బాస్మతియేతర బియ్యం, నూకల ఎగుమతులపై నిషేధం ఎత్తివేత

దిల్లీ: ఆర్గానిక్‌ బాస్మతియేతర బియ్యం, నూకల ఎగుమతులపై ఉన్న నిషేధాన్ని ప్రభుత్వం మంగళవారం ఎత్తివేసింది. దేశీయ సరఫరాలు సమృద్ధిగా ఉండటంతో పాటు, ధరలు అందుబాటులోకి రావడంతో ఈ నిర్ణయం తీసుకున్నట్లు తెలుస్తోంది. సెప్టెంబరు ప్రారంభంలో దేశీయ లభ్యత పెంచేందుకు నూకల ఎగుమతులపై ప్రభుత్వం నిషేధం విధించింది. దీని తర్వాత బాస్మతి యేతర బియ్యం ధరలు రిటైల్‌ విపణుల్లో పెరిగిన నేపథ్యంలో, దేశీయ సరఫరాలు పెంచేందుకు వీలుగా వీటి ఎగుమతులపై 20 శాతం ఎగుమతి సుంకాన్ని విధించింది. సెప్టెంబరు నిషేధానికి ముందు ఆర్గానిక్‌ నాన్‌-బాస్మతి, నూకల బియ్యంపై ఎలాంటి స్థితి ఉందో అదే ఇకపై కొనసాతుందని డైరెక్టర్‌ జనరల్‌ ఆఫ్‌ ఫారిన్‌ ట్రేడ్‌ నోటిఫికేషన్‌ విడుదల చేసింది.