Health Insurance: ఆరోగ్య బీమా ప్రీమియంను ఏ అంశాలు ప్రభావితం చేస్తాయి..?
ఆరోగ్య బీమా సంస్థలు, పాలసీదారునికి సంబంధించి వివిధ అంశాలను పరిగణలోకి తీసుకుని ప్రీమియం లెక్కింస్తుంటాయి. కాబట్టి ప్రీమియం అందరికీ ఒకేలా ఉండదు.
ఇంటర్నెట్ డెస్క్: భారత్లో బీమాపై (Insurance) అవగాహన పెరిగింది. ముఖ్యంగా ఆరోగ్య బీమా. పెరుగుతున్న వైద్య ఖర్చులతో ఆరోగ్య బీమా లేకపోతే.. చికిత్స చేయించుకోవడం చాలా కష్టం అవుతోంది. కాబట్టి ప్రతి ఒక్కరి ఆర్థిక ప్రణాళికలో ఆరోగ్య బీమా తప్పనిసరిగా ఉండాలి. అయితే ఆరోగ్య బీమా పాలసీని కొనుగోలు చేసేటప్పుడు ఎక్కువ మంది ప్రీమియం ఎంత అనేదే చూస్తారు. కానీ ప్రీమియం అనేది అందరికీ ఒకేలా ఉండదు. వేరు వేరు వ్యక్తులకు వేరు వేరుగా ఉంటుంది. వ్యక్తి నేపథ్యం, ఇతర అంశాల ఆధారంగా ప్రీమియం మారుతుంటుంది. కాబట్టి ఆరోగ్య బీమా సంస్థలు ప్రీమియంను లెక్కించేటప్పుడు ముఖ్యంగా ఏయే అంశాలను పరిగణనలోకి తీసుకుంటాయనేది తెలుసుకోవడం ముఖ్యం. దీని ద్వారా ప్రీమియం తగ్గించుకునే ప్రయత్నం చేయవచ్చు.
వయసు..
ఆరోగ్య బీమా తీసుకునే వ్యక్తులకు 20 నుంచి 30 ఏళ్ల వయసు గోల్డెన్ ఇయర్స్గా చెప్పుకోవచ్చు. ఈ వయసులో ఆరోగ్య సమస్యలు వచ్చే అవకాశం తక్కువ. క్లెయిమ్లు కూడా తక్కువగా వచ్చే అవకాశం ఉంటుంది. కాబట్టి ఈ వయసులో బీమా సంస్థలు తక్కువ ప్రీమియంతో త్వరిత గతిన పాలసీలను జారీ చేస్తుంటాయి. వయసు పెరిగే కొద్దీ ఆరోగ్య సమస్యలు పెరిగే అవకాశం ఉంటుంది. కాబట్టి ఎక్కువ వయసున్న వారికి అధిక ప్రీమియంతో పాలసీలను జారీ చేస్తుంటాయి. కొన్ని బీమా సంస్థలు అయితే నిర్దిష్ట వయసు దాటిన తర్వాత పాలసీ జారీ చేసేందుకు సుముఖత చూపవు.
ముందుగా ఉన్న వ్యాధులు..
ఆరోగ్య బీమా తీసుకోవడానికి ముందు.. 48 నెలల్లో గుర్తించిన వ్యాధులను ముందుగా నిర్ధారించిన వ్యాధులు ( ప్రీ-ఎగ్జిస్టింగ్ డిసీసెస్) అంటారు. పాలసీ తీసుకునే సమయానికి మీకు రక్తపోటు, మధుమేహం, థైరాయిడ్ వంటివి నిర్ధారణ అయ్యి ఉంటే అవి ప్రీ-ఎగ్జిస్టింగ్ డీసీసెస్ కిందకి వస్తాయి.
ప్రమాద సంభావ్యతను అంచనా వేసి బీమా సంస్థలు పాలసీలను అందిస్తాయి. అయితే ప్రీ-ఎగ్జిస్టింగ్ డిసీసెస్ ఉన్నవారు ఇతర అనారోగ్యాల భారిన పడే అవకాశం ఎక్కువగా ఉంటుంది. దీంతో క్లెయిమ్లు పెరగొచ్చు. కాబట్టి ప్రీమియం కూడా ఎక్కువగానే ఉంటుంది. కొన్ని బీమా సంస్థలు ముందుగా ఉన్న అనారోగ్యాలకు కవరేజీని అందించడం లేదు. ఇందుకోసం సంబంధిత యాడ్-ఆన్లను కొనుగోలు చేయమని సూచిస్తున్నాయి.
హామీ మొత్తం..
ఆరోగ్య అత్యవసర పరిస్థితుల్లో బీమా సంస్థ నుంచి క్లెయిం చేయగల మొత్తం ఇది. మీ పాలసీ హామీ మొత్తం రూ. 5 లక్షలు, మీ ఆసుపత్రి బిల్లు రూ. 7 లక్షలు అయితే, మీరు పాలసీ నియమ నిబంధనలను అనుసరించి గరిష్ఠంగా రూ. 5 లక్షల వరకు మాత్రమే కవరేజీ పొందగలరు. మిగిలినది పాలసీదారుడే చెల్లించాలి. అందువల్ల హామీ మొత్తం ఎంత తక్కువగా ఉంటే ప్రీమియం కూడా అంత తక్కువగా ఉంటుంది. ఎక్కువ కవరేజీతో కూడిన పాలసీలకు ప్రీమియం ఎక్కువగా ఉంటుంది. అయితే పెరుగుతున్న వైద్య ద్రవ్యోల్బణంతో చికిత్సలకు అయ్యే ఖర్చులు గణనీయంగా పెరుగుతున్నాయి. కాబట్టి ఎక్కవ కవరేజీ కూడిన పాలసీలను తీసుకోవడమే మంచిది.
అధిక బీఎంఐ..
ఒక వ్యక్తి ఫిట్నెస్ను అంచనా వేసేందుకు ఆ వ్యక్తి బాడీ మాస్ ఇండెక్స్ (BMI)ను పరిశీలిస్తారు. అధిక బీఎంఐ అనేది గుండె జబ్బులు, శ్వాస సమస్యలు, కీళ్ల నొప్పులు, మొదలైన ఆరోగ్య సమస్యల ప్రమాదాన్ని సూచిస్తుంది. కాబట్టి వీరిని అధిక రిస్క్ ఉన్న వారిగా భావించి ప్రీమియం పెంచే అవకాశం ఉంటుంది. అయితే ప్రస్తుతం పాలసీదారులు ఆరోగ్యంపై శ్రద్ధ వహించేలా ప్రోత్సహించేందుకు, ఊబకాయం వంటివి రాకుండా నియంత్రించేందు, జీవన శైలి మెరుగుపర్చుకునేందుకు అనేక ఫిట్నెస్ కార్యక్రమాలు నిర్వహిస్తున్నాయి. అలాగే ఇటువంటి వారి కోసం డిస్కౌంట్లు, రివార్డులను అందిస్తున్నాయి.
ధూమపానం..
ధూమపానం ఆరోగ్యానికి హనికరం. ఊపిరితిత్తుల సమస్యలు, వంధత్వం, క్యాన్సర్ మొదలైన అనేక ఆరోగ్య సమస్యల ప్రమాదాన్ని పెంచుతుంది. కాబట్టి క్లెయింలు పెరిగే అవకాశం ఎక్కువగా ఉంటుంది. కాబట్టి అటువంటి వారికి అధిక ప్రీమియంతోనే పాలసీలను జారీ చేస్తుంటారు.
సహ చెల్లింపులు..
ఆరోగ్య బీమాలో సహ చెల్లింపుల (కో-పేమెంట్) ఆప్షన్ ఎంచుకుంటే ప్రీమియం తగ్గుతుంది. అనారోగ్యం కారణంగా పాలసీదారుడు ఆసుపత్రితో చేరితే.. క్లెయిం మొత్తంలో నిర్దిష్ట శాతాన్ని బీమా చేసిన వ్యక్తి చెల్లించాలి. మిగిలిన మొత్తాన్ని బీమా సంస్థ చెల్లిస్తుంది. కాబట్టి ప్రీమియం తగ్గుతుంది. కొన్ని పాలసీలు అంతర్గతంగా ఈ ఆప్షన్తో వస్తాయి. అయితే సాధ్యమైనంత వరకు సహ-చెల్లింపులు లేని పాలసీలను ఎంచుకోవడమే మంచిది.
మినహాయింపులు..
తక్కువ మినహాయింపులు ఉంటే, ఎక్కువ ప్రీమియం చెల్లించాల్సి వస్తుంది. ఆసుపత్రిలో చేరి 24 గంటల కంటే ఎక్కువ సమయం ఉన్నప్పుడు, మెడికల్ బిల్లు, ఐసీయూ ఛార్జీలు, గది అద్దె, డాక్టర్ ఫీజుతో సహా వైద్య ఖర్చులను పాలసీలు కవర్ చేస్తాయి. అయితే కొన్ని మినహాయింపులు కూడా ఉంటాయి. మినహాయింపుతో కూడిన పాలసీ తీసుకుంటే ప్రీమియం తగ్గొచ్చు. కానీ అవసరమైన సమయంలో ఈ బిల్లులే ఎక్కువ కావచ్చు.
ఇతర అంశాలు..
పైన తెలిపిన అంశాలే కాకుండా పాలసీదారుని పని ప్రదేశం, లింగం వంటి ఇతర అంశాలు కూడా ప్రీమియంను ప్రభావితం చేసే అవకాశం ఉంటుంది.
వృత్తి: సాధారణ కార్యాలయ ఉద్యోగులతో పోలిస్తే ఫ్యాక్టరీ లేదా తయారీ యూనిట్లో పనిచేసేవారు గాయాలు, అనారోగ్యం బారిన పడే అవకాశం ఉంటుంది. కాబట్టి ఇటువంటి వారికి అధిక ప్రీమియం వసూలు చేయవచ్చు. బీమా సంస్థలు వృత్తిపరమైన ప్రమాదాలను కవర్ చేయవు.
ప్లాన్ రకం: మీరు ఎంచుకున్న ప్లాన్ కూడా ప్రీమియంను ప్రభావితం చేస్తుంది. విస్తృతమైన కవరేజీతో, క్లిష్టమైన అనారోగ్యాలను కవర్ చేసే పాలసీలకు ప్రీమియం కాస్త ఎక్కువగా ఉండొచ్చు.
లింగం: మహిళలు, పురుషులు వారి వారి జీవనశైలి ఆధారంగా భిన్నమైన ఆరోగ్య సమస్యలను ఎదుర్కొంటుంటారు. కొన్ని బీమా సంస్థలు మహిళలను రిస్క్ పాలసీదారులుగా పరిగణించవచ్చు. ఉదాహరణకు మహిళల విషయంలో గర్బధారణ, సూతి ఖర్చులు సంబంధిత క్లెయింలు వచ్చే అవకాశం ఎక్కువ. ఇటువంటి కవరేజీలతో కూడిన పాలసీలకు ప్రీమియం కాస్త ఎక్కువ ఉండొచ్చు.
యాడ్-ఆన్లు..
యాడ్-ఆన్లు అదనపు ప్రయోజనాలను అందిస్తాయి. వీటి కోసం అదనపు ప్రీమియం చెల్లించాల్సి ఉంటుంది.
గుర్తుంచుకోండి..
పాలసీ దరఖాస్తు ఫారం నింపేటప్పుడు రిస్క్ ప్రొఫైల్ గురించి పూర్తి సమాచారాన్ని ఇవ్వాలి. పాలసీదారుడు ఇచ్చిన సమాచారాన్ని అధ్యయనం చేసి, ప్రమాదస్థాయిని అంచనా వేసి ఎంత ప్రీమియం చెల్లించాలో బీమా సంస్థ తెలుపుతుంది. ఒకవేళ తప్పు సమాచారం ఇచ్చినా, ఏదైనా విషయం దాచిపెట్టినా పాలసీలు తిరస్కరణకు గురై మొదటికే ముప్పురావచ్చు. కాబట్టి ప్రీమియం కొంచెం ఎక్కువైన అన్ని సరైన వివరాలతో, సమగ్ర కవరేజీతో కూడిన పాలసీ తీసుకోవడం మంచిది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.
తాజా వార్తలు (Latest News)
-
తితిదే వద్దనున్న రూ.2 వేల నోట్లు మార్పిడి!
-
సివిల్స్ ఫలితాల్లో వికారాబాద్ జిల్లా యువకుడి పొరపాటు
-
ఎంత దెబ్బకు అంత బ్యాండేజ్ కాదా!
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని