పసిడిలో లాభాల స్వీకరణ!

కమొడిటీస్‌ఈ వారం

బంగారం

పసిడి ఏప్రిల్‌ కాంట్రాక్టు ఈవారం రూ.57,389 స్థాయిని అధిగమిస్తే రూ.57,592 వరకు వెళ్లే అవకాశం ఉంటుంది. దీనినీ మించితే రూ.57,749 వరకు రాణిస్తుందని భావించవచ్చు. ఒకవేళ రూ.57,029 కంటే కిందకు వస్తే రూ.56,872; రూ.56,669 వరకు దిద్దుబాటు కావచ్చు. లాంగ్‌ పొజిషన్లున్న ట్రేడర్లు అధిక స్థాయిల వద్ద లాభాలను స్వీకరించడం లేదంటే.. రూ.57,026 సమీపంలో స్టాప్‌లాస్‌ను పెట్టుకోవడం మంచిది. ఈవారంలో జరిగే అమెరికా ఫెడ్‌ సమావేశంలో తీసుకునే నిర్ణయాలూ పసిడి కాంట్రాక్టుకు దిశానిర్దేశం చేస్తాయి.

* ఎంసీఎక్స్‌ బుల్‌డెక్స్‌ ఫిబ్రవరి కాంట్రాక్టుకు ఈవారం రూ.15,798 వద్ద స్టాప్‌లాస్‌ పెట్టుకొని రూ.15,729 దిగువన షార్ట్‌ సెల్‌ చేయడం మంచిదే.  

వెండి

వెండి మార్చి కాంట్రాక్టు ఈవారం రూ.67,550 కంటే కిందకు వస్తేనే దిద్దుబాటు అయ్యేందుకు అవకాశం ఉంటుంది.

ప్రాథమిక లోహాలు

* రాగి ఫిబ్రవరి కాంట్రాక్టు నేడు     రూ.791 స్థాయిని నిలబెట్టుకుంటే.. రూ.794; రూ.798 వరకు రాణిస్తుందని భావించవచ్చు. ఒకవేళ రూ.775 కంటే కిందకు వస్తే.. ప్రతికూల ధోరణికి ఆస్కారం ఉంటుంది.

* సీసం ఫిబ్రవరి కాంట్రాక్టుకు రూ.188 వద్ద స్టాప్‌లాస్‌ పెట్టుకొని రూ.190 ఎగువన లాంగ్‌ పొజిషన్లు తీసుకోవచ్చు. రూ.187 దిగువకు వస్తే షార్ట్‌ సెల్‌ వైపు మొగ్గు చూపొచ్చు.

* జింక్‌ ఫిబ్రవరి కాంట్రాక్టు ఈవారం సాంకేతికంగా మరింత కిందకు దిగివచ్చే అవకాశం ఉంది. రూ.305.60 కంటే ఎగువన కదలాడకుంటే.. రూ.293 వరకు పడిపోవచ్చు.

* అల్యూమినియం ఫిబ్రవరి కాంట్రాక్టు ఈవారం రూ.222 కంటే పైన కదలాడితే.. లాంగ్‌పొజిషన్ల వైపు మొగ్గుచూపొచ్చు. ఒకవేళ ఈ స్థాయి కంటే కిందకు వస్తే దిద్దుబాటుకు ఆస్కారం ఉంటుంది.

ఇంధన రంగం

* ముడి చమురు ఫిబ్రవరి కాంట్రాక్టు ఈవారం రూ.6,676 కంటే పైన కదలాడకుంటే.. రూ.6,469; రూ.6,396 వరకు పడిపోవచ్చు. ఒకవేళ రూ.6,676ను మించితే  రూ.6,693;రూ.6,735 వరకు రాణిస్తుంది.

* సహజవాయువు ఫిబ్రవరి కాంట్రాక్టు ఈవారం సానుకూలంగా చలిస్తే రూ.265 వద్ద నిరోధం ఎదురుకావచ్చు. ఈ స్థాయిని అధిగమిస్తే రూ.277 వరకు పెరిగే అవకాశం ఉంటుంది. ఒకవేళ కిందకు వస్తే రూ.234 వద్ద మద్దతు లభించవచ్చు. ఈ స్థాయినీ కోల్పోతే రూ.214కు పడిపోతుంది.

వ్యవసాయ ఉత్పత్తులు

* పసుపు ఏప్రిల్‌ కాంట్రాక్టు ఈవారం రూ.7,346 కంటే దిగువన కదలాడకుంటే.. రెండు వారాల గరిష్ఠమైన రూ.7,840 వరకు పెరిగే అవకాశం ఉంటుంది.

* జీలకర్ర ఏప్రిల్‌ కాంట్రాక్టు ఈవారం కిందకు వస్తే రూ.30,625 వద్ద మద్దతు లభించవచ్చు. ఈ స్థాయిని కోల్పోతే రూ.29,466 వరకు పడిపోతుందని భావించవచ్చు.

* ధనియాలు ఏప్రిల్‌ కాంట్రాక్టుకు ఈవారం కూడా అధిక స్థాయిల వద్ద అమ్మకాల ఒత్తిడి ఎదురయ్యే అవకాశం ఉంది.

ఆర్‌ఎల్‌పీ కమొడిటీ అండ్‌ డెరివేటివ్స్‌