సంక్షిప్తంగా

* రష్యా సహా ప్రపంచంలో ఎక్కడి నుంచైనా చమురు కొనుగోలు చేయడం భారత్‌ కొనసాగిస్తుందని ఉన్నతాధికారులు వెల్లడించారు. రష్యాపై ఐరోపా సమాఖ్య ఆంక్షలు ప్రారంభం కానున్న నేపథ్యంలో ఈ వ్యాఖ్యలు చేశారు.

* భారత ఆర్థిక వ్యవస్థ రూపురేఖలను రిటైల్‌ డిజిటల్‌ రూపాయి మారుస్తుందని ఎస్‌బీఐ ఛైర్మన్‌ దినేశ్‌ కుమార్‌ ఖరా అభిప్రాయపడ్డారు.

* టైర్ల కంపెనీలు కుమ్మక్కయ్యాయన్న ఆరోపణలపై తాజా ఆదేశాలు జారీ చేయాల్సిందిగా కాంపిటిషన్‌ కమిషన్‌ ఆఫ్‌ ఇండియా(సీసీఐ)ను ఎన్‌సీఎల్‌ఏటీ ఆదేశించింది. దేశీయ టైర్ల పరిశ్రమను కాపాడేందుకు జరిమానాలను సమీక్షించాలని అభిప్రాయపడింది.

* ప్రస్తుత ఆర్థిక సంవత్సరంలో దేశంలో తమకున్న కేంద్రాల్లో ఐటీ ఎగుమతులు 10-12 శాతం వృద్ధి చెందే అవకాశం ఉందని ఎస్‌టీపీఐ డైరెక్టర్‌ జనరల్‌ అరవింద్‌ కుమార్‌ అంచనా వేశారు.

* వచ్చే అయిదేళ్లలో వెస్ట్‌లైఫ్‌ మూడురెట్ల అమ్మకాల వృద్ధిని ఆశిస్తోంది. 2027 నాటికి కొత్తగా 300 మెక్‌డొనాల్డ్స్‌ రెస్టారెంట్‌లను ప్రారంభించాలని భావిస్తోంది.

* మెనోపాజ్‌ లక్షణాల తీవ్రతను తగ్గించే ఎస్ట్రాడియల్‌ ట్రాన్స్‌డెర్మాల్‌ సిస్టమ్‌ జనరిక్‌ ఔషధానికి యూఎస్‌ఎఫ్‌డీఏ అనుమతి ఇచ్చినట్లు జైడస్‌ లైఫ్‌సైన్సెస్‌ వెల్లడించింది.

* ద్రవ్యోల్బణాన్ని నియంత్రించేందుకు 216 బిలియన్‌ డాలర్ల అదనపు బడ్జెట్‌కు జపాన్‌ పార్లమెంట్‌ ఆమోదం తెలిపింది. బలహీన యెన్‌, పెరిగిన జీవనవ్యయాలను అదుపు చేయాలని జపాన్‌ లక్ష్యంగా పెట్టుకుంది.