గృహ రుణ రేట్ల పెంపు

ఈనాడు, హైదరాబాద్‌: ఆర్‌బీఐ రెపో రేటును 35 బేసిస్‌ పాయింట్ల మేరకు పెంచడంతో బ్యాంకులు ఆ భారాన్ని వినియోగదారులకు బదిలీ చేస్తున్నాయి. రెపో ఆధారిత వడ్డీ రేట్లను పెంచుతూ నిర్ణయం తీసుకుంటున్నాయి.

* పంజాబ్‌ నేషనల్‌ బ్యాంక్‌ తన ఆర్‌ఎల్‌ఎల్‌ఆర్‌ను 0.35% పెంచింది. దీంతో గృహరుణ రేటు 8.40% నుంచి 8.75 శాతానికి చేరుకుంది. రెపో రేటు 6.25 శాతానికి అదనంగా 2.50 శాతాన్ని వసూలు చేస్తున్నట్లు పేర్కొంది. కొత్త రేట్లు గురువారం నుంచే అమల్లోకి వచ్చాయి.

* కెనరా బ్యాంకు  రెపో ఆధారిత వడ్డీ రేటును 8.80 శాతానికి పెంచింది. ఈ నెల 7 నుంచే ఇది అమల్లోకి వచ్చింది. అయితే ఈ నెల 31 వరకు వడ్డీ రేట్లపై 25 బేసిస్‌ పాయింట్ల మేరకు ప్రత్యేక రాయితీ ఇస్తున్నట్లు తెలిపింది. దీంతో మహిళా రుణగ్రహీతలకు 8.55 శాతానికి, ఇతరులకు 8.60 శాతానికి గృహరుణం అందనుంది.