Sundar pichai: సుందర్‌ పిచాయ్‌కు పనితీరు ఆధారిత వేతనం పెంపు

గూగుల్‌ మాతృ సంస్థ ఆల్ఫాబెట్‌ ఇంక్‌ తన సీఈఓ సుందర్‌ పిచాయ్‌కు సరికొత్త వేతన విధానాన్ని అమలు చేయడానికి అనుమతి ఇచ్చింది. దీని ప్రకారం.. ఆయన వేతనంలో ఎక్కువ భాగాన్ని పనితీరుకు అనుసంధానం చేశారు. ఎస్‌ అండ్‌ పీ 100 కంపెనీలతో పోలిస్తే ఆల్ఫాబెట్‌ వాటాదార్ల ప్రతిఫలం ఆధారంగా పిచాయ్‌ వేతనంలో మరింత మార్పులుంటాయి. సీఈఓగా పిచాయ్‌ ‘బలమైన పనితీరు’ను ప్రదర్శిస్తున్నారని బోర్డు గుర్తించినట్లు ఆల్ఫాబెట్‌ పేర్కొంది. దీని ప్రకారం.. పనితీరు ఆధారిత స్టాక్‌ యూనిట్ల(పీఎస్‌యూ)ను 2019లో ఉన్న 43 శాతం నుంచి 60 శాతానికి సవరించినట్లు తెలిపింది. ప్రతి మూడేళ్లకోసారి పిచాయ్‌కు వేతన సవరణ చేస్తున్నారు. రెండు దశల్లో 63 మిలియన్‌ డాలర్ల చొప్పున లక్ష్యంతో పీఎస్‌యూలను అందించారు. ఆల్ఫాబెట్‌ పరిమిత స్టాక్‌ యూనిట్ల రూపంలోమరో 84 మిలియన్‌ డాలర్లనూ ఆయనకు ఇచ్చారు.