Published : 13 Feb 2022 15:43 IST

EPFO: వచ్చే నెలలో సీబీటీ కీలక భేటీ.. ఈపీఎఫ్‌ వడ్డీ రేటుపై నిర్ణయం

దిల్లీ: ఉద్యోగుల భవిష్య నిధి సంస్థ (EPFO)కు చెందిన అత్యున్నత నిర్ణయాక మండలి సెంట్రల్‌ బోర్డ్‌ ఆఫ్‌ ట్రస్టీ (CBT) సమావేశం వచ్చే (మార్చి) నెలలో జరగనుంది. ఈ భేటీలో 2021-22 ఆర్థిక సంవత్సరానికి గానూ పీఎఫ్‌ మొత్తాలపై చెల్లించాల్సిన వడ్డీ రేటుపై నిర్ణయం తీసుకోనున్నారు. అస్సాం రాజధాని గువాహటిలో ఈ సమావేశం జరగనుందని కేంద్ర కార్మిక శాఖ మంత్రి భూపేంద్ర యాదవ్‌ పీటీఐ వార్తా సంస్థకు తెలిపారు.

2020-21 ఆర్థికసంవత్సరంలో వడ్డీ రేటను 8.5 శాతంగా నిర్ణయించారు. ఈ ఏడాదీ అంతే మొత్తం నిర్ణయించే అవకాశం ఉందా? అని మంత్రిని ప్రశ్నించగా.. ఆదాయ అంచనాలపై ఆధారపడి నిర్ణయం ఉంటుందని బదులిచ్చారు. సాధారణంగా వడ్డీ రేటుపై సీబీటీ తీసుకున్న నిర్ణయాన్ని కేంద్ర ఆర్థిక శాఖ ఆమోదం తెలుపుతుంది. ఆ మేరకు వడ్డీని జమ చేయాల్సిందిగా ఆర్థిక శాఖ ఆదేశాలు జారీ చేస్తుంది. 202-21 ఆర్థిక సంవత్సరానికి సంబంధించిన వడ్డీ మొత్తాలు ఇప్పటికే చందాదారుల ఖాతాల్లో జమ అయ్యాయి.

ఏ ఏడాది వడ్డీ రేటు ఎంత..?

  • 2012-13- 8.5 శాతం
  • 2013-14- 8.75 శాతం
  • 2014-15- 8.75 శాతం
  • 2015-16- 8.8 శాతం
  • 2016-17- 8.65 శాతం
  • 2017-18- 8.55 శాతం
  • 2018-19- 8.65 శాతం
  • 2019-20- 8.5 శాతం
  • 2020-21- 8.5 శాతం

2011-12లో కనిష్ఠంగా 8.25 శాతం వడ్డీ ఇవ్వగా.. 2015-16లో అత్యధికంగా 8.8 శాతం వడ్డీ ఇచ్చారు.

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని