ఎన్‌పీఎస్‌లో నామినీని చందాదారుడు ఎప్పుడైనా ఆన్‌లైన్ ద్వారా మార్చుకోవ‌చ్చు

ఎన్‌పీఎస్ చందాదారుల ప్ర‌యోజ‌నం కోసం పెన్ష‌న్ ఫండ నియంత్ర‌ణ సంస్థ పీఎఫ్ఆర్‌డీఏ డిజిట‌ల్ సంత‌కం (ఇ-సైన్‌) ఆధారిత నామినేష‌న్ స‌దుపాయాన్ని ప్రారంభించింది. ప్ర‌స్తుతం ఎన్‌పీఎస్ పెట్టుబ‌డుదారులు వారి నామినీని మార్చాల‌నుకుంటే అనుబంధ నోడల్ కార్యాలయాలకు లేదా పాయింట్ ఆఫ్ ప్రెసెన్స్‌లో ఎస్ 2 ఫారమ్ అభ్యర్థనను సమర్పించాలి.

ఎన్‌పీఎస్ చందాదారుడు మ‌ర‌ణిస్తే మిగిలిన మొత్తం నామినీ లేదా నామినీలు తీసుకోవడానికి అర్హులు. పెన్షన్ ఫండ్ రెగ్యులేటరీ అండ్ డెవలప్‌మెంట్ అథారిటీ లేదా పిఎఫ్‌ఆర్‌డిఎ ఈ రికార్డును తమ సిస్టమ్‌లో త్వరగా ప్రవేశపెట్టాలని సెంట్రల్ రికార్డ్ కీపింగ్ ఏజెన్సీలను కోరింది. ఎన్‌పిఎస్ కింద చేసిన నామినేషన్ ఎప్పుడైనా చందాదారుడు స‌వ‌రించుకోవ‌చ్చు.

ఆన్‌లైన్‌లో ఎన్‌పీఎస్‌ నామినీని మార్చ‌డం ఎలా?

• ఎన్‌పీఎస్ చందాదారులు వారి వివ‌రాల‌తో సీఆర్ఏ సిస్ట‌మ్‌కు లాగిన్ అయిన త‌ర్వాత "demographic changes లో ఉండే "update personal details’’ ఆప్ష‌న్ ఎంచుకోవాలి.
• ఆ త‌ర్వాత '‘add/update nominee detail’'s ఆప్ష‌న్ సెలక్ట్ చేసుకోవాలి
• నామినీ వివ‌రాలు పేరు, సంబంధం, ఎంత శాతం వాటాను వారికి కేటాయించాల‌నుకుంటున్నారో వంటి వివ‌రాల‌ను అందించాలి
• ఒక‌సారి వివ‌రాల‌ను పొందుప‌ర్చిన త‌ర్వాత న‌మోదిత మొబైల్ నంబ‌ర్‌కు ఓటీపీ వ‌స్తుంది.
• ఓటీపీ ఎంట‌ర్ చేసిన త‌ర్వాత ఇ-సైన్ ఆప్ష‌న్ నిర్ధారించుకోవాలి.
• అప్పుడు ఇ-సైన్ కోసం ఇ-సిగ్నేచర్ సర్వీస్ ప్రొవైడర్స్ పేజీకి తీసుకెళ్తుంది. అక్క‌డ చందాదారుడు ఆధార్ లేద వ‌ర్చువ‌ల్ ఐడీ ఎంట‌ర్ చేయాలి. త‌ర్వాత ఓటీపీపై క్లిక్ చేయాలి. ఓటీపీని ఎంట‌ర్ చేసీ దృవీక‌రించాలి.
• ఆ త‌ర్వాత నామినేష‌న్ వివ‌రాలు ఎన్‌పీఎస్ రికార్డుల్లో చేర‌తాయి. ఇ-సైన్ విఫ‌ల‌మ‌యితే ఎప్ప‌టిలాగీ ఫిజిక‌ల్‌గా డాక్యుమెంట్ల‌ను స‌మ‌ర్పిస్తే స‌రిపోతుంది.