178% పెరిగిన కోల్‌ ఇండియా లాభం

కోల్‌కతా: కోల్‌ ఇండియా ఈ ఆర్థిక సంవత్సరం జూన్‌ త్రైమాసికంలో రూ.8,834 కోట్ల నికర లాభాన్ని నమోదు చేసింది. క్రితం ఆర్థిక సంవత్సరం ఇదే త్రైమాసిక లాభం రూ.3,174 కోట్లతో పోలిస్తే ఇది 178 శాతం అధికం. విక్రయాల ఆదాయం రూ.23,293 కోట్ల నుంచి రూ.32,498 కోట్లకు చేరింది. బొగ్గు ఇ-వేలం ద్వారా టన్నుకు రూ.4,340 చొప్పున సంస్థకు లభించింది. సుమారు 21 మిలియన్‌ టన్నుల బొగ్గును ఏప్రిల్‌-జూన్‌ త్రైమాసికంలో ఇ-వేలం ద్వారా కోల్‌ ఇండియా విక్రయించింది. ఉత్పత్తి పెరగడంతో, మొత్తం వ్యయాలు కూడా రూ.21,626 కోట్ల నుంచి రూ.23,985 కోట్లకు చేరాయి.