Electronics Mart IPO: ప్రారంభమైన బజాజ్‌ ఎలక్ట్రానిక్స్‌ ఐపీఓ.. పూర్తి వివరాలివిగో!

Electronics Mart IPO: బజాజ్‌ ఎలక్ట్రానిక్స్‌ పేరుతో స్టోర్లను నిర్వహిస్తున్న ఎలక్ట్రానిక్స్‌ మార్ట్‌ ఇండియా పబ్లిక్‌ ఇష్యూ నేడు ప్రారంభమైంది. నాలుగు రోజుల పాటు కొనసాగి అక్టోబరు 7న ముగియనుంది.

Updated : 04 Oct 2022 10:50 IST

 

హైదరాబాద్‌: ‘బజాజ్‌ ఎలక్ట్రానిక్స్‌ (Bajaj Electronics)’ పేరిట ఎలక్ట్రానిక్స్‌ గృహోపకరణాల విక్రయశాలలను నిర్వహిస్తున్న ‘ఎలక్ట్రానిక్స్‌ మార్ట్‌ ఇండియా లిమిటెడ్‌’ ఐపీఓ (Electronics Mart IPO) మంగళవారం ప్రారంభమైంది. ఈ నెల 7వరకు ఇది కొనసాగనుంది. ఈ పబ్లిక్‌ ఇష్యూ ద్వారా దాదాపు రూ.500 కోట్లు సమీకరించాలని లక్ష్యంగా నిర్దేశించుకుంది. 2021 సెప్టెంబరులో కంపెనీ సెబీ వద్ద ముసాయిదా పత్రాలు దాఖలు చేసింది.

ఐపీఓకి సంబంధించిన కీలక వివరాలు..

  • ఐపీఓ ప్రారంభ తేదీ: అక్టోబరు 4
  • ఐపీఓ ముగింపు తేదీ: అక్టోబరు 7
  • ధరల శ్రేణి: రూ.56-59
  • బేసిస్‌ ఆఫ్‌ అలాట్‌మెంట్‌ తేదీ: అక్టోబరు 12
  • రీఫండ్ల ప్రారంభం: అక్టోబరు 13
  • డీమ్యాట్‌ ఖాతాలకు షేర్ల బదిలీ: అక్టోబరు 14
  • లిస్టింగ్‌ తేదీ: అక్టోబరు 17
  • కనీసం ఆర్డర్‌ చేయాల్సిన షేర్లు: 254 (ఒక లాట్‌)
  • ఒక్కో షేరు ముఖ విలువ: రూ.10

వివిధ వర్గాలకు షేర్ల కేటాయింపు తీరు..

  • అర్హతగల సంస్థాగత మదుపర్ల వాటా: 50%
  • సంస్థాగతేతర మదుపర్ల వాటా: 15%
  • చిన్న మదుపర్లు: 35%

ఇష్యూ ద్వారా వచ్చిన నిధుల్లో రూ.111.44 కోట్లు మూలధన వ్యయాలకు, రూ.220 కోట్లు వర్కింగ్‌ క్యాపిటల్‌ అవసరాలకు ఎలక్ట్రానిక్స్‌ మార్ట్‌ వినియోగించనుంది. రూ.55 కోట్ల రుణభారాన్ని తగ్గించుకోనుంది. ఆనంద్‌ రాఠి అడ్వైజర్స్‌, ఐఐఎఫ్‌ఎల్‌ సెక్యూరిటీస్‌, జేఎం ఫైనాన్షియల్‌ ఈ ఐపీఓకు లీడ్‌ మేనేజర్లుగా వ్యవహరిస్తున్నాయి.

ఎలక్ట్రానిక్స్‌ మార్ట్‌ ఇండియా ఆంధ్రప్రదేశ్‌, తెలంగాణ రాష్ట్రాల్లో ‘బజాజ్‌ ఎలక్ట్రానిక్స్‌ (Bajaj Electronics)’ పేరిట 112 విక్రయశాలలను నిర్వహిస్తోంది. ‘కిచెన్‌ స్టోరీస్‌’ పేరిట మరో రెండు స్టోర్లు కూడా దీని యాజమాన్యంలో ఉన్నాయి. వీటిలో పూర్తిగా వంటగదికి సంబంధించిన వస్తువులను విక్రయిస్తుంటారు. మరోవైపు ఇంట్లో ఉపయోగించే ఆడియో పరికరాల కోసం ‘ఆడియో అండ్‌ బియాండ్‌’ పేరిట ఒక ప్రత్యేక స్టోర్‌ను కూడా నిర్వహిస్తోంది. 2021-22లో ఈ కంపెనీ ఆదాయం 36 శాతం పెరిగి రూ.434.93 కోట్లకు చేరింది.

Read latest Business News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని