Financial Habits: ఈ ఆర్థిక అలవాట్లతో వేగంగా సంపద సృష్టించుకోవచ్చు!
జీవితంలో అలవర్చుకునే మంచి అలవాట్లే..విజయం వైపు దిశా నిర్దేశం చేస్తాయి. ఇదే సూత్రం ఆర్థిక విషయాల్లోనూ వర్తిస్తుంది.
ఇంటర్నెట్ డెస్క్: జీవితంలో అలవర్చుకునే మంచి అలవాట్లే.. మనల్ని విజయం వైపు నడిపిస్తాయి. ఇదే సూత్రం ఆర్థిక విషయాల్లోనూ వర్తిస్తుంది. మదుపు చేయాలంటే ప్రారంభంలోనే పెద్ద మొత్తంలో పెట్టుబడులు పెట్టాలని కాదు. రూ.500 లాంటి చిన్న మొత్తంతో పెట్టుబడులు ప్రారంభించినా ఒక క్రమ పద్ధతిలో అలవాటుగా చేస్తూపోతే మంచి రాబడి సాధించవచ్చు. అలాగే ఆర్జించిన మొత్తంలో ఎక్కువ భాగం పొదుపు కోసం కేటాయించగలగాలి. ఖర్చులను నియంత్రణలో ఉంచగలగాలి. ఇదంతా మంచి ఆర్థిక అలవాట్లు ఉన్నవారికే సాధ్యం అవుతుంది. ఇంతకీ మంచి ఆర్థిక అలవాట్లు అంటే..?
ఏ పనైనా ప్రణాళిక ప్రకారం చేయాలి..
మనం చేసే ఏ పని కోసమైనా ముందుగా ప్లాన్ చేయడం అలవాటు చేసుకోవాలి. నెలవారీ ఆదాయాన్నే తీసుకోండి. ఎంత పొదుపు చేయాలి? ఖర్చుల కోసం ఎంత ప్లాన్ చేయాలి? అనేది చూసుకోవాలి. ఖర్చులను సరిగ్గా ప్లాన్ చేసుకుంటే ఎక్కువ మొత్తాన్ని పొదుపు కోసం కేటాయించగలుగుతాం. అలాగే మనకు అనేక ఆర్థిక లక్ష్యాలు (పిల్లలు చదువులు, పదవీ విరమణ ఇలా) ఉంటాయి. పొదుపు చేసిన మొత్తం నుంచి ఏ లక్ష్యం కోసం ఎంత కేటాయించాలి? ఎక్కడ మదుపు చేయాలి? అనేది కూడా ప్లాన్ చేసుకోవాలి.
అనవసర ఖర్చులకు పోకుండా..
జీవనశైలిలో చాలా మార్పులు వచ్చాయి. ఆదాయం పెరిగింది. దీంతో పాటే ఖర్చులూ పెరిగాయి. కొన్ని సార్లు వద్దనుకున్నా.. స్నేహితుల ఒత్తిడితో ఖర్చు చేయాల్సి వస్తుంది. ఇవి ఆదాయాన్ని మించిపోతుంటాయి. ఇది ప్రమాదకరం. కాబట్టి అనవసర ఖర్చులు చేసే అలవాట్లను మానుకోండి. ఖర్చుల కోసం ఒక బెంచ్మార్కును సెట్ చేసుకోండి. ఈ పరిధి దాటకుండా ఉండేందుకు ఎల్లప్పుడూ ప్రయత్నించండి.
అప్పులకు దూరంగా ఉండండి..
అప్పు.. ఒక వ్యక్తి ఆర్థిక ప్రణాళికను దెబ్బతీసి రుణ ఊబిలో చిక్కుకుపోయేలా చేయగలదు. అందువల్ల రుణాల విషయంలో జాగ్రత్తగా వ్యవహరించడం అవసరం. రుణాలు ఎప్పుడూ పరిమితిలోనే ఉండాలి. ఏదైనా కొనుగోలు చేయడానికి మనం అప్పు చేస్తున్నామంటే.. భవిష్యత్లో దాని విలువ మనకి కనిపించాలి. ఉదాహరణకు విద్యారుణం తీసుకోండి. దీంతో మనం నైపుణ్యాన్ని పెంచుకుని భవిష్యత్లో మరింత ఆర్జించేందుకు అవకాశాన్ని ఇస్తుంది. అలాగే గృహ రుణం తీసుకుంటే.. భవిష్యత్లో మనం ఇంటిని సమకూర్చుకోగలుగుతాం. కాబట్టి ఇలాంటి రుణాలను తీసుకోవడంలో తప్పులేదు. అంతేగానీ కాలక్రమంలో విలువ తగ్గే ఆస్తుల కోసం, ఇతర విలాసాల కోసం అప్పు చేయడం మంచిది కాదు.
అలాగే, కొన్నిసార్లు తక్కువ వడ్డీ రేటుకే రుణం లభిస్తుందని అప్పు తీసుకుంటాం. కానీ, వడ్డీ రేట్లు పెరిగినప్పుడు చెల్లించాల్సిన ఈఎంఐ భారమైపోతుంది. అందువల్ల మీ రుణాలను ఏడాదికి ఒకసారైనా సమీక్షించండి. అందులో ఎక్కువ వడ్డీ రేటుతో కూడిన రూణాలను ముందుగా చెల్లించేందుకు ప్రయత్నించండి. ఇందుకు సంస్థ ఇచ్చే బోనస్ వంటి వాటిని కూడా ఉపయోగించుకోవచ్చు.
పెట్టుబడుల్లో వైవిధ్యత ఉండాలి..
పొదుపు చేసిన డబ్బునంతా ఒకేచోట మదుపు చేయడం తెలివైన పనికాదు. ఇందులో రిస్క్ ఎక్కువగా ఉంటుంది. ఏదైనా ఒక పెట్టుబడిలో రాబడి అధికంగా వస్తుందని ఎవరైనా చెబితే.. మొత్తం డబ్బును తీసుకెళ్లి అందులోనే పెట్టేస్తుంటారు. ఒకవేళ ఆ పెట్టుబడులు తీవ్రస్థాయిలో దెబ్బతింటే తిరిగి కోలుకోలేని పరిస్థితులు రావచ్చు. అందువల్ల ఉన్న డబ్బంతా ఒకే చోట కాకుండా రిస్క్ను నియంత్రణలో ఉంచే విధంగా వివిధ ఆస్తి తరగతుల్లో మదుపు చేయాలి. రిస్క్తో పాటు, ఇతర ఖర్చులు, పన్నులనూ పరిగణనలోకి తీసుకుని పోర్ట్ఫోలియో నిర్మించుకోవాలి.
మీ కోసం కొంత పక్కన పెట్టండి..
ప్రతి నెలా ఆదాయం వస్తుంది. ఇందులో కొంత భాగాన్ని ఇంటి అద్దె, కరెంటు/ఇతర బిల్లులు, మీ/కుటుంబ సభ్యుల వినోదం కోసం ఖర్చు చేస్తుంటారు. మిగిలినది పిల్లల చదువులు, ఇతర కుటుంబ సభ్యుల కోసం కేటాయిస్తారు. మరి మీ భవిష్యత్ కోసం మీరు ఏమైనా పొదుపు చేస్తున్నారా.. చూసుకోండి. ఒకవేళ లేదూ అనుకుంటే ప్రతి నెలా మీ సంపాదన నుంచి కొంతైనా మీ కోసం కేటాయించండి. ఇది ఎంత చిన్న మొత్తం అయినా పర్వాలేదు. కాలక్రమంలో ఈ చిన్న మొత్తమే పెద్ద కార్పస్ను సృష్టిస్తుంది. ఇది మీ పదవీ విరమణ జీవితానికి కొండంత భరోసానిస్తుంది.
కుటుంబ సభ్యులతో చర్చించండి..
మనం ఏ పనైనా కుటుంబ సభ్యుల సహకారం లేనిదే చేయలేం. అలాగే, మనం తీసుకునే నిర్ణయాలు వారిని కూడా ప్రభావితం చేస్తాయి. కాబట్టి, ఆర్థిక సంబంధిత విషయాలు కుటుంబ సభ్యులతో చర్చించడం అలవాటు చేసుకోండి. కుటుంబ సభ్యులను మించి డబ్బు విషయాల్లో నమ్మే వ్యక్తులు వేరే ఎవరూ ఉండరని గుర్తుంచుకోండి.
చివరిగా..
ఆరోగ్యకరమైన అలవాట్లు.. శారీరకంగానూ, మానసికంగానూ ప్రశాంతతను చేకూరుస్తాయి. క్రమశిక్షణ లేని వ్యక్తి ఎంత కష్టపడినా ఫలితం శూన్యమే అవుతుంది. అదే క్రమశిక్షణతో కష్టపడుతూ, తెలివిగా మదుపు చేయగలిగితే కొద్దిపాటి పొదుపుతోనైనా సంపదను సృష్టించవచ్చు. మంచి ఆర్థిక అలవాట్లు వేగంగా మీ లక్ష్యాలను చేరుకునేందుకు దోహదపడతాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కొత్త ఆర్థిక సంవత్సరం ఇలా ప్రారంభిద్దాం...
ఆర్థిక సంవత్సరం ప్రారంభం కాగానే చాలా విషయాల్లో మార్పులు వస్తుంటాయి. ఆదాయపు పన్ను విషయం కావొచ్చు.. బ్యాంకింగ్ సంబంధిత లావాదేవీలు.. ఇలా ఎన్నో ఏప్రిల్ 1 నుంచి మనకు కొత్తగా కనిపిస్తుంటాయి -
సిప్ ప్రారంభిస్తారా ?ఇవి తెలుసుకోండి..
స్టాక్ మార్కెట్ సూచీలు గరిష్ఠ స్థాయికి చేరుతుండటంతో ఇటీవల కాలంలో చాలామంది ఇందులో మదుపు చేసేందుకు ఆసక్తి చూపిస్తున్నారు. మూడేళ్లుగా ఈక్విటీల్లోకి వస్తున్న పెట్టుబడులే ఇందుకు నిదర్శనం -
అత్యవసర నిధి ఖర్చులను తట్టుకునేలా
అవసరాలు ఎప్పుడు ఏ రూపంలో పలకరిస్తాయో చెప్పలేం. ఇలా వచ్చేవాటిని తట్టుకునేందుకు ఆర్థికంగా సిద్ధంగా ఉండాల్సిందే. నెలనెలా ఆదాయం వచ్చేదాకా వీటిని వాయిదా వేయలేం. -
31లోగా ఇవి పూర్తి చేయండి..
ఆర్థిక సంవత్సరం ముగింపు నేపథ్యంలో మార్చి 31 నాటికి పూర్తి చేయాల్సిన కొన్ని పనులు.. ముగుస్తున్న పథకాల వివరాలను పరిశీలిద్దాం.. -
విశ్రాంత జీవితంలో తోడుగా
పదవీ విరమణ తర్వాత ఆర్థికంగా ఇబ్బందులు ఎదురవకుండా, స్థిరమైన ఆదాయాన్ని అందించే పదవీ విరమణ పథకాలపై మదుపరుల్లో ఆసక్తి పెరుగుతోంది -
చిన్న, మధ్యస్త REITS ద్వారా స్థిరాస్తిలో పెట్టుబడులు.. సురక్షితమేనా?
తరతరాలుగా భారతీయులు స్థిరాస్తి, బంగారం వంటి సంప్రదాయ పెట్టుబడులను గౌరవిస్తున్నారు. మారుతున్న కాలంలో స్థిరాస్తి పెట్టుబడులకు మారో రూపమే SM REITS.. వీటి గురించి తెలుసుకోండి. -
PPF vs VPF: పీపీఎఫ్, వీపీఎఫ్లో ఏది బెటర్..?
PPF or VPF: వాలంటరీ ప్రావిడెండ్ ఫండ్, పబ్లిక్ ప్రావిడెంట్ ఫండ్లో ఏది బెటర్ అని ఆలోచిస్తున్నారా? ఈ విషయాల్ని పరిశీలించాక మీ నిర్ణయం తీసుకోండి.. -
Foreign Trip: విదేశీ టూర్ను ఇబ్బంది లేకుండా ఎలా ప్లాన్ చేసుకోవాలి?
విదేశీ వెకేషన్ను ప్లాన్ చేయడానికి అనేక జాగ్రత్తలు తీసుకోవాల్సి ఉంటుంది. ఎలాంటి జాగ్రత్తలు తీసుకుంటే ప్రయాణం ఇబ్బంది లేకుండా, సజావుగా జరుగుతుందో ఇప్పుడు తెలుసుకుందాం.. -
Claim Ratio: ఆరోగ్య బీమా కంపెనీల క్లెయిమ్స్ రేషియో ఎంతెంత?
దేశంలో వివిధ బీమా సంస్థలకు సంబంధించి.. ఆరోగ్య బీమా పాలసీల క్లెయిం సెటిల్మెంట్ రేషియో ఎంత ఉందో ఇక్కడ చూడండి. -
కుటుంబానికి ధీమానిచ్చేలా.. బీమా పాలసీ
సంపాదించిన మొత్తంలో నుంచి పొదుపు, పెట్టుబడులకు కొంత కేటాయిస్తుంటాం. కుటుంబానికి ఆర్థికంగా అవసరమైన లక్ష్యాల సాధనకు ఇవి ఉపయోగడేలా చూసుకుంటాం. -
పన్ను ఆదా ఇలా చేద్దాం
ఆర్థిక సంవత్సరం ముగింపు దగ్గరకు వచ్చేసింది. పాత పన్ను విధానాన్ని ఎంచుకున్న వారు తమ పొదుపు,పెట్టుబడులను వెంటనే పూర్తి చేయాల్సిన అవసరం ఉంది. -
డెట్ ఫండ్లలో మదుపు చేస్తున్నారా?
ఈక్విటీ మార్కెట్లలో అనిశ్చితి కనిపిస్తుండటంతో చాలామంది సురక్షిత పథకాలపై దృష్టి సారిస్తున్నారు. ఈ నేపథ్యంలో వీటిలో మదుపు చేసేటప్పుడు పరిశీలించాల్సిన అంశాలను తెలుసుకుందాం. -
Credit cards: క్రెడిట్ కార్డుదారులకు అలర్ట్.. ఏప్రిల్ 1 నుంచి కొత్త రూల్స్!
Credit Cards: క్రెడిట్ కార్డుల విషయంలో ఏప్రిల్ 1 నుంచి మార్పులు రానున్నాయి. రివార్డులు, ఎయిర్పోర్ట్ లాంజ్ యాక్సెస్ విషయంలో బ్యాంకులు కీలక మార్పులు చేపట్టాయి. -
Health Insurance Claims: ఆరోగ్య బీమా క్లెయిమ్ విషయంలో ఈ తప్పులు చేయొద్దు!
Insurance claims: ఆరోగ్య బీమా క్లెయిమ్లు కొన్నిసార్లు తిరస్కరణకు గురవుతుంటాయి. కాబట్టి ఈ తప్పులు చేయొద్దు.. -
Health Emergency: ఆరోగ్య అత్యవసర పరిస్థితులను ఎలా ఎదుర్కోవాలి?
జీవితంలో ఎలాంటి ఇబ్బంది వచ్చినా దాన్ని ఎదుర్కోడానికి మనం ఆర్థికంగా సిద్ధంగా ఉండాలి. ముఖ్యంగా ఆరోగ్య అత్యవసర పరిస్థితులు ఏర్పడినప్పుడు దాన్ని ఎలా ఎదుర్కోవాలో తెలుసుకోండి.. -
Mutual Funds: మ్యూచువల్ ఫండ్ల ఉపసంహరణ సమస్య.. ఎన్ని రోజులు పడుతోందంటే?
మార్కెట్లలో మిడ్, స్మాల్క్యాప్ ఫండ్లలో ఉన్న తమ నిధులను మదుపుదార్లు ఉపసంహరించుకున్నప్పుడు నిధుల బదిలీకి వివిధ సంస్థలు కొంత సమయాన్ని తీసుకుంటున్నాయి. ఎంత మొత్తం ఉపసంహరణకు.. ఎంత సమయం తీసుకుంటున్నాయో ఇక్కడ చూడండి. -
Insurance Agent: బీమా ఏజెంట్ను ఎలా ఎంపిక చేసుకోవాలి?
చాలా మందికి వారి వ్యక్తిగత జీవితంలో బీమా చాలా అవసరం. పాలసీ కొనుగోలు సమయంలో ఏజెంట్/అడ్వైజర్ అవసరం పడొచ్చు. వీరి గురించి ఇక్కడ తెలుసుకోండి. -
ఆరోగ్య బీమా రోజువారీ ఖర్చులను అందించేలా...
వైద్య ఖర్చులు ఎప్పటికప్పుడు పెరుగుతున్నాయి. అదే సమయంలో ఆరోగ్య బీమా రంగంలోనూ ఎన్నో మార్పులు వస్తున్నాయి. -
స్టాక్ మార్కెట్ హెచ్చుతగ్గుల్లో అప్రమత్తంగా
స్టాక్ మార్కెట్ అంటేనే అనిశ్చితికి మారు పేరు. చిన్న వార్త వచ్చినా దానికి ప్రతికూలంగానో, అనుకూలంగానో స్పందిస్తుంటాయి. ఒక్క రోజులోనే మదుపరుల సంపద కొన్ని లక్షల కోట్ల రూపాయలు ఆవిరవుతుంది. -
స్థిరాస్తి రంగంలో...
హెచ్డీఎఫ్సీ మ్యూచువల్ ఫండ్ కొత్తగా హెచ్డీఎఫ్సీ నిఫ్టీ రియాల్టీ ఇండెక్స్ ఫండ్ అనే పథకాన్ని తీసుకొచ్చింది. ఈ పథకం న్యూ ఫండ్ ఆఫర్ (ఎన్ఎఫ్ఓ) ఈ నెల 21న ముగుస్తుంది. -
Health Insurance: విదేశాల్లో విద్యనభ్యసించే విద్యార్ధుల కోసం ఆరోగ్య బీమా
విదేశాల్లో చదువుతున్న విద్యార్థులకు ఆరోగ్య బీమా తప్పనిసరి. భారత్లో ప్రముఖ బీమా సంస్థలు విదేశీ విద్యార్థులకు అందించే బీమా సౌకర్యాలు ఇక్కడ తెలుసుకుందాం.
తాజా వార్తలు (Latest News)
-
వైకాపా అభ్యర్థి రాజ్యలక్ష్మి ఎస్టీ కాదంటూ వ్యాజ్యం
-
లోయలో పడిన బస్సు.. 45 మంది మృతి.. గాయాలతో బయటపడ్డ 8 ఏళ్ల బాలిక
-
ఏపీలో రోగులకు ఎన్నికల కష్టాలు
-
అనపర్తి స్థానం మార్పు వైకాపా కుట్ర: నల్లమిల్లి
-
బరిలో ఐదుగురు ఓ.పన్నీర్సెల్వంలు.. అందరి నామినేషన్లు ఆమోదం
-
గుండెపోటుతో గ్యాంగ్స్టర్ ముఖ్తార్ అన్సారీ మృతి.. యూపీలో 144 సెక్షన్