ఫోన్‌పే రూ.8,200 కోట్ల నిధుల సమీకరణ!

వాల్‌మార్ట్‌ నేతృత్వంలోని డిజిటల్‌ పేమెంట్స్‌ బ్రాండ్‌ అయిన ఫోన్‌పే తాజాగా 1 బిలియన్‌ డాలర్ల (సుమారు రూ.8,200 కోట్లు) నిధుల్ని సమీకరించేందుకు సిద్ధమవుతోందని ఈ వ్యవహారంతో సంబంధమున్న వర్గాలను ఉటంకిస్తూ ఒక ఆంగ్ల వార్తా సంస్థ వెల్లడించింది. జనరల్‌ అట్లాంటిక్‌తో పాటు ప్రస్తుత వాటాదార్లు టైగర్‌ గ్లోబల్‌ మేనేజ్‌మెంట్‌, ఖతర్‌ ఇన్వెస్ట్‌మెంట్‌ అథారిటీ, మైక్రోసాఫ్ట్‌ కార్ప్‌ల నుంచి ఈ నిధుల్ని సమీకరించబోతోందని సమాచారం. దీంతో ఫోన్‌పే విలువ 13 బి.డాలర్ల (సుమారు రూ.1.07 లక్షల కోట్లు)కు చేరనుంది. ఈ నిధుల సమీకరణ వ్యవహారంపై ఫోన్‌పే ఇంకా స్పందించాల్సి ఉంది.