Published : 13 Aug 2022 02:18 IST

మహీంద్రా ‘స్కార్పియో క్లాసిక్‌’

ఈనాడు, హైదరాబాద్‌: మహీంద్రా అండ్‌ మహీంద్రా లిమిటెడ్‌, కొత్తగా ‘స్కార్పియో క్లాసిక్‌’ మోడల్‌ను ఆవిష్కరించింది. ‘రెండు దశాబ్దాల క్రితం విడుదల చేసిన స్కార్పియో దృఢత్వానికి, సమర్థతకు, హోదాకు దర్పణంగా నిలిచింది. ఈ సందర్భాన్ని పురస్కరించుకుని స్కార్పియో క్లాసిక్‌- ఎస్‌, క్లాసిక్‌- ఎస్‌ 11 తీసుకువచ్చాం’ అని మహీంద్రా అండ్‌ మహీంద్రా వెల్లడించింది. ఇతర మోడళ్లతో పోల్చితే క్లాసిక్‌ మోడల్‌ బరువు 55 కిలోలు తక్కువని, 14 శాతం అధిక మైలేజీ ఇస్తుందని తెలిపింది. మెరుగైన సస్పెన్షన్‌, 22.86 సెంటీమీటర్ల టచ్‌స్క్రీన్‌ ఇన్ఫోటెయిన్‌మెంట్‌ సిస్టమ్‌, ఆర్‌17 డైమండ్‌ కట్‌ అల్లాయ్‌ వీల్స్‌, నూతన డీఆర్‌ఎల్‌ వంటి ప్రత్యేకతలు దీన్లో ఉన్నట్లు కంపెనీ వెల్లడించింది. వీటి ధరలను ఈ నెల 20న సంస్థ ప్రకటిస్తుంది.


లాట్‌ వార్షికోత్సవ ఆఫర్లు

హైదరాబాద్‌: లాట్‌ మొబైల్స్‌ 10వ వార్షికోత్సవం సందర్భంగా ప్రత్యేక ఆఫర్లు ఇస్తున్నట్లు సంస్థ డైరెక్టర్‌ ఎం.అఖిల్‌ పేర్కొన్నారు. అన్ని బ్రాండ్ల మొబైళ్లు, స్మార్ట్‌ టీవీలు, ల్యాప్‌టాప్‌లు, స్మార్ట్‌ వాచీలు, హోం థియేటర్‌,  ఇన్వర్టర్లు, ప్రింటర్లు విక్రయిస్తున్నట్లు వెల్లడించారు. ప్రతి స్మార్ట్‌ ఫోన్‌పై కాలింగ్‌ వాచ్‌ లేదా  టవర్‌ ఫ్యాన్‌ లభిస్తాయన్నారు. రూ.9999కే స్మార్ట్‌టీవీ, రూ.17,999కే ల్యాప్‌టాప్‌ విక్రయిస్తున్నామంది. ఐసీఐసీఐ బ్యాంక్‌ క్రెడిట్‌ కార్డుపై 7.5 శాతం; వివో ఫోన్లపై రూ.5000 వరకు, ఒపో ఫోన్లపై రూ.4000 వరకు, వన్‌ప్లస్‌పై రూ.6000 వరకు క్యాష్‌బ్యాక్‌ ఇస్తామన్నారు. శామ్‌సంగ్‌ ఫోన్లపై రూ.10000 వరకు అప్‌గ్రేడ్‌ బోనస్‌ ఉందన్నారు. వన్‌ప్లస్‌, ఎంఐ, రియల్‌మీ టీవీలపై రూ.5000 వరకు క్యాష్‌బ్యాక్‌, మొబిక్విక్‌పై 4 శాతం క్యాష్‌బ్యాక్‌, పేటీఎంపై 5% వరకు క్యాష్‌బ్యాక్‌ పొందొచ్చు.

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని