V/S డివిడెండ్ ఆప్షన్..
ముందుగా చెప్పినట్లు మదుపర్లు డివిడెండ్ ఆప్షన్ను ఎంచుకుంటే అంటే ఎప్పటికప్పుడు డివిడెండ్ను తీసుకుంటే ఎలాంటి పన్ను ఉండదు. అదే డివిడెండ్ను ఎప్పటికప్పుడు ఎన్ఏవీకి జత చేస్తూ వెళ్తే దాన్ని గ్రోత్ ఆప్షన్గా వ్యవహరిస్తారు. అప్పుడు డివిడెండ్ డిస్ట్రిబ్యూషన్ ట్యాక్స్ చెల్లించాల్సి ఉంటుంది. ఫలితంగా తుది రాబడిలో కొంత తగ్గుతుంది. అయితే, తక్కువ పన్ను శ్లాబు కిందకు వచ్చేవారు గ్రోత్ ఆప్షన్ను ఎంచుకుంటేనే ఎక్కువ ప్రయోజనం ఉంటుందని నిపుణులు సూచిస్తున్నారు.
డెట్ ఫండ్ను ఎలా ఎంపిక చేసుకోవాలి?
డెట్ ఫండ్ రాబడి పూర్తిగా మన నిధులను ఎలా కేటాయించామనే దానిపైనే ఆధారపడి ఉంటుంది. ఫండ్ల పోర్ట్ఫోలియోను నిశితంగా గమనిస్తే.. రిటర్నులు, రిస్క్, హెచ్చుతగ్గులపై ఓ అవగాహన వస్తుంది. అందుకే ఒక ఫండ్ను ఎంపిక చేసుకునే ముందు ఈ కింది విషయాలను గమనించాలి..
- ‘ఫండ్ యావరేజ్ మెచ్యూరిటీ’ని చెక్ చేయాలి. ఈ గడువు ఎంత తక్కువ ఉంటే రాబడి, హెచ్చుతగ్గులు కూడా అదే స్థాయిలో ఉంటాయి. గడువు ఎక్కువ ఉన్నట్లయితే.. హెచ్చుతగ్గులు, రాబడి కూడా ఎక్కువే ఉంటాయి.
- పోర్ట్ఫోలియోలో వీలైనంత మేర ద్రవ్యలభ్యత ఉండేలా చూసుకోవాలి. కార్పొరేట్ డెట్కు ఎక్కువ కేటాయిస్తే.. స్వల్పకాలంలో మెరుగైన రాబడిని అందుకోలేం. ఒకవేళ రిడెమ్షన్ ఒత్తిడి పెరిగితే.. ఈ సెక్యూరిటీలన్నింటినీ తక్కువ ధరతో విక్రయించాల్సి ఉంటుంది. ఫలితంగా రాబడి తగ్గుతుంది. అలాగే అన్రేటెడ్, అన్లిస్టెడ్ డెట్ ఉన్న ఫండ్లను కూడా ఎంచుకోవద్దు.
- తక్కువ నిధులు ఉన్న ఫండ్లను ఎంపిక చేసుకోకపోవడమే మంచిదని నిపుణులు సూచిస్తున్నారు. సాధారణంగా మదుపర్లు ఒక్కోసారి నిధులను అలాగే ఫండ్ల వద్ద అట్టిపెట్టి ఉంచుతారు. ఈ విషయాన్ని ఫండ్ సంస్థలు మనకు వెల్లడించవు. అకస్మాత్తుగా సదరు మదుపరి రీడీమ్ చేసుకుంటే మార్కెట్ ధర కంటే తక్కువకు సెక్యూరిటీలను విక్రయించాల్సి ఉంటుంది. ఇది మన రాబడిపై కూడా ప్రభావం చూపుతుంది.
- వడ్డీరేట్ల మార్పు మన డెట్ ఫండ్పై ఎలాంటి ప్రభావం చూపుతుందో ‘మాడిఫైడ్ డ్యురేషన్’ ద్వారా తెలుసుకోవచ్చు. ఇది ఎక్కువ ఉంటే వడ్డీరేటు హెచ్చుతగ్గుల ప్రభావం మన ఫండ్పై అధికంగా ఉంటుందని అర్థం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సిప్ ప్రారంభిస్తారా ?ఇవి తెలుసుకోండి..
స్టాక్ మార్కెట్ సూచీలు గరిష్ఠ స్థాయికి చేరుతుండటంతో ఇటీవల కాలంలో చాలామంది ఇందులో మదుపు చేసేందుకు ఆసక్తి చూపిస్తున్నారు. మూడేళ్లుగా ఈక్విటీల్లోకి వస్తున్న పెట్టుబడులే ఇందుకు నిదర్శనం -
31లోగా ఇవి పూర్తి చేయండి..
ఆర్థిక సంవత్సరం ముగింపు నేపథ్యంలో మార్చి 31 నాటికి పూర్తి చేయాల్సిన కొన్ని పనులు.. ముగుస్తున్న పథకాల వివరాలను పరిశీలిద్దాం.. -
కొత్త ఆర్థిక సంవత్సరం ఇలా ప్రారంభిద్దాం...
ఆర్థిక సంవత్సరం ప్రారంభం కాగానే చాలా విషయాల్లో మార్పులు వస్తుంటాయి. ఆదాయపు పన్ను విషయం కావొచ్చు.. బ్యాంకింగ్ సంబంధిత లావాదేవీలు.. ఇలా ఎన్నో ఏప్రిల్ 1 నుంచి మనకు కొత్తగా కనిపిస్తుంటాయి -
అత్యవసర నిధి ఖర్చులను తట్టుకునేలా
అవసరాలు ఎప్పుడు ఏ రూపంలో పలకరిస్తాయో చెప్పలేం. ఇలా వచ్చేవాటిని తట్టుకునేందుకు ఆర్థికంగా సిద్ధంగా ఉండాల్సిందే. నెలనెలా ఆదాయం వచ్చేదాకా వీటిని వాయిదా వేయలేం. -
విశ్రాంత జీవితంలో తోడుగా
పదవీ విరమణ తర్వాత ఆర్థికంగా ఇబ్బందులు ఎదురవకుండా, స్థిరమైన ఆదాయాన్ని అందించే పదవీ విరమణ పథకాలపై మదుపరుల్లో ఆసక్తి పెరుగుతోంది -
చిన్న, మధ్యస్త REITS ద్వారా స్థిరాస్తిలో పెట్టుబడులు.. సురక్షితమేనా?
తరతరాలుగా భారతీయులు స్థిరాస్తి, బంగారం వంటి సంప్రదాయ పెట్టుబడులను గౌరవిస్తున్నారు. మారుతున్న కాలంలో స్థిరాస్తి పెట్టుబడులకు మారో రూపమే SM REITS.. వీటి గురించి తెలుసుకోండి. -
PPF vs VPF: పీపీఎఫ్, వీపీఎఫ్లో ఏది బెటర్..?
PPF or VPF: వాలంటరీ ప్రావిడెండ్ ఫండ్, పబ్లిక్ ప్రావిడెంట్ ఫండ్లో ఏది బెటర్ అని ఆలోచిస్తున్నారా? ఈ విషయాల్ని పరిశీలించాక మీ నిర్ణయం తీసుకోండి.. -
Foreign Trip: విదేశీ టూర్ను ఇబ్బంది లేకుండా ఎలా ప్లాన్ చేసుకోవాలి?
విదేశీ వెకేషన్ను ప్లాన్ చేయడానికి అనేక జాగ్రత్తలు తీసుకోవాల్సి ఉంటుంది. ఎలాంటి జాగ్రత్తలు తీసుకుంటే ప్రయాణం ఇబ్బంది లేకుండా, సజావుగా జరుగుతుందో ఇప్పుడు తెలుసుకుందాం.. -
Claim Ratio: ఆరోగ్య బీమా కంపెనీల క్లెయిమ్స్ రేషియో ఎంతెంత?
దేశంలో వివిధ బీమా సంస్థలకు సంబంధించి.. ఆరోగ్య బీమా పాలసీల క్లెయిం సెటిల్మెంట్ రేషియో ఎంత ఉందో ఇక్కడ చూడండి. -
కుటుంబానికి ధీమానిచ్చేలా.. బీమా పాలసీ
సంపాదించిన మొత్తంలో నుంచి పొదుపు, పెట్టుబడులకు కొంత కేటాయిస్తుంటాం. కుటుంబానికి ఆర్థికంగా అవసరమైన లక్ష్యాల సాధనకు ఇవి ఉపయోగడేలా చూసుకుంటాం. -
పన్ను ఆదా ఇలా చేద్దాం
ఆర్థిక సంవత్సరం ముగింపు దగ్గరకు వచ్చేసింది. పాత పన్ను విధానాన్ని ఎంచుకున్న వారు తమ పొదుపు,పెట్టుబడులను వెంటనే పూర్తి చేయాల్సిన అవసరం ఉంది. -
డెట్ ఫండ్లలో మదుపు చేస్తున్నారా?
ఈక్విటీ మార్కెట్లలో అనిశ్చితి కనిపిస్తుండటంతో చాలామంది సురక్షిత పథకాలపై దృష్టి సారిస్తున్నారు. ఈ నేపథ్యంలో వీటిలో మదుపు చేసేటప్పుడు పరిశీలించాల్సిన అంశాలను తెలుసుకుందాం. -
Credit cards: క్రెడిట్ కార్డుదారులకు అలర్ట్.. ఏప్రిల్ 1 నుంచి కొత్త రూల్స్!
Credit Cards: క్రెడిట్ కార్డుల విషయంలో ఏప్రిల్ 1 నుంచి మార్పులు రానున్నాయి. రివార్డులు, ఎయిర్పోర్ట్ లాంజ్ యాక్సెస్ విషయంలో బ్యాంకులు కీలక మార్పులు చేపట్టాయి. -
Health Insurance Claims: ఆరోగ్య బీమా క్లెయిమ్ విషయంలో ఈ తప్పులు చేయొద్దు!
Insurance claims: ఆరోగ్య బీమా క్లెయిమ్లు కొన్నిసార్లు తిరస్కరణకు గురవుతుంటాయి. కాబట్టి ఈ తప్పులు చేయొద్దు.. -
Health Emergency: ఆరోగ్య అత్యవసర పరిస్థితులను ఎలా ఎదుర్కోవాలి?
జీవితంలో ఎలాంటి ఇబ్బంది వచ్చినా దాన్ని ఎదుర్కోడానికి మనం ఆర్థికంగా సిద్ధంగా ఉండాలి. ముఖ్యంగా ఆరోగ్య అత్యవసర పరిస్థితులు ఏర్పడినప్పుడు దాన్ని ఎలా ఎదుర్కోవాలో తెలుసుకోండి.. -
Mutual Funds: మ్యూచువల్ ఫండ్ల ఉపసంహరణ సమస్య.. ఎన్ని రోజులు పడుతోందంటే?
మార్కెట్లలో మిడ్, స్మాల్క్యాప్ ఫండ్లలో ఉన్న తమ నిధులను మదుపుదార్లు ఉపసంహరించుకున్నప్పుడు నిధుల బదిలీకి వివిధ సంస్థలు కొంత సమయాన్ని తీసుకుంటున్నాయి. ఎంత మొత్తం ఉపసంహరణకు.. ఎంత సమయం తీసుకుంటున్నాయో ఇక్కడ చూడండి. -
Insurance Agent: బీమా ఏజెంట్ను ఎలా ఎంపిక చేసుకోవాలి?
చాలా మందికి వారి వ్యక్తిగత జీవితంలో బీమా చాలా అవసరం. పాలసీ కొనుగోలు సమయంలో ఏజెంట్/అడ్వైజర్ అవసరం పడొచ్చు. వీరి గురించి ఇక్కడ తెలుసుకోండి. -
ఆరోగ్య బీమా రోజువారీ ఖర్చులను అందించేలా...
వైద్య ఖర్చులు ఎప్పటికప్పుడు పెరుగుతున్నాయి. అదే సమయంలో ఆరోగ్య బీమా రంగంలోనూ ఎన్నో మార్పులు వస్తున్నాయి. -
స్టాక్ మార్కెట్ హెచ్చుతగ్గుల్లో అప్రమత్తంగా
స్టాక్ మార్కెట్ అంటేనే అనిశ్చితికి మారు పేరు. చిన్న వార్త వచ్చినా దానికి ప్రతికూలంగానో, అనుకూలంగానో స్పందిస్తుంటాయి. ఒక్క రోజులోనే మదుపరుల సంపద కొన్ని లక్షల కోట్ల రూపాయలు ఆవిరవుతుంది. -
స్థిరాస్తి రంగంలో...
హెచ్డీఎఫ్సీ మ్యూచువల్ ఫండ్ కొత్తగా హెచ్డీఎఫ్సీ నిఫ్టీ రియాల్టీ ఇండెక్స్ ఫండ్ అనే పథకాన్ని తీసుకొచ్చింది. ఈ పథకం న్యూ ఫండ్ ఆఫర్ (ఎన్ఎఫ్ఓ) ఈ నెల 21న ముగుస్తుంది. -
Health Insurance: విదేశాల్లో విద్యనభ్యసించే విద్యార్ధుల కోసం ఆరోగ్య బీమా
విదేశాల్లో చదువుతున్న విద్యార్థులకు ఆరోగ్య బీమా తప్పనిసరి. భారత్లో ప్రముఖ బీమా సంస్థలు విదేశీ విద్యార్థులకు అందించే బీమా సౌకర్యాలు ఇక్కడ తెలుసుకుందాం.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 1 PM
-
సాక్షి వదిన తర్వాత.. ధోనీ భయ్యా ఎత్తుకుంది నన్నే: రవీంద్ర జడేజా
-
కేసీఆర్ చేసిన మొదటి తప్పు అదే: మంత్రి కోమటిరెడ్డి
-
దెబ్బతీయాలనుకునేవారికి ప్రజలే జవాబు చెప్తారు: కేటీఆర్
-
మాకు కొత్త కెప్టెన్ ఉన్నాడు..: యాంకర్ ప్రశ్నకు ధోనీ సమాధానం
-
కేజ్రీవాల్ ఫోన్లోని ఎన్నికల వ్యూహాల కోసం.. ఈడీ ప్రయత్నాలు: ఆతిశీ