ఎనిమిదో రోజుపెరిగిన ఇంధన ధరలు

దిల్లీ: దేశంలో ఇంధన ధరలు మరోసారి పెరిగాయి. అంతర్జాతీయ మార్కెట్లో చమురు ధరల పెరుగుదల కారణంగా మంగళవారం భారత్‌లో మరోసారి పెట్రోల్‌, డీజిల్‌ ధరలు పుంజుకున్నాయి. కాగా దేశంలో ఇంధన ధరలు పెరగడం వరుసగా ఇది ఎనిమిదో రోజు కావడం గమనార్హం. దేశరాజధాని దిల్లీలో లీటర్‌ పెట్రోల్‌పై 30పైసలు పెరిగి రూ.89.29గా నమోదైంది. లీటర్‌ డీజిల్‌పై 35పైసలు పెరిగి రూ.79.70 వద్ద నిలిచింది. 

ఇక దేశ వాణిజ్య రాజధాని ముంబయిలో పెట్రోల్‌ ధరలు రికార్డు స్థాయిలో లీటర్‌ రూ.95.75గా ఉండగా.. డీజిల్‌ ధర రూ.86.35 గా ఉంది. ఇక హైదరాబాద్‌లోనూ పెట్రోల్‌ ధర గరిష్ఠ స్థాయిలో నమోదైంది. లీటర్‌ పెట్రోల్‌ ధర రూ.92.84 ఉండగా.. డీజిల్‌ ధర రూ.86.93 గా నమోదైంది. కాగా ఇంధన ధరలు ఇలా అమాంతం పెరుగుతూ పోతుంటే సామాన్యుడిపై తీవ్ర ప్రభావం పడుతోందని ప్రతిపక్షాలు కేంద్రంపై విమర్శలు కురిపిస్తున్నాయి. 

ఇదీచదవండి

ఐటీ నియామకాలు పెరుగుతాయి