Aadhar-PAN: మార్చిలోపు పాన్‌తో ఆధార్‌ను అనుసంధానించాలి

లేదంటే చెల్లుబాటులో ఉండదు: ఐటీ విభాగం

దిల్లీ: వచ్చే ఏడాది మార్చి ఆఖరుకు శాశ్వత ఖాతా సంఖ్య (పాన్‌)ను ఆధార్‌తో అనుసంధానించకపోతే అది చెల్లుబాటు కాకుండా పోతుందని ఆదాయపు పన్ను (ఐటీ) విభాగం శనివారం వెల్లడించింది. ‘తప్పనిసరిగా అనుసంధానించాల్సిన అవసరం ఉంది కాబట్టి ఆలస్యం ఎందుకు? ఈరోజే ఆ పని పూర్తి చేయండ’ంటూ సూచించింది. ఆదాయపు పన్ను చట్టం 1961 ప్రకారం, పాన్‌ కార్డు కలిగిన వారంతా (మినహాయింపు విభాగంలోని వారు కాకుండా) 2023 మార్చి 31లోగా అనుసంధానం చేయాల్సి ఉంటుందని, ఏప్రిల్‌ 1 నుంచి లింక్‌ కాని పాన్‌ కార్డులు చెల్లుబాటులో ఉండ’వని ఐటీ విభాగం తెలిపింది.