మీ ఆదాయపు పన్ను రిటర్న్‌ల‌లో తప్పుల‌ను ఎలా సరిదిద్దాలో తెలుసుకోండి

పన్ను చెల్లింపుదారుడు ఆదాయ ప‌న్ను రిట‌ర్నుల‌లో ఏదైనా పొరపాటు లేదా ముఖ్యమైన వివరాలను మ‌రిచిపోవ‌డం వంటివి జ‌రిగిన‌ప్పుడు నిర్ణీత కాలపరిమితిలో ఆదాయపు పన్ను శాఖ యొక్క ఇ-ఫైలింగ్ పోర్టల్ ద్వారా దాన్ని సరిదిద్దవచ్చు. ఇటువంటి స‌రిచేసిన‌ ఐటిఆర్ ఎప్పుడైనా మ‌దింపు సంవత్సరంలో లేదా అంత‌కుముందే దాఖలు చేయవచ్చు.

మొద‌ట‌ రిట‌ర్నులు ఆఫ్‌లైన్‌లో దాఖ‌లు చేస్తే త‌ర్వాత ఆన్‌లైన్‌లో స‌వ‌రించుకునేందుకు వీలుండ‌దు.సవరించిన ఐటీఆర్‌ అంటే ఆదాయపు పన్ను చట్టంలోని సెక్షన్ 139 (5) కింద దిద్దుబాట్లతో కొత్త ఐటిఆర్‌ను దాఖలు చేయడం.

ఇ-ఫైలింగ్ పోర్టల్ ద్వారా సవరించిన ఐటిఆర్‌ను ఆన్‌లైన్‌లో ఫైల్ చేయడం ఎలాగో తెలుసుకోండి:

1. ఆదాయపు పన్ను శాఖ ఇ-ఫైలింగ్ పోర్టల్‌కు వెళ్లండి
2. మీ పాన్ నంబర్, పాస్‌వర్డ్ ఉపయోగించి ఇ-ఫైలింగ్ పోర్టల్‌కు లాగిన్ అవ్వండి.
3. మొద‌ట‌ ‘e-File’ క్లిక్ చేసి ‘Income Tax Return’ లింక్‌పై క్లిక్ చేయండి
4. ఆదాయపు పన్ను రిటర్న్ పేజీలో, మీ పాన్ సంఖ్య క‌నిపిస్తుంది. అక్క‌డ మ‌దింపు సంవ‌త్స‌రం (అసెస్‌మెంట్ ఇయ‌ర్‌), ఐటిఆర్ ఫారం నంబర్‌ను ఎంచుకోండి
5. తరువాత, ‘Filing Type’ గా ’ Original/Revised Return’ ఎంచుకోండి
6. 'Prepare and Submit Online పై క్లిక్ చేయండి
7. ఆన్‌లైన్ ఐటీఆర్ ఫారమ్‌లో ‘General Information’ tab, లో 'Return Filing Section’‌ ఎంచుకోండి , 'Revised return under Section 139(5)స లో భాగంగా 'Return filing type’లో ‘Revised’ ఎంచుకోండి.
8. అసలు ఐటిఆర్ 'రసీదు సంఖ్య‌ , ‘దాఖలు చేసిన తేదీ’ నమోదు చేయండి.
9. సంబంధిత వివరాలను పూరించడం లేదా స‌రిదిద్దిన త‌ర్వాత ఐటీఆర్ సమర్పించండి
10. రిట‌ర్నులు ఇ-వెరిఫై చేసుకోండి